එක්සත් අරාබි එමීර් රාජ්‍යයේ කාන්තාවන්ට හදිසි ගබ්සා කිරීම් සඳහා තවදුරටත් තම සැමියාගේ අනුමැතිය අවශ්‍ය නොවේ. නව නීති සම්පාදනයක් මගින් කාන්තාවන්ට තම වෛද්‍ය වාර්තාවේ ප්‍රතිඵල ලැබීමෙන් පසු තම හෝ තම නූපන් දරුවාගේ ජීවිතය අනතුරේ පවතින බව ප්‍රකාශ කළහොත් ඔවුන්ගේ ගැබ් ගැනීම අවසන් කිරීමට ඉඩ සලසයි.
ක්‍රියා පටිපාටිය සඳහා අවසර දෙනු ලබන්නේ කාන්තාව ඇගේ කැමැත්ත ලබා දීමෙන් පසුව හෝ ඇයගේ අවසරය ලබාගත නොහැකි අවස්ථාවකදී නම්, ඇගේ ස්වාමිපුරුෂයා හෝ භාරකරුගේ අනුමැතිය ප්‍රකාශ කිරීමෙන් පසුවය.
පසුගිය ඔක්තෝම්බර් මාසයේදී රජය විසින් අනුමත කරන ලද නීති සම්පාදනය අනුව, ගබ්සාවක් සිදු කළ හැකි කාලසීමාව සම්බන්ධයෙන් සීමාවන් තිබේද යන්න පැහැදිලි කර නැත.
මීට පෙර, නීති සම්පාදනයේ සඳහන් වූයේ උපත ලබන අවස්ථාවලදී දරුවාගේ ජීවිතයට තර්ජනයක් වන තත්වයන් යටතේ, කලලයට දින 120 ට අඩු නම් පමණක් ගබ්සා කිරීමට ඉඩ ලබා දෙන බවයි.
එක්සත් අරාබි එමීර් රාජ්‍යයේ ගබ්සාවට අවසර ඇත්තේ ගැබ් ගැනීම හේතුවෙන්, මවගේ ජීවිතය අනතුරේ හෙළන්නේ නම් හෝ දරුවා තෘප්තිමත් ජීවිතයක් ගත කිරීම වළක්වන, ජීවිතයට තර්ජනයක් වන අකාරයේ අසාමාන්‍යතා වලින් පෙළෙන්නේ නම් පමණි.
නව නීති සම්පාදනය පැමිණෙන්නේ රට පුරා කාන්තා අයිතිවාසිකම්වලට සහාය වීම අරමුණු කරගත් ප්‍රාදේශීය සහ ෆෙඩරල් නීතිවල අනුප්‍රාප්තියක කොටසක් ලෙස ය.
වසරකට ළදරුවන් 7,500 ක් පමණ ප්‍රසූත කරන අබුඩාබිහි ප්‍රධාන මාතෘ රෝහල වන කෝනිෂ් රෝහල සතියකට ගබ්සා කිරීම් පහක් හෝ හයක් පමණ සිදු කරයි. මීට වසර කිහිපයකට පෙර වනතෙක්ම, එමීර් රාජ්‍යයෙහි මෙම ක්‍රියා පටිපාටිය සිදු කිරීමට අවසර දී තිබූ එකම රෝහල එයයි.
මෙම නව නීති සම්පාදනය මගින් ගබ්සා කිරීම් සිදු කිරීමට පුද්ගලික බලපත්‍රලාභී රෝහල් සඳහා අවසර ලබා දී ඇත.
කෝනිෂ් රෝහලේ ප්‍රධාන වෛද්‍ය නිලධාරී වෛද්‍ය පෝල් බොසියෝ පැවසුවේ, “මම අන්ත දෙකම දැක ඇති අතර මෙම නව වෙනස්කම් සමඟ එක්සත් අරාබි එමීර් රාජ්‍යය සිටින තැන සිටීම වඩාත් සුදුසුය. ගබ්සා සේවා සැපයීම ලෝකයේ බොහෝ ප්‍රදේශවල සහ විවිධ සංස්කෘතීන් තුළ ඉතා මතභේදාත්මක ක්‍රියාවලියක් විය හැකිය. නමුත් කාන්තා අයිතීන් සහ සෞඛ්‍යය යන දෙකම වෙනුවෙන් පෙනී සිටින නාරිවේද වෛද්‍යවරයෙක් ලෙස මට පෞද්ගලිකව හැඟෙන්නේ මෙහි අපේ නීතිය පරිපූර්ණ බවයි.” නව නීතිය මගින් බරපතල තත්වයන් ඇති මව්වරුන් ආරක්ෂා කරන අතරම, ජීවිතයට තර්ජනයක් වන තත්වයන් ඇති ළදරුවන් කෙරෙහි මානුෂීය ප්‍රවේශයක් ද ලබා දෙන බව ආචාර්ය බොසියෝ සඳහන් කලේය.
“මේ නිසා මට මෙහි නීතිය ගැන ලොකු පැහැදීමක් තියෙනවා.”
ඩුබායි නීති සමාගමක් වන Expatriate Law හි හවුල්කරු සහ ප්‍රධානී බයිරන් ජේම්ස් පැවසුවේ නව නීතිය කාන්තාවන්ට ඔවුන්ගේ ශරීරය සහ ඔවුන්ගේ නූපන් දරුවා කෙරෙහි ස්වාධීනත්වය ලබා දෙන බවයි.
