“ලෝකයේ විශාලතම” ගුවන් තොටුපල ඩුබායි නගරයේ ඉදිකිරීම් ආරම්භ කර ඇත. සම්පුර්ණයෙන්ම මෙය ක්‍රියාත්මක වූ පසු ගුවන් තොටුපළ විසින් වාර්ෂිකව මිලියන 260 ක මගී ධාරිතාවක් හසුරුවනු ඇති බව එමීර් රජය නිවේදනයක් නිකුත් කරමින් කියා සිටියේය. එම ගුවන් තොටුපළ අල් මක්තූම් ජාත්‍යන්තර ගුවන් තොටුපළ ලෙස නම් කෙරේ. මෙහි නව පර්යන්තයක වැඩ ආරම්භ කර ඇති අතර එමීර් රාජ්‍යයේ පාලකයා පැවසුවේ ඩොලර් බිලියන 35 කට ආසන්න වියදමක් මේ සඳහා යොදවන බවය.
“අපි Al Maktoum ජාත්‍යන්තර ගුවන් තොටුපළේ නව මගී පර්යන්තය සඳහා සැලසුම් අනුමත කර ඩිරාම් බිලියන 128 (ඩොලර් බිලියන 34.85) වියදමින් ගොඩනැගිල්ලේ ඉදිකිරීම් ආරම්භ කරමින් සිටිමු.” ඩුබායි පාලක Sheikh Mohammed bin Rashid Al Maktoum මහතා සඳහන් කලේය.
ෂෙයික් මොහොමඩ් මහතා පැවසුවේ එය ලෝකයේ විශාලතම ධාරිතාව සහිත වන අතර එය වර්තමාන ඩුබායි ජාත්‍යන්තර ගුවන් තොටුපල මෙන් පස් ගුණයක් වන බවය.
එය ලෝකයේ කාර්යබහුලම ගුවන් කේන්ද්‍රස්ථානයකි. ඩුබායි සිවිල් ගුවන් සේවා අධිකාරියේ සභාපති සහ ප්‍රධාන විධායක නිලධාරී Sheikh Ahmed bin Saeed Al Maktoum මහතා පවසන පරිදි මෙම ව්‍යාපෘතියේ පළමු අදියර වසර 10 ක කාලයක් තුළ සූදානම් වන අතර, වාර්ෂිකව මගීන් මිලියන 150 කට පහසුකම් සැලසීමේ හැකියාව ඇත.
නගරයට පිටතින් ඉදිකරන ලද, Al Maktoum ගුවන් තොටුපළට 2010 සිට ගල්ෆ් මූල්‍ය මධ්‍යස්ථානයේ ගුවන් ගමනාගමනයෙන් සාපේක්ෂව කුඩා කොටසක් ලැබී ඇත. බලධාරීන්ට එය ඩුබායි ජාත්‍යන්තර ගුවන් තොටුපළ ප්‍රතිස්ථාපනය කිරීමට අවශ්‍ය වන අතර වාර්ෂිකව මගීන් මිලියන 120ක් දක්වා ප්‍රවාහනය කළ හැකි සහ නගර මධ්‍යයේ පිහිටීම ප්‍රසාරණය වීම වළක්වයි.
