එක්සත් අරාබි එමීර් රාජ්‍යයේ, කොළඹ සහිරා විද්‍යාලයීය (ZCC) ආදි ශිෂ්‍ය සංගමය (OBA) එහි 20 වැනි සංවත්සරය ඩුබායි හි Knight Castle හෝටලයේදී පසුගියදා පැවත් විය. රාත්‍රී භෝජන සංග්‍රහය සමඟින් සංගමයේ සුවිශේෂී සන්ධිස්ථානයක් මෙදින සනිටුහන් කෙරිණි. එමීර් රාජ්‍යය පුරා විසිරී සිටින සහිරා විද්‍යාලයීය ආදි සිසුන් සහ ඔවුන්ගේ පවුල් 200 කට අධික සංඛ්‍යාවක් මෙවර උත්සවයට එක් වූහ.
ඩුබායි සහ උතුරු එමිරේට්ස් හි ශ්‍රී ලංකා කොන්සල් ජනරාල් ගරු ඇලෙක්සි ගුණසේකර මහතා සහ හිටපු ශ්‍රී ලංකා T20 නායක දසුන් ශානක ඇතුළු සම්භාවනීය අමුත්තන් කීප දෙනෙකු මෙදින සන්ධ්‍යාවට එක්ව සිටියහ.
2025/26 වසර සඳහා නව ZCC OBA විධායක කමිටුව හඳුන්වා දීම එදින රාත්‍රියේදී සිදු විය.
ZCC OBA T-shirt නිල වශයෙන් එළිදැක්වීමද මෙම අවස්ථාවේ සිදු කෙරුණු අතර, උත්සවයේ ප්‍රධාන අනුග්‍රාහකයා ලෙස කටයුතු කල Siraj Finance සමාගම සමඟ සහයෝගයෙන් එය සිදු විණි.
මෙම උත්සවයට ශ්‍රී ලාංකේය සංස්කෘතියේ විචිත්‍රවත් අංගයන් ප්‍රදර්ශනය කරන සම්ප්‍රදායික නර්තන අංග ඉදිරිපත් කෙරිණි.
