අපනයන සංවර්ධන මණ්ඩලය (EDB) වියට්නාමයේ ශ්‍රී ලංකා තානාපති කාර්යාලය සමඟ එක්ව දෙසැම්බර් 1 සිට 3 දක්වා හෝ චීමිං නගරයේ Sai Gon Exhibition & Convention Center (SECC)හි පැවති 20 වෙනි Viet Nam Expo ප්‍රදර්ශනයේදී ශ්‍රී ලාංකීය ව්‍යාපාරවල ප්‍රථම සහභාගීත්වය සංවිධානය කරන ලදී.
ශ්‍රී ලාංකේය ව්‍යාපාර නියෝජනය කරමින්, සීමාසහිත හේමාස් නිෂ්පාදන සමාගම, සිලෝන් ෆ්‍රෙෂ් ටීස් ලිමිටඩ්, සිලෝන් බිස්කට් ලිමිටඩ්, කැලණි කේබල්ස් පීඑල්සී, ඕරල් කෝපරේෂන් ලිමිටඩ්, සහ කුඩා හා මධ්‍ය පරිමාණ ව්‍යාපාර යටතේ සීමාසහිත Healthy Foods Lanka Exports Ltd, Kandrick Tea Beverages Lanka Ltd, Dehami Products and Success Holdings Ltd යන ආයතන මෙම ප්‍රදර්ශනයට සහභාගී විය.
ශ්‍රී ලාංකේය සමාගම්වලට වෙළඳ විමසීම් 100 කට වඩා ලැබී ඇති අතර උනන්දුවක් දක්වන පාර්ශ්වයන් සමඟ ව්‍යාපාරික රැස්වීම් විශාල ප්‍රමාණයක් පැවැත්වීය. ඔවුන් ප්‍රධාන වශයෙන් විදුලි කේබල්, කාර්මික විද්‍යුත් නිෂ්පාදන, කුරුඳු නිෂ්පාදන සහ විවිධ තේ වර්ග වැනි නිෂ්පාදන මිලදී ගන්නන් 20කට අධික සංඛ්‍යාවක් සමඟ ක්‍රියා කර ඇත.
විවිධ රටවල් ඔවුන්ගේ අද්විතීය නිෂ්පාදන ප්‍රදර්ශනය කරන ජාත්‍යන්තර විශාලතම වෙළඳ ප්‍රදර්ශනයක් වන Viet Nam Expo, රටවල් 20 කින් සහ 13,000 නරඹන්නන් නියෝජනය කරමින්, ආසන්න වශයෙන් කුටි 550 කින් සමන්විත විය. යන්ත්‍රෝපකරණ සහ ඉලෙක්ට්‍රොනික උපකරණ, දෘඪාංග සහ අත් මෙවලම්, ආහාර සහ ප්‍රොපැක්, උද්‍යාන සහ උද්‍යාන අලංකරන උපකර ණ වැනි විවිධ නිෂ්පාදන අංශ සඳහා එක්ස්පෝ විශිෂ්ට වේදිකාවක් සැපයීය.
