එක්සත් අරාබි එමීර් රාජ්‍යයේ විරැකියා රක්ෂණ යෝජනා ක්‍රමය 2023 ජනවාරි මාසයේ දියත් කළ දා සිට ග්‍රාහකයින් මිලියනය ඉක්මවා ඇති බව මානව සම්පත් සහ එමරාතිකරණ අමාත්‍යාංශය (MoHRE) නිවේදනය කරයි.
සේවකයින් 2023 ජූනි 30 වන දිනට පෙර යෝජනා ක්‍රමයට අනිවාර්යයෙන් දායක විය යුතුය. එසේ කිරීමට අපොහොසත් වුවහොත් ඩිරාම් 400 ක දඩයක් අය කෙරේ.
මෙම යෝජනා ක්‍රමය ෆෙඩරල් රජයේ සහ පෞද්ගලික අංශයේ සේවකයින් ආවරණය කරයි. එය එක්සත් අරාබි එමීර් රාජ්‍යයේ සේවකයින්ගේ වෘත්තීය මාර්ගයට සහ ජීවන ස්ථාවරත්වයට සහාය වන අඩු වියදම් රැකියා ආරක්ෂණ ජාලයක් ලබා දෙයි.
මානව සම්පත් සහ එමරාතිකරණය පිළිබඳ අමාත්‍ය ආචාර්ය අබ්දුල්රහ්මන් අල් අවාර්, මෙම යෝජනා ක්‍රමය “ශ්‍රම වෙළඳපොළට ධනාත්මක බලපෑමක් ඇති කර ඇති” බව අවධාරණය කළේය. එය “එක්සත් අරාබි එමීර් රාජ්‍යයේ ආර්ථික අංශවල වර්ධකයක් ” බව ඔහු සඳහන් කළේය.
විරැකියා රක්ෂණ යෝජනා ක්‍රමයට දායක වීමට සුදුසුකම් ඇති අයට ආවරණයෙන් ප්‍රතිලාභ ලබා ගැනීමටත්, සේවා යෝජකයන්ට දායක වීමට තම සේවකයන් දිරිමත් කරන ලෙසත් ඔහු ඉල්ලා සිටියේය.
දායක වීමෙන් නිදහස් වූවන් අතර ආයෝජකයින්, ඔවුන් සේවය කරන ස්ථාන වල හිමිකරුවන්, ගෘහ සේවිකාවන්, තාවකාලික රැකියා ගිවිසුම් ඇති සේවකයින්, වයස අවුරුදු 18 ට අඩු බාල වයස්කරුවන් සහ විශ්‍රාමික, විශ්‍රාම වැටුපක් ලබා නව රැකියාවකට සම්බන්ධ වූ විශ්‍රාමිකයන් ඇතුළත් වේ.
රක්ෂණය කාණ්ඩ දෙකකට බෙදා ඇත:
- පළමුවැන්න ඩිරාම්16,000 සහ ඊට අඩු මූලික වැටුපක් ඇති අය ආවරණය කරයි. මෙම කාණ්ඩයේ රක්ෂිත සේවකයාගේ රක්ෂණ වාරිකය මසකට ඩිරාම් 5 (වාර්ෂිකව ඩිරාම් 60) ලෙස සකසා ඇති අතර, මාසික වන්දි මුදල මසකට ඩිරාම් 10,000 දක්වා සීමා කෙරේ.
- දෙවන කාණ්ඩයට ඩිරාම් 16,000 ඉක්මවන මූලික වැටුපක් ඇති අය ඇතුළත් වන අතර රක්ෂණ වාරිකය මසකට ඩිරාම් 10 වේ (වාර්ෂිකව ඩිරාම් 120) ඩිරාම් 20,000 දක්වා මාසික වන්දි මුදලක් ලැබේ.
සේවකයා අවම වශයෙන් අඛණ්ඩව මාස 12ක් සඳහා යෝජනා ක්‍රමයකට දායක වී ඇති තාක් රක්ෂණ වන්දි ඉල්ලා සිටිය හැක. රැකියා අහිමි වීමෙන් දින 30 ක් ඇතුළත හිමිකම් පෑම ඉදිරිපත් කළ හැකි අතර, ඉදිරිපත් කිරීමෙන් සති දෙකක් ඇතුළත එය සකස් කරනු ලැබේ. සැකසුම් කාලය තුළ ඔහු/ඇය ඔවුන්ගේ පදිංචිය අවලංගු කර රට හැර ගියහොත් හෝ නව රැකියාවකට සම්බන්ධ වූ අවස්ථාවකදී රක්ෂණකරුගේ වන්දි ගෙවීමේ අයිතිය අහිමි වේ.
විරැකියාවට පෙර අවසන් මාස හය තුළ සාමාන්‍ය මූලික වැටුපෙන් 60% ක අනුපාතයකින් වන්දි ගණනය කරනු ලබන අතර, විරැකියා දිනයේ සිට එක් එක් හිමිකම් සඳහා උපරිම වශයෙන් මාස තුනක කාලයක් සඳහා ගෙවනු ලැබේ.
