ඩුබායි විදුලිබල හා ජල අධිකාරිය (DEWA) ගිම්හානයේදී විදුලි ගිනි වැළැක්වීම සඳහා උපදෙස් ලබාදී ඇති අතර ග්‍රීෂ්ම ඍතුවේ දී විදුලි උපකරණ අනිසි ලෙස භාවිත කිරීම සහ ඒවා රැකබලා නොගැනීම හේතුවෙන් ඇතිවන ගිනිගැනීම් අවදානම සම්බන්ධයෙන් ඩුබායි වැසියන්ට අනතුරු අඟවා තිබේ.
වතුර කේතල, උඳුන් සහ විදුලි ස්තිරික්ක පවා නිසි ලෙස පරිහරණය නොකළහොත් ගිනි අවදානමක් ඇති විය හැකි බව බලධාරීහු පවසති.
ඩුබායි විදුලිබල හා ජල අධිකාරිය (DEWA) මහජනතාවගෙන් ඉල්ලා සිටින්නේ විදුලි උපකරණ සහ විදුලි සම්බන්ධතා වරින් වර නඩත්තු නොකිරීම සහ අනිසි ලෙස භාවිතා කිරීම නිසා ගිම්හානයේදී උෂ්ණත්වය ඉහළ යාමත් සමඟ ඇතිවිය හැකි ගිනි අවදානම වළක්වා ගැනීමට අවශ්‍ය සියලු පියවර ගන්නා ලෙසයි.
ඩුබායි විදුලි ගිනි අනතුරු ඇඟවීම
පුද්ගලයන් සහ ඔවුන්ගේ දේපළ ආරක්ෂා කිරීමට සහ ආරක්ෂිත විදුලි පරිභෝජනය සහතික කිරීමට එහි ස්මාර්ට් සේවා සහ එහි වෙබ් අඩවියේ සහ ස්මාර්ට් යෙදුමේ ඇති ඉඟි භාවිතා කරන ලෙස DEWA පාරිභෝගිකයින්ගෙන් ඉල්ලා සිටියේය. ස්ථාපනය සහ නඩත්තු කටයුතු සිදු කිරීම සඳහා විදුලි ප්‍රභවයන් සමඟ සෘජුව ගනුදෙනු කිරීම වෙනුවට ආරක්ෂිත ප්‍රමිතීන් සහ පිළිගත් තාක්‍ෂණ ශිල්පීන් යොදාගැන්මත්, උසස් තත්ත්වයේ විදුලි උපකරණ භාවිතා කිරීමේ වැදගත්කමත් DEWA අවධාරණය කළේය.
සම්බන්ධතා, දිගු කිරීම්, විදුලි රැහැන් සහ පේනු වල ආරක්ෂාව සහතික කිරීමේ වැදගත්කම DEWA විසින් අවධාරණය කරන ලද අතර විශේෂයෙන් ගිම්හානයේදී උපකරණ වල ධාරිතාව තුල මෙහෙයුම් සීමාකිරීමටත්, අධි ධාරිතාවකින් භාවිත නොකිරීම සහතික කිරීමත් පෙන්වා දී තිබෙනවා.
DEWA විසින් විදුලි උපකරණ වල ධාරිතාව ඉක්මවන උපාංග කිහිපයක් සම්බන්ධ කිරීමෙන් වැළකීමේ අවශ්‍යතාවය ද පෙන්වා දුන්නේය. DEWA පාරිභෝගිකයින්ගෙන් ඉල්ලා සිටියේ නිවෙස්වල අභ්‍යන්තර සම්බන්ධතා සඳහා, නිසි පරිවරණ භාවිතා කරමින් වයර් ආවරණය කරන ලෙසත්, නිරාවරණය වූ වයර් සහ හානියට පත් විදුලි කොටස් ගැන සැලකිලිමත් වන ලෙසත්, ඒවා වහාම ප්‍රතිස්ථාපනය කළ යුතු හෝ ප්‍රතිස්ථාපනය වන තෙක් පරිවරණය කළ ටේප් මගින් ආවරණය කළ යුතු බවයි.
විදුලි රැහැන්, කොරිඩෝ, දොරවල් හෝ ජනෙල් හරහා ගමන් නොකරන බවට පාරිභෝගිකයින් සහතික විය යුතුය. ගිම්හානයේදී උෂ්ණත්වය ඉහළ යාමත් සමඟ විදුලි උපකරණ අනිසි ලෙස භාවිතා කිරීම සහ දෝෂ සහිත විදුලි සම්බන්ධතා හේතුවෙන් ගිනි ඇතිවීමේ අවදානම වළක්වා ගැනීමට අවශ්‍ය සියලු පියවර ගන්නා ලෙස DEWA පාරිභෝගිකයින්ගෙන් ඉල්ලා සිටී.
විදුලි උපකරණ ආරක්ෂා කිරීම සඳහා, ඩුබායි වැසියන් වෙත පහත සඳහන් වැළැක්වීමේ පියවර අනුගමනය කරන ලෙස DEWA නිර් දේශ කරයි:
- විදුලි ස්තිරික්ක, විදුලි කේතල හෝ විදුලි උඳුනක් වැනි තාපය නිපදවන උපාංග භාවිතා කිරීමේදී ප්‍රවේශම් වන්න.
- විදුලි කේතල ක්‍රියාත්මක කිරීම සඳහා ප්‍රමාණවත් තරම් ජලය දැමීම කෙරෙහි අවධානය යොමු කිරීම
- විදුලි උපකරනය භාවිතයෙන් පසු එය විසන්ධි කරන්න
- විදුලි උපකරණ රෙදි සහ තිර රෙදි වලින් ඈත්ව, දෘශ්‍යමාන සහ හොඳින් වාතාශ්‍රය ඇති ප්‍රදේශයක තබන්න
- උපාංග මත දූවිලි එකතු වීම වැළැක්වීම
- ශීතකරණය සහ බිත්තිය අතර ප්‍රමාණවත් වාතාශ්‍රයක් සහතික කරන්න
නිතිපතා නඩත්තු කටයුතු සිදු කිරීම සඳහා දක්ෂ කාර්මිකයෙකුගේ සේවය භාවිතා කිරීමට DEWA සියළුම පාරිභෝගිකයින් දිරිමත් කරයි.
ස්මාර්ට් යෙදුමේ ඇති DEWA Store හරහා, ගොඩනැගිලි අභ්‍යන්තර දෝෂ ඇතිවීමේදී තාක්ෂණික සේවා සපයන්නන්ගේ විශ්වාසදායක ලැයිස්තුවක් සපයයි. DEWA Store හි ඇති සුවිශේෂී වට්ටම් වලින් පාරිභෝගිකයින්ට ප්‍රතිලාභද ලබා ගත හැක.
හදිසි තාක්ෂණික තොරතුරු සඳහා DEWA හි හදිසි අංකය, 991 භාවිත කලහැක.
