එක්සත් අරාබි එමීර් රාජ්‍යයේ ප්‍රජා සංවර්ධන අධිකාරියෙහි (CDA) ලියාපදිංචිය ලැබූ, එකම ශ්‍රී ලාංකික සමාජසේවා සංවිධානය ලෙස සහන සුභසාධක සංගමයේ ප්‍රජාසංවර් ධන අරමුදල් ගොඩනැගීම සඳහා ශ්‍රී ලාංකික ප්‍රජාව හා එක්ව සංවිධානය කරනු ලබන “සහන ගෘහස්ථ ක්‍රිකට් ශූරතාවලිය – 2023” සැප්තැම්බර් 17 වෙනිදා අල් කුස්හි INSPORTZ CLUB හි පෙ.ව. 8:00 සිට දවස පුරා පැවැත්වෙනවා.
මෙම තරඟාවලිය විවෘත, ජ්‍යෙෂ්ට සහ කාන්තා වශයෙන් ඛාණ්ඩ තුනක් යටතේ පැවැත්වෙනවා. ජ්‍යෙෂ්ට හා කාන්තා යන ඛාණ්ඩ දෙකේ තරඟ සඳහා සහභාගීවන ක්‍රිකට් කණ්ඩායම් සංඛ්‍යාව දැනටමත් සම්පූර්ණ කොට අවසන් අතර විවෘත ඛාණ්ඩය සඳහා තවත් කණ්ඩායම් දෙකකට අවස්ථාව ඉතිරිව පවතිනවා. විවෘත ඛාණ්ඩය සඳහා මෙම තරඟාවලියට සහභාගී වීමට අපේක්ෂා කරන ක්‍රිකට් කණ්ඩායම් හැකි ඉක්මණින් ඒ සඳහා ලියාපදිංචි වන ලෙස සහන සුභසාධක සංගමයේ සභාපති ශානක පෙරේරා මහතා ඉල්ලා සිටිනවා.
මෙම තරඟාවලියේ එක ක්‍රිකට් තරගයක් සඳහා ඩිරාම් 300 වැනි මුදලකට වැයවන අතර එහි අනුග්‍රාහකත්වය දැක්වීමටද අවස්ථාවක් ඔබට සලසා තිබෙනවා. ඒ සඳහා පාසල් ආදිශිෂ්‍ය සංගම්, වෘත්තික සංවිධාන සහ පෞද්ගලික මට්ටමෙන්ද ඔබට අනුග්‍රාහකත්වය සඳහා ඉදිරිපත් විය හැකියි.
මෙමගින් එකතුවෙන අරමුදල් එක්සත් අරාබි එමීර් රාජ්‍යයේ වෙසෙන ශ්‍රී ලාංකික ප්‍රජාවගේ සුභසාධන කටයුතු සඳහා යොදවනු ලබනවා. එක්සත් අරාබි එමීර් රාජ්‍යයේ අසරන වූ ශ්‍රී ලාංකික අපේම සහෝදර ජනතාවට එම පීඩාවන්ගෙන් මිදෙන්නට, ජීවිත සටන ජයගන්නට වෙරදරන ඔවුනගේ ජීවිත වලට බලාපොරොත්තුවක් එක්කරලන්නට සහන සුභසාධක සංගමය දරන මේ ප්‍රයත්නයට ඔවුන් හා එක්වන්නට ශ්‍රී ලාංකික ක්‍රිකට් ක්‍රීඩා ලෝලී ඔබ සැමට ආරාධනා කරනවා.
වැඩි විස්තර සඳහා මහේෂ් : 054 704 9201 – රමේෂ්: 056 408 8463
