ඔබට විශාල රථවාහන දඩ මුදලක් ගෙවීමට ඇත්නම්, එක්සත් අරාබි එමීර් රාජ්‍යයේ අභ්‍යන්තර කටයුතු අමාත්‍යාංශය ඔබේ රථවාහන දඩ වාරික බවට පරිවර්තනය කර ගෙවීමට ඉඩ සලසන සේවාවක් හඳුන්වා දී තිබෙනවා.
පසුගියදා අභ්‍යන්තර කටයුතු අමාත්‍යාංශය සිය සමාජ මාධ්‍ය ගිණුම් වෙත නිවේදනයක් නිකුත් කරමින් පවසා සිටියේ, මෝටර් රථ හිමියන්ට ඔවුන්ගේ දඩ මුදල කිසිදු අමතර ගාස්තුවක් හෝ පොලියක් නොගෙවා වාරික වශයෙන් බෙදා ගෙවීමට ඉඩ සලසන බවයි.
2021 දී මෝටර් රථ හිමියන්ට මෙම සේවාව ලබා දීම සඳහා අමාත්‍යාංශය ජාතික බැංකු හතරක් සමඟ අවබෝධතා ගිවිසුමක් අත්සන් කළේය.
මෙම සේවාව සපයන බැංකු හතර වන්නේ:
1. First Abu Dhabi Bank (FAB)
2. Commercial Bank of Dubai (CBD)
3. Emirates Islamic Bank
4. RAKBank
සේවාව භාවිතා කරනා ආකාරය
බැංකු විසින් මෝටර් රථ හිමියන්ට මාස 3, 6, 9 හෝ 12 ක පහසු ගෙවීමේ සැලසුම් (EPP) තෝරා ගැනීමට ඉඩ සලසයි. කෙසේ වෙතත්, ඔබට ඔබේ බැංකුව සමඟ සේවාව භාවිතා කිරීමට අවශ්‍ය වන, අවම දඩ මුදලක් තිබිය හැකිය. (උදාහරණයක් ලෙස, අවම දඩ මුදල ඩිරාම් 1,000 ක්)
දඩ මුදල EPP බවට පරිවර්තනය කිරීමේ ක්‍රියාවලිය එක් එක් බැංකුව මත පදනම්ව වෙනස් වේ, එබැවින් ක්‍රියාවලිය අනුගමනය කිරීමට ඔබේ බැංකුව සම්බන්ධ කර ගැනීම වැදගත් වේ:
- First Abu Dhabi Bank (FAB) – 600 52 5500
- Commercial Bank of Dubai (CBD) – 600 575556
- Emirates Islamic – 600 599995
- RAKBank – 04 312 0000
ඔබට මෙම සේවාව හරහා එක්සත් අරාබි එමීර් රාජ්‍යයේ ඕනෑම තැනකදී නිකුත් කරන ලද දඩ සඳහා මුදල් ගෙවිය හැකිය. කෙසේ වෙතත්, ඔබ අමාත්‍යාංශයේ වෙබ් අඩවිය වන moi.gov.ae හරහා හෝ Apple සහ Android උපාංග සඳහා ලබා ගත හැකි ඔවුන්ගේ ස්මාර් ට්ෆෝන් යෙදුම – ‘MOI UAE’ හරහා දඩ මුදල් ගෙවන බවට සහතික විය යුතුය.
