2024 ඔක්තෝම්බර් 20 දා කොළඹ සියලුම සාන්තුවරයන්ගේ විද්‍යාලයේ 120 වැනි සංවත්සරය සැමරීම සඳහා, එක්සත් අරාබි එමීර් රාජ්‍යයේ ආදි සිසුන්, අලුතින් පිහිටුවන ලද Sparks Netball UAE සමඟ එක්ව, Al Twar Dubai හි අල් සලාම් ප්‍රජා පාසලේදී නෙට්බෝල් තරඟාවලියක් පැවැත් වූහ. Sparks Netball UAE යනු එමීර් රාජ්‍යයේ නෙට්බෝල් ක්‍රීඩාව දිරිමත් කිරීම සහ ප්‍රවර්ධනය කිරීමේ මෙහෙවරක් සහිතව අලුතින් පිහිටුවන ලද ක්‍රීඩා සමාජයකි. එක්සත් අරාබි එමීර් රාජ්‍යයේ නෙට්බෝල් සඳහා නව උද්යෝගයක් ඇති කිරීම අරමුණු කරගනිමින් මෙම තරඟාවලිය පවත්වන ලදී. තරඟකාරී කණ්ඩායම් හයක් මෙහිදී ක්‍රීඩා කල අතර All Saints, Sparks, Sri Lions, International Schools, Dilshaath College, සහ Spirit of the Shalom එම කණ්ඩායම් ලැයිස්තුවට ඇතුලත් විය.
තරඟාවලියේ ශූරතාව ශ්‍රී ලයන්ස් කණ්ඩායම දිනා ගත් අතර ජාත්‍යන්තර පාසල් දෙවන ස්ථානයට පත් විය. සියළු සාන්තුවරුන්ගේ පාසල තෙවැනි ස්ථානය දිනා ගැනීමට සමත් වූහ. විශාල ප්‍රේක්ෂක සහභාගීත්වයක් සමඟින් උද්යෝගීමත් තරඟයක උණුසුම විඳ ගැනීමට සියලු දෙනාට හැකි විය.
ඩුබායි සහ උතුරු එමිරේට්ස් හි කොන්සල් ජනරාල් ගරු ඇලෙක්සි ගුණසේකර මහතා මේ සඳහා ප්‍රධාන ආරාධිත අමුත්තා ලෙස සහභාගි වූ අතර ඔහුගේ පැමිණීම ප්‍රජාව තුළ සංස්කෘතික හා ක්‍රීඩා සබඳතාවල වැදගත්කම අවධාරණය කලේය.
සියළු සාන්තුවරයන්ගේ ආදි ශිෂ්‍යයින් සහ Sparks Netball UAE අතර ඇති සාර්ථක සහයෝගීතාවය හරහා ක්‍රීඩාව ප්‍රවර්ධනය කරමින්, ප්‍රජාව වඩාත් සමීප කරන තවත් මෙවැනි ඉසව් වෙනුවෙන් වේදිකාව නිර්මාණය කරන බවද සඳහන් වේ. මෙම ශූරතාවලිය මඟින් කොළඹ සියලුම සාන්තුවරයන්ගේ විද්‍යාලයේ සංවත්සර සැමරීමේ සන්ධිස්ථානයක් සනිටුහන් කළා සේම එමීර් රාජ්‍යයේ දැල්පන්දු ක්‍රීඩකයින්ට ඔවුන්ගේ දක්ෂතා ප්‍රදර්ශනය කිරීමට විශාල වේදිකාවක් ද සපයා දුනි.
