වසර 93ක සාඩම්බර ඉතිහාසයක් ඇති කොළඹ 5 ලුම්බිණි විද්‍යාලයේ ආදි ලුම්බිනියන්ගේ සංගමය විසින් පළමු වරට සංවිධානය කරනු ලබන “OLA Cricket Carnival 2023” මහා ක්‍රිකට් සැනකෙළිය 2023 ජනවාරි 21 වෙනි දින පෙ.ව. 7 සිට දවස පුරාවටම කොළඹ BRC ක්‍රීඩාංගනයේ දී පැවැත්වෙනවා.
මෙම අවස්ථාවට සහභාගී වන ලෙස ආදි ලුම්බිනියන්ගේ සංගමය විද්‍යාලයේ සිසුන්, ආදි සිසුන්, ගුරුවරුන්, ආදි ගුරුවරුන් සහ දෙමවුපියන්ට සාදරයෙන් ඇරයුම් කරනවා.
“OLA Cricket Carnival 2023” සඳහා ප්‍රධාන අනුග්‍රාහකත්වය දරනු ලබන්නේ එක්සත් අරාබි එමීර් රාජ්‍යයේ ප්‍රධාන ක්‍රීඩා සමාජයක් වන ශ්‍රී ලයන්ස් ක්‍රීඩා සමාජයයි.
සහභාගීවන සියලුදෙනා හට තම පාසල් දිවිය නැවත අනුස්මරණය කරන්නට තම පැරණි පාසල් මිතුරන්, පැරණි ගුරුවරුන්, පැරණි ගෝලයන් සමග එකට එක්වී විනෝදයෙන් කාලය ගතකිරිමට මෙය මහඟු අවස්ථාවක් වේවි.
