ශ්‍රී ලංකාවේ 75 වන නිදහස් දිනයට සමගාමීව එක්සත් අරාබි එමීර් රාජ්‍යයේ ශ්‍රී ලාංකික ප්‍රජාව විසින් සංවිධානය කරනු ලබන SRI LANKAN DAY 2023 ප්‍රදර්ශනය පෙබරවාරි මස 11වන සෙනසුරාදා උදෑසන 10.30 සිට දවස පුරා ඩුබායි සබීල් පාර් ක් පරිශ්‍රයේදී පැවැත්වීමට මේවන විට සියලු කටයුතු සූදානම් කර තිබෙනවා.
එදින චන්න උපුලි නර්තන කණ්ඩායම සමග සංස්කෘතික සංදර්ශන, UAE ශ්‍රී ලංකා මිත්‍රත්ව පාගමන, සංගීත සංදර්ශන, ඉඩම් සහ දේපල වෙළඳ කුටි, වෛද්‍ය සායන
සහ රැකියා අවස්ථා සඳහා උපදේශන සේවා ඇතුලුව සමාජ සුභසාධන කටයුතු සමග තවත් සුවිශේෂී විශේෂාංග කිහිපයකින් සමන්විත වනවා.
එමෙන්ම මෙම වැඩසටහනෙන් ලැබෙන අරමුදලින් ශ්‍රි ලංකාව තුල තොරගත් සුභ සාධන ව්‍යාපෘතියක් ක්‍රියාත්මක කිරීමට ද සංවිධායක මණ්ඩලය සැලසුම් කර තිබෙනවා
දැනුම,සතුට හා විනෝදය එක්ව බෙදාගන්නට පෙබරවාරි මස 11වන දාට පැමිණෙන ලෙසට එක්සත් අරාබි එමීර් රාජ්‍යයේ ශ්‍රී ලාංකික ප්‍රජාව වෙනුවෙන් ඩුබායි ඩුබායි කොන්සල් නලින්ද විජේරත්න මැතිතුමා ආරාධනා කර සිටිනවා
