එම්. අයි. එමිරේට්ස් කන්ඩායම සහ අබුඩාබි නයිට්රයිඩර්ස් කන්ඩායම අතර ඊයේ අබුඩාබිහි සයිඩ් ක්‍රිකට් ස්ටේඩියම්හිදී පැවැති ක්‍රිකට් තරගයෙන් එම්. අයි. එමිරේට්ස් කන්ඩායමට ලකුණු 18 ක ජයක් හිමිවූවා.
මෙහිදී කාසියේ වාසිය දිනාගත් අබුඩාබි නයිට්රයිඩර්ස් කන්ඩායම මුලින්ම පන්ඳු රැකීම තෝරාගත්තා.
එම්. අයි. එමිරේට්ස් කන්ඩායම සිය පන්ඳු ඕවර 20 තුල කඩුලු 4 සඳහා ලකුණු 180 රැස්කලා.
පිලිතුරු ඉනිම ක්‍රීඩා කල අබුඩාබි නයිට්රයිඩර්ස් කන්ඩායම පන්ඳු ඕවර 19.2 තුල සියල්ලන්ම දැවී ලබාගතහැකි වුයේ ලකුණු 162 පමණයි. මේ අනුව එම්. අයි. එමිරේට්ස් කන්ඩායමට ලකුණු 18 ක ජයක් හිමිවූවා.
මෙහිදී අබුඩාබි නයිට්රයිඩර් ස් කන්ඩායම වෙනුවෙන් චරිත් අසලංක ලකුණු 17 රැස්කලා.
අද පැවැත්වෙන තරග
අද දින තරග දෙකක් පැවැත්වීමට නියමිත අතර ඉන් පළමු තරගය ලෙස ගල්ෆ් ජයන්ට්ස් කන්ඩායම සහ ඩෙසර්ට් වයිපර්ස් කන්ඩායම අතර පැවැත්වෙන ක්‍රිකට් තරගය ඩුබායි ඉන්ටර් නැෂනල් ක්‍රිකට් ස්ටේඩියම්හිදී සවස 3.30 ට ආරම්භ වීමට නියමිතයි.
ඩෙසර්ට් වයිපර්ස් කන්ඩායම නියෝජනය කරමින්
- වනිඳු හසරංග
- මතීෂ පතිරණ
- දිනේෂ් චන්දිමාල් ක්‍රීඩා කිරීමට නියමිතයි
ගල්ෆ් ජයන්ට්ස් කන්ඩායම නියෝජනය කරමින් කිසිම ලාංකික ක්‍රීඩකයෙකු ක්‍රීඩා කරන්නේ නැහැ
අද දින පැවැත්වීමට නියමිත දෙවන තරගය ලෙස අබුඩාබි නයිට්රයිඩර්ස් කන්ඩායම සහ සාජා වොරියර්ස් කන්ඩායම අතර පැවැත්වෙන ක්‍රිකට් තරගය අබුඩාබිහි සයිඩ් ක්‍රිකට් ස්ටේඩියම්හිදී රාත්‍රී 7.30 ට ආරම්භ වීමට නියමිතයි.
අබුඩාබි නයිට්රයිඩර්ස් කන්ඩායම නියෝජනය කරමින්
- ලහිරු කුමාර
- චරිත් අසලංක
- ධනංජය ද සිල්වා
- ට්‍රේවින් මැතිව් ක්‍රීඩා කිරීමට නියමිතයි
සාජා වොරියර්ස් කන්ඩායම නියෝජනය කරමින් කිසිම ලාංකික ක්‍රීඩකයෙකු ක්‍රීඩා කරන්නේ නැහැ
අපේ ශ්‍රී ලාංකික ක්‍රීඩකයින් සහ ඔවුන් නියෝජනය කරන කණ්ඩායම් දිනවීමට දිරිගන්වන්නට එක්වන්නැයි ඔබට ආරාධනා කරන අතර ක්‍රිකට් තරග අතරවාරයේදී පිටියට නව ජීවයක් එක් කරන Mendis & the Clans පපරේ බෑන්ඩ් කණ්ඩායමේ පපරේ සංගීත රිද්මයන් සහ නාද රටාවන් විඳීමටත් හැකියාව ලැබෙනවා.
