In coordination with International Humanitarian City (IHC) සමඟ සම්බන්ධීකරණයෙන්, බ්ලැන්කට්, කූඩාරම්, වෛද්‍ය සැපයුම් සහ අනෙකුත් මානුෂීය භාණ්ඩ වැනි හදිසි සහන ද්‍රව්‍ය ටොන් 100 ක් පමණ ඩුබායි සිට ඉස්තාන්බුල් දක්වා රැගෙන යාමට ගුවන් ගමන් සැලසුම් කර තිබෙනවා. මෙම හදිසි ආධාර දකුණු තුර්කියේ භූමිකම්පාවෙන් විපතට පත් ස්ථාන සහ සිරියාවේ දැඩි ලෙස පීඩාවට පත් නගර වෙත සපයනු ඇත.
තුර්කියේ සහ සිරියාවේ සිදු වූ විනාශකාරී භූමිකම්පාවලින් පසුව, එමිරේට්ස් ගුවන් සමාගම විසින් හදිසි සහන සැපයුම්, වෛද්‍ය ද්‍රව්‍ය සහ උපකරණ ප්‍රවාහනය කිරීම සඳහා ජාත්‍යන්තර මානුෂීය නගරය (IHC) සමඟ සම්භන්ධ වෙමින් ගුවන් සැපයුම් කරනු ලබයි.
ඉදිරි දිනවලදී, බ්ලැන්කට්, කූඩාරම්, නවාතැන් කට්ටල, ෆ්ලෑෂ් ලයිට්, ජල බෙදා හැරීමේ උපකරන සහ හදිසි අනතුරු කට්ටල එමිරේට්ස් මගින් ප්‍රවාහනය කරනු ඇත.
Emirates SkyCargo විසින් ඉස්තාන්බුල් වෙත සිය දෛනික ගුවන් ගමන් මෙහෙයුම් හරහා ඉදිරි සති දෙකක කාලය තුළ මානුෂීය සහන භාණ්ඩ ටොන් 100 ක් සඳහා භාණ්ඩ ප්‍රවාහන අවකාශය කැප කිරීමට සැලසුම් කරයි. එමිරේට්ස් විසින් ගෙන යන මෙම හදිසි සැපයුම් ප්‍රාදේශීය සංවිධාන විසින් දකුණු තුර්කියේ සහ උතුරු සිරියාවේ බලපෑමට ලක් වූ ප්‍රදේශවලට ලබා දෙනු ඇත.
එමිරේට්ස් හි සභාපති සහ ප්‍රධාන විධායක අතිගරු Sheikh Ahmed bin Saeed Al Maktoum පැවසුවේ “අපි තුර් කි සහ සිරියානු ජනතාව සමඟ සිටින අතර භූමිකම්පාවලින් විපතට පත් වූවන්ට සහ අවතැන් වූවන්ට කඩිනම් සහන සැලසීමට IHC වැනි විශේෂඥයන් සමඟ කටයුතු කරමින් සිටිමු. එමිරේට්ස් සමාගමට මානුෂීය සහන ප්‍රයත්නයන්ට සහය දැක්වීම සඳහා පුළුල් අත්දැකීම් ඇති අතර, ඉස්තාන්බුල් වෙත දෛනික ගුවන් ගමන් තුනක් හරහා සහන ද්‍රව්‍ය සහ වෛද්‍ය සැපයුම් නිතිපතා සහ නොකඩවා ලබා දීම කරනු ඇත. තුර්කියට සහ සිරියාවට සහය දැක්වීම සඳහා එක්සත් අරාබි එමීර් රාජ්‍යයේ මානුෂීය ප්‍රයත්නයන් සඳහා එමිරේට්ස් සමාගමද සහය දක්වන අතර, ලොව විශාලතම ජාත්‍යන්තර ආධාර සැපයුම් මධ්‍යස්ථානය ලෙස ඩුබායි හි ඇති සුවිශේෂී ස්ථානයෙන් අදහස් වන්නේ අපට හැකි ඉක්මනින් ආපදාවට ලක් වූ ප්‍රදේශ සහ වඩාත් අවදානමට ලක්විය හැකි පුද්ගලයින් වෙත කාර්යක්ෂමව ළඟා විය හැකි බවයි.”
IHC හි අධීක්‍ෂණය සඳහා වූ උත්තරීතර කමිටුවේ සභාපති අතිගරු මොහොමඩ් ඊබ්‍රාහිම් අල් ෂයිබානි “භූමිකම්පාවලින් විපතට පත් ජනතාවට ඔවුන්ට අවශ්‍ය මානුෂීය ආධාර සහ සම්පත් ලබාදීමට IHC කැපවී සිටිනවා. අපි අත්‍යවශ්‍ය ද්‍රව්‍ය ගෙනයාමට පහසුකම් සැලසීමෙන් කඩිනම් ක්‍රියාමාර්ග ගනිමින් සිටිමු. බලපෑමට ලක් වූ ප්‍රදේශවල ආධාර සඳහා ඇති දැඩි ඉල්ලුමට පිළියම් යෙදීම සඳහා UNHCR, ලෝක සෞඛ්‍ය සංවිධානය (WHO) සහ ලෝක ආහාර වැඩසටහන (WFP) සමග එක්ව වෛද්‍ය සැපයුම්, නවාතැන් ද්‍රව්‍ය සහ වෙනත් සහන භාණ්ඩ සැපයීමට කටයුතු කරනවා.”
එමිරේට්ස් හි භාණ්ඩ ප්‍රවාහන අංශය IHC සමඟ දිගුකාලීන හවුල්කාරිත්වයක් ඇති අතර, ස්වාභාවික විපත්, වෛද්‍ය හදිසි අවස්ථා, ගෝලීය පිපිරීම් සහ වෙනත් අර් බුදවලින් බලපෑමට ලක් වූ ලොව පුරා සිටින ප්‍රජාවන්ට මානුෂීය සැපයුම් ලබාදීම වෙනුවෙන් ගුවන් සමාගමට විවිධ සහන ඉතා ඉක්මනින් මෙහෙයවීමට හැකියි.
