තවත් මසක් වැනි කෙටි කාලයකින් උදාවෙන සිංහල හා දෙමළ අළුත් අවුරුදු උත්සවය නිමිත්තෙන් එක්සත් අරාබි එමීර් රාජ්‍යයේ ඩුබායිහි වෙසෙන ශ්‍රී ලාංකික ජනතාවට සතුට සැනසුම ප්‍රීතිය සහ සූර්‍ය මංගල්‍යයේ අසිරිය ලඟාකරන “සංහිඳ බක් මහා අසිරිය” අවුරුදු උළෙල සහ සංගීත ප්‍රසංගය මෙවරත්…..
මාර්තු 11 වන සෙනසුරාදා ඩුබායි ETISALAT ACADEMY SPORTS & LEISURE CLUB හිදී පෙ.ව. 10:00 සිට පසුදා අළුයම 2:30 දක්වා.
1980 දශකයේ පටන් මේ දක්වා දශක ගනනාවක් පුරාවට ශ්‍රී ලංකා ප්‍රසංග වේදිකා ඉතිහාසයේ පුරෝගාමී හා ජනප්‍රියම සංගීත කණ්ඩායමක් වන නීල් වර්ණකුලසූරිය ප්‍රමුඛ සන්ෆලවර් කණ්ඩායම ඩුබායි වෙත පැමිණෙන්නේ දිගු විරාමයකට පසුවයි. ඔවුන් සමග ශ්‍රී ලංකාවේ ජනප්‍රිය නළු නිලි ගී තරු රැසක් සහභාගීවන දැවැන්ත සංගීත ප්‍රසංගය රසවිඳින්නට, සතුටු වන්නට උදාවෙන මහඟු අවස්ථාවක් වෙනවා.
නළු නිලි ගී තරු අතර ටීනා, උපේක්ෂා, නිරෝෂා, පියුමි, රංගි, ගයනි, වෙනුරි, මධුමාධව, දිමංක, අජිත්, මිනුජා, නොයෙල්, රුවන්, මිහිර, චන්දිමාල්, ඉඳුනිල් වන අතර හිරු සුපර් ස්ටාර් ජයග්‍රාහක එරික්, සචිනි, සහන් සහ සිරස සුපර් ස්ටාර් සුමීර අදීප ද සංගීත ප්‍රසංගයට එක්වීමට නියමිතයි.
හෙල සම්ප්‍රදායන් සුරකිමින්, පුරාතනයේ පටන් පැවත එන, සැමට විනෝද විය හැකි, බක් මහා උළෙලට ආවේනික වූ හෙල ක්‍රීඩා සහ තරග රැසක් මෙම උලළලට එක්කොට තිබෙනවා. ඒ අතර කොට්ටා පොර, කඹ ඇදීම, පොල්ගෑම, කණා මුට්ටිය බිඳීම, යොවුන් අවුරුදු කුමරා / කුමරිය, ළමා අවුරුදු කුමරා / කුමරිය, සිඟිති අවුරුදු කුමරා / කුමරිය ඇතුළු ක්‍රීඩා රැසක් සංවිධානය කොට තිබෙනවා.
මෙම අවුරුදු ක්‍රීඩා තරඟ වලට සහභාගී වන්නටත්, තෑගි දිනාගන්නටත් අවස්ථාව උදාකරගත හැකියි.
ඉදිරිපත් කිරීම – මහේෂ් නිස්සංක / සම්පත් මංචනායක / දර්ශණ ශ්‍රී / සමීර සිල්වා
විවිධ ඉසව් ඔස්සේ තරග වදින්නට, තෑගි දිනන්නට මිතුරන්, පවුලේ සැම, යහළු යෙහෙලියන් සමග තරග නරඹමින් විනෝද වන්නට, දවස පුරාවට අමතක නොවන අත්දැකීම් රැසක් ජීවිතයට එක් කරගන්නට සංහිඳ බක් මහා අසිරිය විඳින්නට ශ්‍රී ලාංකික ඔබ සැම ආරාධනය කරන්නෙමු
