ඊයේ අහමදාබාද්හි පැවති ඉන්දීය ප්‍රිමියර්ලීග් අවසන් මහා තරගයේදී ගුජරාට් ටයිටන්ස් කණ්ඩායමට එරෙහිව අවසන් පන්දුවේදී සංවේදී ජයග්‍රහණයක් ලබා ගනිමින් චෙන්නායි සුපර් කිංග්ස් පස්වැනි ඉන්දීය ප්‍රිමියර් ලීග් තරගාවලියේ ශූරතාව දිනා ගැනීමට සමත් විය.
ඕවර 15කදී ලකුණු 171ක සංශෝධිත ඉලක්කයක් හඹාගිය චෙන්නායි පිල කඩුලු 5ක ජයක් අත්කර ගත්තේය.
ප්‍රමුඛ කණ්ඩායම් දෙක අතර ඉරිදා පැවති අවසන් මහා තරගය අධික වර්ෂාව හේතුවෙන් කල් දමන ලදී. සඳුදා තරගය ලොව පුරා සිටින මිලියන සංඛ්‍යාත ක්‍රීඩා ලෝලීන්ට බලාපොරොත්තුවක් ගෙන දෙමින් වියළි කාලගුණයක් යටතේ ආරම්භ වූ නමුත්, චෙන්නායි පිල ඕවර 20 කදී ලකුණු 215 හඹා යාම ආරම්භ කරන විට වර්ෂාව අවසන් තරඟයට තර් ජනයක් විය.
තරඟය ආරම්භ වන විට චෙන්නායි පිලට ඕවර 15කදී ලකුණු 171ක සංශෝධිත ඉලක්කයක් ලබාදී තිබිණි. ආරම්භක පිතිකරුවන් වන ඩෙවෝන් කොන්වේ සහ රුතුරාජ් ගයික්වාඩ් වේගවත් ආරම්භයක් ලබා ගත් අතර සෙසු ක්‍රීඩකයින් එම වේගය දිගටම පවත්වා ගෙන ගිය අතර රවීන්ද්‍ර ජඩේජා අවසන් පන්දු දෙකේදී හයේ පහරක් සහ හතරේ පහරක් එල්ල කරමින් ජයග්‍රාහී ලකුණු රැස් කළේය.
ගුජරාට් ටයිටන්ස් කණ්ඩායමට වෙනුවෙන්
ව්‍රිදිමාන් සහා – පන්ඳු 39ට ලකුණු 54
ශුබ්මන් ගිල් – පන්ඳු 20ට ලකුණු 39
සායි සුදර්ශන් – පන්ඳු 47ට ලකුණු 96 රැස්කලා
ගුජරාට් ටයිටන්ස් කණ්ඩායම පන්ඳු යැවීමේදී
| O | M | R | W | |
| නූර් අහමඩ් | 3 | 0 | 17 | 2 |
| මෝහිත් ෂර්මා | 3 | 0 | 36 | 3 |
චෙන්නායි සුපර් කිංග්ස් කණ්ඩායම පන්ඳුවට පහරදීමේදී
රුතුරාජ් ගයික්වාඩ් – පන්ඳු 16ට ලකුණු 26
ඩෙවොන් කොන්වේ – පන්ඳු 25ට ලකුණු 47
ශිවම් ඩුබේ – පන්ඳු 21ට ලකුණු 32
අජින්ක්‍යා රහනේ – පන්ඳු 13ට ලකුණු 27
අම්බටි රයුදු – පන්ඳු 8ට ලකුණු19
එම්එස් දෝනි – පන්ඳු 1ට ලකුණු 0
රවීන්ද්‍ර ජඩේජා – පන්ඳු 6ට ලකුණු 15
චෙන්නායි සුපර් කිංග්ස් කණ්ඩායම පන්ඳු යැවීමේදී
| O | M | R | W | |
| දීපක් චාහර් | 4 | 0 | 38 | 1 |
| මහේෂ් තීක්ෂණ | 4 | 0 | 36 | 0 |
| රවීන්ද්‍ර ජඩේජා | 4 | 0 | 38 | 1 |
| මතීෂ පතිරණ | 4 | 0 | 44 | 2 |
