එක්සත් අරාබි එමීර් රාජ්‍යයේ ප්‍රථම වතාවට ශ්‍රී ලංකාවේ පාසල් 8ක් නියෝජනය කරන ඒකාබද්ධ ඕල්කට් පාසල් කණ්ඩායමේ සහ සහිරා පාසල් කණ්ඩායමේ ආදි සිසුන් අතර පැවැත්වෙන සමාරම්භක මහා ක්‍රිකට් සැණකෙළිය 2023 ජුනි 3 වැනි සෙනසුරාදා දින සවස 5.30 සිට අජ්මාන් හි මැලෙක් ක්‍රිකට් ක්‍රීඩාංගණයේදී පවත්වනු ලබනවා.
ඉසව් කීපයක් යටතේ පැවැත්වෙන මෙම සැණකෙළිය සඳහා
- 20 – 20 Hardball තරගයක්,
- වයස අවුරුදු 40ට වැඩි තරගකරුවන් සඳහා T10 ටේප් බෝල ක්‍රිකට් තරගයක්
- තරඟ කරුවන්ගේ පවුල්වල සාමාජිකයන් අතර ක්‍රිකට් තරගයක් ඇතුලත් වෙනවා.
ඒකාබද්ධ ඕල්කට් පාසල් කණ්ඩායම සඳහා ශ්‍රී ලංකාවේ ප්‍රමුඛ පෙළේ පාසල් වන කොළඹ – ආනන්ද, නාලන්දා, මහනුවර – ධර්මරාජ, ධර්මාශෝක, පන්නිපිටිය – ධර්මපාල, ගාල්ල-මහින්ද, කුරුණෑගල – මලියදේව සහ මාතර-රාහුල යන විද්‍යාල අටක් නියෝජනය කරන අතර එම T20 කණ්ඩායම මෙහෙයවනු ලබන්නේ නිමේෂ තාජුඩීන් විසිනි.
ඒකාබද්ධ සහිරා පාසල් කණ්ඩායම සඳහා ශ්‍රී ලංකාවේ විවිධ ප්‍රදේශ නියෝජනය කරන සහිරාවිද්‍යාල කිහිපයක ආදි සිසුන් තරඟ කරන අතර ඒ කොළඹ, මාවනැල්ල, ගම්පොළ, මාතලේ සහ පුත්තලම යන නගර වල සහිරාවිද්‍යාලයි. T20 සහිරා පාසල් කණ්ඩායම මෙහෙයවනු ලබන්නේ ඉෂාම් ගවුස් විසිනි.
T10 තරඟය සඳහා ඒකාබද්ධ ඕල්කට් පාසල් කණ්ඩායම මෙහෙයවනු ලබන්නේ අනුරාධ ජයරත්න වන අතර ඒකාබද්ධ සහිරා පාසල් කණ්ඩායම මුෂින් ෆිරාස් විසින් මෙහෙයවනු ලබනවා.
මෙම සමාරම්භක ක්‍රිකට් සැණකෙළිය නරඹන්නට, ක්‍රීඩකයන්ට ජය ඝෝෂා නගමින් දිරිමත් කරන්නට, පැරණි යහළුවන් හා පවුලේ සැම සමග ප්‍රීතිවන්නට මෙය අවස්ථාවන් කරගන්නා ලෙස ක්‍රිකට් ලෝලී ඔබ සැමට කාරුණිකව ආරාධනා කරනවා.
