ඩුබායිහි නිර්මාණ කාගෝ ආයතතනය මගින් අතිසාර්ථකව දෙවන වරටත් සංවිධානය කරනු ලබන “ගමේ රසට අපේ දන්සැල” මෙවරත් නිර්මාණ කාගෝ අල්කුස් ගබඩා පරිශ්‍රයේදී ජුනි මස 11 වෙනි ඉරිදා සවස 7:00 සිට පැවැත්වීමට කටයුතු සංවිධානය කොට තිබෙනවා.
මෙවර දන්සැලේදී දුන්තෙල් බත්, කරවල සමග වම්බටු, පරිප්පු, සීනිසම්බල් හා පපඩම්ද අතුරුපස සඳහා කිරිපැණිද ලබාදීමට නියමිතයි. දන්සැලට පැමිණෙන්නන් හට එම ස්ථානයේදීම ආහාර ගැනීමට හෝ ආහාර පාර්සල් වශයෙන් රැගෙන යාමට අවස්ථාව සලසා දීමට දන්සැලේ සංවිධායක මඩුල්ල කටයුතු සලසා තිබෙනවා.
නිර්මාණ කාගෝ ආයතතනය විසින් ගියවර ලබාදුන් දන්සැල සඳහා විශාල ජනසහභාගිත්වයක් ලැබුණු අතර මෙවර දන්සැල සඳහාද විශාල ජනතාවක් සහභාගී වනු ඇතැයි දන්සැලේ සංවිධායක මඩුල්ල අපේක්ෂා කරනවා.
කටට හුරු ගමේ රස එක්කල ලාංකික ආහාරවේලක් රසවිඳින්නට ඉරිදා සවස නිර්මාණ කාගෝ අල්කුස් ගබඩා පරිශ්‍රයට පැමිණෙන ලෙස දන්සැල් සංවිධායක මඩුල්ල ශ්‍රී ලාංකික ඔබ සැමට ආරාධනා කරනවා.
