අබුඩාබි කෘෂිකර්ම හා ආහාර සුරක්ෂිතතා අධිකාරිය (ADAFSA) එමීර් රාජ්‍යය පුරා ඇති ආහාර සම්භන්ධිත ආයතන 6,900ක පාරිභෝගිකයින්ට නිරීක්ෂණය කලහැකි ‘Zadna Rating’ ලේබල් කිරීම ආරම්භ කර ඇත. මෙම ලේබලයේ මුද්‍රණය කර ඇති QR කේතය Scan කිරීමෙන් ආයතනවල ආහාර සුරක්ෂිතතා මට්ටම් තක්සේරු කිරීමට මහජනතාවට පහසුවෙන් හැකියාව ලැබේ.
Zadna ශ්‍රේණිගත කිරීම මගින් ආහාර සුරක්ෂිතතා අනුකූලතා මට්ටම මත පදනම්ව ආහාර සැපයුම් ආයතනවල ඇගයීම් නිරීක්ෂණයට මහජනතාවට බලය ලබාදේ.
ශ්‍රේණිගත කිරීම් හතරක්
අබුඩාබි කෘෂිකර්ම හා ආහාර සුරක්ෂිතතා අධිකාරිය (ADAFSA) විසින් “විශිෂ්ට”( excellent), “ඉතා හොඳ” (very good), “හොඳ” (good) සහ “වැඩිදියුණු කිරීම අවශ්‍ය” (needs improvement) දක්වා ආයතන සඳහා අනුකූලතා මට්ටම් නිර්වචනය කර ඇත.
මෙම ආයතන සඳහා වන තක්සේරු නිර්ණායක සැලසුම් සහ ව්‍යුහය සඳහා උපකරණ සහ අපද්‍රව්‍ය බැහැර කිරීමේ පහසුකම්, ආහාර හසුරුවන්නන්ගේ සනීපාරක්ෂාව, ආහාර හැසිරවීමේ සහ උෂ්ණත්ව පාලන ප්‍රදේශ මෙන්ම ආහාර සුරක්ෂිතතා කළමනාකරණ පද්ධති, ලේඛන සහ වාර්තා වැනි විවිධ අංග ඇතුළත් වේ.
අබුඩාබිය කීර්තිමත් සංචාරක ගමනාන්තයක් ලෙස ස්ථානගත කරන අතරම උසස් තත්ත්වයේ ප්‍රමිතීන් ස්ථාපිත කිරීම සහ පදිංචිකරුවන්ගේ යහපැවැත්ම වැඩිදියුණු කිරීම මූලික අරමුණයි.
මෙහිදී ආපනශාලා, කැෆේ, බේකරි සහ ආහාර සැපයුම් ආයතන ඇතුළුව ආහාර සම්භන්ධිත ආයතන 6,900ක් ආවරණය කරයි. සම්පූර්ණ ක්‍රියාවලිය අගෝස්තු අගවන විට අවසන් කිරීමට අපේක්ෂා කෙරේ.
Zadna ශ්‍රේණිගත කිරීමේ මුලපිරීම ඉලෙක්ට්‍රොනික යෙදුමක් ලෙස දියත් කර ඇති අතර, සියලුම අබුඩාබි පදිංචිකරුවන්ට, සංචාරකයින්ට සහ අමුත්තන්ට ආහාර සැපයුම් ආයතනවල අනුකූලතා තක්සේරුව සමාලෝචනය කිරීමේ හැකියාව ලබා දෙයි. UAE හි අවන්හල්, කැෆේ සහ බේකරිවල ඔවුන්ගේ භෝජන අත්දැකීම වැඩිදියුණු කිරීම එහි අරමුණයි. විද්‍යුත් යෙදුමට සෘජුවම පිවිසීමෙන්, කැපවූ යෙදුම බාගත කිරීමෙන් හෝ ආයතන ඉදිරිපිට ප්‍රදර්ශනය කර ඇති ඇගයුම් ස්ටිකර් Scan කිරීමෙන් යෙදුමට ප්‍රවේශය ලබා ගත හැක.
මීට අමතරව, එය අබුඩාබි මහජන සෞඛ්‍ය මධ්‍යස්ථානයේ Sehhi වැඩසටහනට ආයතනයේ සහභාගීත්වය පිළිබඳ වෙනම තක්සේරුවක් සපයයි. මහජනතාවට ආරක්ෂිත සහ සෞඛ්‍ය සම්පන්න ආහාර සැපයීම සඳහා අබුඩාබි, එමීර් රාජ්‍යයේ ප්‍රයත්නයන් වැඩිදියුණු කිරීම සහ එමිරේට්ස්හි ආහාර සුරක්ෂිතතා මට්ටම ඉහළ නැංවීමට සහ වැඩිදියුණු කිරීමට ආහාර සැපයුම් ආයතන දිරිමත් කිරීම සහ පෙළඹවීම මෙම ක්‍රියාමාර්ගවල අරමුණයි.
තවද, Zadna ශ්‍රේණිගත කිරීම හඳුන්වාදීම මගින් අධිකාරියේ පාලන ක්‍රියා පටිපාටි පිළිබඳ පාරිභෝගික විශ්වාසය වැඩි දියුණු කරයි, පරීක්ෂණ ප්‍රතිඵල ඉදිරිපත් කිරීමේ විනිවිදභාවය වර්ධනය කරන අතර විශිෂ්ටත්වය සඳහා උත්සාහ කිරීමට ආහාර සැපයුම් ආයතන දිරිගන්වයි. මෙම ධනාත්මක වර්ධනයන් ආර්ථික ක්‍රියාකාරකම් සඳහා වඩාත් නම්‍යශීලී සහ නව්‍ය පරිසරයක් නිර්මාණය කිරීමට දායක වේ.
ඒකාබද්ධ ඇගයීම්
ආපනශාලා, කැෆේ, බේකරි සහ ආහාර සැපයුම් සමාගම් සඳහා වන Zadna ශ්‍රේණිගත කිරීම, එක් එක් ආයතනය පිළිබඳ සවිස්තරාත්මක තක්සේරුවක් ඉදිරිපත් කරමින්, ආහාර ආයතනයේ එක් විස්තීරණ ශ්‍රේණිගත කිරීමක් බවට ඒකාබද්ධ කරන ලද වෙනම තක්සේරු දෙකකින් සමන්විත වේ. පළමු ඇගයීමට ADAFSA විසින් ක්‍රියාත්මක කරන වාර්ෂික පරීක්ෂණ සැලැස්මේ කොටසක් ලෙස නියමිත සාමාන්‍ය චාරිකාවල ප්‍රතිඵල අනුව ආහාර සුරක්ෂිතතා මට්ටම පරීක්ෂා කෙරෙන අතර දෙවන ඇගයීමට අබුඩාබි එමීර් රාජ්‍යයේ ආහාර සුරක්ෂිතතා අවශ්‍යතා සහ රෙගුලාසි වලට අනුකූල වීමේ මට්ටම පරීක්ෂා කෙරේ.
