උතුම් වෙසක් උත්සවය හා පොසොන් උත්සවය සැමරීම සඳහා ෆුජේරා ලයන්ස් සමග ෆුජේරා නගරයේ ක්‍රියාත්මක වන සියළුම ස්වේඡා සංවිධාන, ක්‍රීඩා සමාජ ඇතුළු ෆුජේරාහි වෙසෙන ශ්‍රී ලාංකික ප්‍රජාව විසින් ප්‍රථම වරට සංවිධානය කරන ලද “ශ්‍රී ලංකන්ස් ඉන් ෆුජේරා වෙසක් සහ පොසොන් අසිරිය 2023” පසුගියදා අල්හේල් හි INTEC ඔටෝ සර්විස් මධ්‍යස්ථානයේදී මහත් හරසරින් සමරණු ලැබුවා.
මෙම වෙසක් සහ පොසොන් උත්සවයේදී පැවැත්වූ විශේෂිත පිංකම් අතර සුමදුර ධර්ම දේශනයක්, බොදු බැති ගී වැඩසටහනක් සහ උත්සව භූමියට මිහින්තල පර්වතයේ දර්ශණීය අනුරුවක්ද එක් කොට තිබුනා.
මීට අමතරව වෙසක් සහ පොසොන් උත්සව භූමිය දර්ශණීය ලෙස වෙසක් සහ පොසොන් සැරසිලි වලින් අලංකාර කොට තිබුණා.
ශ්‍රී ලංකන්ස් ඉන් ෆුජේරා වෙසක් සහ පොසොන් අසිරිය 2023 නැරඹීමට පැමිණි සැදැහැවතුන් වෙනුවෙන් දන්සල්ද පවත්වන්නට සංවිධායක මඩුල්ල කටයුතු සලසා තිබුණා.
