රිය පදවන විට ඉක්මනින් ඇමතුමක් ගැනීම දුරකථනට ආ පණිවිඩය පරීක්ෂා කිරීම විශාල ප්‍රශ්නයක් නොවන බව කෙනෙකුට සිතෙන්නට පුළුවන. 2022 දී අබුඩාබි පොලිසියේ සමීක්ෂණයකින් හෙළි වූයේ මාර්ග මරණ සහ බරපතල තුවාල වලින් 80 % කට පමණ හේතු වී ඇත්තේ රියදුරන් වාහන පදවන අතරතුරදී දුරකථන භාවිතය මගින් සිදු කරන බවයි.
“ජංගම දුරකථන රියදුරන්ගේ අවධානය වෙනතකට යොමු කරන අතර ඔවුන් විසින් සිදු නොකරන වැරදි සිදු කිරීමට හෝ ඉතා සෙමින් ප්‍රතිචාර දැක්වීමට හේතු විය හැක” යනුවෙන් ඩුබායි හි මාර්ග සහ ප්‍රවාහන අධිකාරිය (RTA) සැහැල්ලු මෝටර් රථ පැදවීමේ අත්පොතෙහි සඳහන් කරයි.
මෝටර් රථ රියදුරන් තම ජංගම දුරකථනයෙන් අවධානය වෙනතකට යොමු කරන විට සිදු කරන පොදු වැරදි කිහිපයක් ද අත්පොත ලැයිස්තුගත කරයි:
1. බහු මංතීරු මාර්ගයක මංතීරු හෝ මාර්ගය හරහා ගමන් කිරීම.
2. නොගැලපෙන ලෙස රිය පැදවීම, හේතුවක් නොමැතිව වේගය වැඩි කිරීම හෝ වේගය අඩු කිරීම.
3. ඉදිරියෙන් යන වාහන වලට සුදුසු දුරක් පවත්වා ගැනීමට අපහසු වීම.
4. ගමනාගමනයේදී ආරක්ෂිත දුර පිළිබඳ වැරදි විනිශ්චයන් සිදු කිරීම.
අවධානය වෙනතකට යොමු කර රිය පැදවීම සඳහා දඩ
රිය පැදවීමේදී, ජංගම දුරකථනය භාවිතා කිරීම “අවධානය වෙනතකට යොමු කර රිය පැදවීම” යන කාණ්ඩයට අයත් වේ. එක්සත් අරාබි එමීර් රාජ්‍යයේ රථවාහන නීතියේ දඬුවම් ලැයිස්තුව – 2017 වර්ෂයේ අමාත්‍ය යෝජනා අංක (178) හි රථවාහන පාලනය පිළිබඳ නීති රීති සහ ක්‍රියා පටිපාටිවල සපයා ඇත. රියදුරෙකු තම ජංගම දුරකථනය රිය පැදවීමේදී භාවිතා කරමින් හෝ අවධානය වෙනතකට යොමු කරමින් රිය පැදවීම සඳහා ඔහුගේ හෝ ඇයගේ රියදුරු බලපත්‍රයට කළු ලකුණු (Black points) හතරක් සමඟින් ඩිරාම් 800 ක දඩයකට මුහුණ දීමට සිදුවේ.
කළු ලකුණු (Black points) යනු කුමක්ද?
කළු ලකුණු (Black points), හෝ ට්‍රැෆික් පොයින්ට් යනු සමහර මාර්ග නීති කඩකිරීම් වලට එරෙහිව නිකුත් කරන දඩුවමකි. වේග සීමාවට වඩා මදක් ඉහළින් රිය පැදවීම හෝ වැරදි ලෙස වාහන නැවැත්වීම වැනි සමහර උල්ලංඝනයන්ට මුදල් වලින් දඩ ගෙවීමට තුඩු දිය හැකි අතර, වඩාත් භයානක හැසිරීම් සඳහා කළු ලකුණු පැනවීමට ද හේතු විය හැක.
කළු ලකුණු නිකුත් කරනු ලබන්නේ රියදුරු බලපත්‍රටයි. මෝටර් රථ රියදුරෙකුට කළු ලකුණු 4 සිට උපරිම 24 දක්වා ඕනෑම තැනකදී උල්ලංඝණයක් සඳහා ලැබිය හැකිය. රියදුරෙකුට උපරිම කළු ලකුණු 24 ක් ලැබීමෙන් පසු යම් උල්ලංඝනයක් සිදුවී ඇත්නම්, බලපත්‍රය රාජසන්තක කිරීම හෝ අත්හිටුවීමත් ඒ සමඟ නඩුවක් මාර්ගයෙන් එක්සත් අරාබි එමීර් රාජ්‍යයේ උසාවියට යොමු කරනු ලැබේ.
පොලිස් බලධාරීන්ට අනුව, දුරකථන ඇමතුමක් ගැනීම සඳහා Handfree උපාංගයක් භාවිතා කළත්, එය තවමත් මාර්ගයෙන් ඔබේ අවධානය අඩු කරන අතර රිය පැදවීමේදී ඇමතුම් ගැනීම ආරක්ෂිත නොවේ. “ඔබ නවතා ඇති විට පමණක් ජංගම දුරකථන භාවිත කිරීමට පුරුදු වන්න. ඔබ රිය පදවන විට, ඔබ සමග සිටින වෙනත් කෙනෙකුට ඔබේ දුරකථනයට පිළිතුරු දීමට සලස්වන්න, නැතහොත් ඒ වෙනුවට ඔබේ දුරකථනය voice mail වෙත යාමට ඉඩ දෙන්න” යනුවෙන් RTA අත්පොත සඳහන් කරයි.
