“Best of Sri Lanka” නමින් ශ්‍රී ලාංකීය නිෂ්පාදන ප්‍රවර්ධන වැඩසටහනක් පසුගියදා ඩුබායි Al Barsha- Lulu Hypermarket හි පැවැත්විණි. ඩුබායි හි ශ්‍රී ලංකා කොන්සල් ජනරාල්වරයා ලෙස නම් කරන ලද ඇලෙක්සි ගුණසේකර මහතා පසුගිය සතියේ Lulu Hypermarket හි පැවති ප්‍රචාරණ ව්‍යාපාරයේ සමාරම්භක උත්සවයට සහභාගී විය.
2023 ජුලි 13වෙනිදා සිට 19 දක්වා සතියක කාලයක් පුරා විහිදුනු “Best of Sri Lanka” ව්‍යාපාරයේ අරමුණ වන්නේ UAE හි පදිංචිකරුවන්ට ශ්‍රී ලංකාවේ අද්විතීය රසයන්, සුවිශේෂී ගුණත්වය සහ සංස්කෘතික උරුමයන් හඳුන්වා දීමයි. මෙම ප්‍රවර්ධන වැඩසටහනෙහිදී පොල් නිෂ්පාදන, එළවළු, පලතුරු, ධාන්‍ය වර්ග, රසකැවිලි වර්ග සහ තැඹිලි ඇතුළු ශ්‍රී ලාංකීය නිෂ්පාදන රාශියක් ඇතුළත් විය.
මෙම ව්‍යාපාරය අතරතුර වර්ණවත් සංදර්ශණ සහ අන්තර් ක්‍රියාකාරී නිෂ්පාදන සංදර්ශන සමඟින් අධිවෙළඳසැල තුළ විචිත්‍රවත් වාතාවරණයක් නිර්මාණය කළේය. මෙහිදී ශ්‍රී ලාංකීය සංස්කෘතික අත්දැකීමක් ලබා දෙමින් සාම්ප්‍රදායික ශ්‍රී ලාංකේය ආහාර රස විඳීමට පාරිභෝගිකයින්ට අවස්ථාව ලැබුණි.
මෙම ප්‍රවර්ධනය ශ්‍රී ලංකාව සහ එක්සත් අරාබි එමීර් රාජ්‍යය අතර වෙළඳාම ඉහළ නංවනවා පමණක් නොව, UAE හි බහුජාතික ප්‍රජාව අතර ශ්‍රී ලංකාවේ සුවිශේෂී නිෂ්පාදන සඳහා පුළුල් ප්‍රවේශයක් සහතික කරමින් Lulu Hypermarket සහ ශ්‍රී ලංකා අපනයනකරුවන් අතර අනාගත සහයෝගීතාවයන්ටද මග පාදයි.
මෙම උත්සවය සංවිධානය කිරීම සම්බන්ධයෙන් ලූලු හයිපර් මාකට් සහ YAS Lanka PVT LTD වෙත සිය කෘතඥතාව පළ කළ කොන්සල් ජනරාල්වරයා, ජනාධිපති රනිල් වික්‍රමසිංහ මහතාගේ දැක්මට අනුව අපනයන විවිධාංගීකරණය කිරීමේ වැදගත්කම අවධාරණය කළේය. එක්සත් අරාබි එමීර් රාජ්‍යයේ ප්‍රවර්ධනය කළ හැකි නිෂ්පාදන හඳුනා ගැනීම සඳහා ශ්‍රී ලංකාවට පැමිණීමට Lulu සිල්ලර වෙළෙඳ ජාලයේ නියෝජිත පිරිසක් සංවිධානය කරන ලෙස ඔහු Lulu කළමනාකාරිත්වයෙන් ඉල්ලා සිටියේය. විශේෂයෙන්ම මැදපෙරදිග අනෙකුත් වෙළඳපොළවල් අත්පත් කර ගැනීමේ සංක්‍රමණ කේන්ද්‍රස්ථානයක් ලෙස සැලකෙන ඩුබායි හි එක්සත් අරාබි එමීර් රාජ්‍යයේ ශ්‍රී ලංකා අපනයන සඳහා වැඩි අවස්ථා නිර්මාණය කිරීම සඳහා කොන්සල් ජනරාල්වරයා අබුඩාබි හි ශ්‍රී ලංකා තානාපති කාර්යාලය සහ එක්සත් අරාබි එමීර් රාජ්‍යයේ ව්‍යාපාරික ප්‍රජාව සමඟ සමීපව කටයුතු කරන බව ඔහු වැඩිදුරටත් සඳහන් කළේය.
