බිල්පත් ගෙවීම්, සේවා සඳහා අයදුම් කිරීම් සහ නිල රාජ්‍ය තොරතුරු ලබා ගැනීම වැනි එක්සත් අරාබි එමීර් රාජ්‍යයේ පුරවැසියන්ගේ, පදිංචිකරුවන්ගේ සහ සංචාරකයින්ගේ අවශ්‍යතා තම ස්මාර්ට් මෙවලම් ඔස්සේ ලබා ගත හැකි අතර, රටේ පවතින විවිධ ස්මාර්ට් නාලිකා හරහා මහජන සේවාවන් පහසුවෙන් ලබාගැනීමේ අවස්ථාව මෙමගින් උදාවෙනවා.
ඔබ සිටින්නේ කුමන එමීර් රාජ්‍යයේද යන්න මත පදනම්ව, ඔබට අවශ්‍ය සියලුම රාජ්‍ය සේවාවන් සහ තොරතුරු වෙත ප්‍රවේශය ලබා දෙන කැපවූ නිල යෙදුම් නොමිලේ Google Play සහ Apple App Store වෙතින් බාගත කරගැනීමට හැකිය.
1. TAMM – අබුඩාබි රජය
TAMM යෙදුම මගින් ඔබට වීසා සහ නේවාසික සේවා, දේපල සඳහා හිමිකම් ඔප්පුවක් ඉල්ලා සිටීම වැනි නිවාස සහ දේපල ආශ්‍රිත සේවා, රිය පැදවීම සහ ප්‍රවාහනය සම්බන්ධ සේවාවන් වෙත ප්‍රවේශ වීමට ඉඩ සලසයි. රියදුරු බලපත්‍රය සහ ලේඛන සහතික කර ගැනීම, අධ්‍යාපනය සඳහා අයදුම් කිරීම හෝ ළඟම ඇති ෆාමසිය හෝ රෝහල සොයා ගැනීම වැනි තවත් බොහෝ සේවාවන් මේ යෙදුම ඔස්සේ ලබාගතහැක.
2. DubaiNow – ඩුබායි රජය
සියලුම විදුලි බිල්පත් හෝ දුරකථන බිල්පත් ගෙවීමට, Salik ටොප් අප් කිරීමට, වාහන නැවැත්වීම සඳහා ගෙවීමට සහ දරුවන්ගේ එන්නත පිළිබඳව සටහන් තබා ගැනීමට, ඒ සඳහා නියමිත වේලාවට ඔබට මතක් කිරීම් යැවීමට DubaiNow යෙදුම ඔබට ඉඩ සලසයි.
3. Digital Sharjah – සාජා රජය
ඔබට mParking සහ උපයෝගිතා බිල්පත් වැනි සේවාවන් සඳහා ගෙවීමට, නව ආයෝජකයෙකු ලෙස ලියාපදිංචි වීම වැනි විවිධ රාජ්‍ය සේවා මෙන්ම විවිධ රාජ්‍ය ආයතන හරහා විවිධ සේවාවන් ලබාගැන්ම සඳහා අයදුම් කිරීමට සහ එම ඉල්ලීම් නිරීක්ෂණය කිරීමට ඉඩ සලසයි.
4. AjmanOne – අජ්මාන් රජය
ඔබගේ බිල්පත් ගෙවීමට, වාහන බලපත්‍රය අලුත් කිරීමට, සාප්පු සංකීර්ණ, ක්‍රීඩා සමාජ, රූපලාවන්‍යාගාර පිළිබඳ මෙන්ම ආසන්නතම ආකර්ෂණීය ස්ථාන සොයා ගැනීමට හෝ කුලී රථයක් වෙන්කරවා ගැනීමට මෙන්ම තවත් බොහෝ සේවාවන් ලබාගැන්මට මෙම යෙදුම ඔබට පහසුකම් සලසාලයි.
5. SmartUAQ – උම් අල් කුවේන් රජය
ඔබට රාජ්‍ය සේවා සඳහා ගෙවීමට, රජයේ සේවා ඉල්ලීම් ආරම්භ කිරීමට සහ යෙදුම හරහා ඒවායේ තත්ත්වය නිරීක්ෂණය කිරීමට හැකිය. එමීර් රාජ්‍යය පිළිබඳ සාමාන්‍ය තොරතුරු ඇතුළුව රජයට සහ උම් අල් කුවේන්හි එමීර් රාජ්‍යයට අදාළ නවතම නිවේදන සහ ප්‍රවෘත්ති පිළිබඳ යාවත්කාලීන කිරීම් ද සපයයි.
6. mRak – රසල් කයිමා රජය
විවිධ රාජ්‍ය ආයතන හරහා ඔබට අවශ්‍ය සේවා ඉටුකර ගැන්මට, ගෙවීම් සිදුකිරීමට, විවිධ තොරතුරු ලබාගැන්මට මෙන්ම සේවාවන් සඳහා අයදුම් කිරීමට ඉඩ ලබාදේ.
7. Digital Fujairah – ෆුජයිරා රජය
රාජ්‍ය සේවා, සෞඛ්‍යය, අධ්‍යාපනික, ප්‍රවාහන හා දෛනික ජීවිතයේ විවිධ අවශ්‍යතා සඳහා තොරතුරු ලබාගැන්මට මෙම යෙදුම හරහා ඔබට අවස්ථාව ලබාදේ.
