එක්සත් අරාබි එමීර් රාජ්‍යය ගෝලීය ඩිජිටල් සාප්පු සවාරි දර්ශකයේ ඉහළින්ම සිටින අතර, UAE පාරිභෝගිකයින් ඔවුන්ගේ සාප්පු සවාරි අත්දැකීම් වැඩි දියුණු කිරීම සඳහා ඩිජිටල් විශේෂාංග වැඩි වැඩියෙන් භාවිතා කරයි.
PYMNTS සහ Visa Cybersource විසින් පවත්වන ලද “The 2023 Global Shopping Index: UAE edition” යන මාතෘකාවෙන් යුත් විස්තීරණ අධ්‍යයනයක් මගින්, UAE හි ඩිජිටල් සම්මත කිරීම සහ පාරිභෝගිකයින්ගේ මනාපයන් ඉස්මතු කර ඇත.
එක්සත් අරාබි එමීර් රාජ්‍යය, සමීක්ෂණයට ඇතුලත්වූ සියළුම රටවල් අතරින් ඉහළම ගෝලීය ඩිජිටල් සාප්පු සවාරි දර්ශකයේ (GDSI) ලකුණු මගින් කැපී පෙනෙන අතර පාරිභෝගිකයන්ට බාධාවකින් තොරව සාප්පු සවාරි සහ ගෙවීම් අත්දැකීම් පිරිනමනු ලබයි. සියළුම රටවල සාමාන්‍ය අගය 125ට වඩා වැඩි, ලකුණු 134ක් සමඟින් එක්සත් අරාබි එමීර් රාජ්‍යයේ වෙළෙන්දන් ඔවුන්ගේ සාප්පු සවාරි යන්නන්ට ඉහල පාරිභෝගික අත්දැකීමක් එක් කරනු ලබනවා.
රටවල් හයක් පුරා පාරිභෝගිකයින් 13,000 කට අධික සංඛ්‍යාවක් සහ වෙළෙන්දන් 3,000 කට අධික සංඛ්‍යාවක් සම්බන්ධ කර ගත් මෙම අධ්‍යයනයට එක්සත් අරාබි එමීර් රාජ්‍යයේ වෙළඳපොළට විශේෂිත වූ ප්‍රධාන සොයාගැනීම් කිහිපයක් නිරීක්ෂණය කොට තිබෙනවා.
එක් ප්‍රධාන සොයාගැනීමක් නම්, එක්සත් අරාබි එමීර් රාජ්‍යයේ වැඩිහිටි සාප්පු සවාරි යන්නන්ගෙන් 94% ක් අවම වශයෙන් එක් ඩිජිටල් සාප්පු සවාරි විශේෂාංගයක් ඔවුන්ගේ නවතම සිල්ලර ගමනේ ඇතුළත් කර ඇති බවයි.
වීසාහි උප සභාපති සහ එක්සත් අරාබි එමීර් රාජ්‍යයේ කළමණාකරු – සලිමා ගුටීවා ජංගම දුරකථන කේන්ද්‍ර කරගත් සාප්පු සවාරි යන්නන්ගේ අවශ්‍යතා සපුරාලීමේ වැදගත්කම අවධාරණය කළේය. “UAE පාරිභෝගිකයින් ඉතා උනන්දුවෙන් ඩිජිටල් සාප්පු සවාරි විශේෂාංග වැලඳගෙන භාවිතා කරන ප්‍රමුඛ රටක් ලෙස නැගී සිටීම ගැන අපි සතුටු වෙනවා. ඉහළම ගෝලීය ඩිජිටල් සාප්පු සවාරි දර්ශක ලකුණු සමඟ, දේශීය වෙළෙන්දෝ ඔවුන්ගේ පාරිභෝගිකයන් සඳහා බාධාවකින් තොරව සාප්පු සවාරි සහ ගෙවීම් අත්දැකීම් සාර්ථකව නිර්මාණය කර ඇති බව පැහැදිලිය”
ගුටීවා වැඩිදුරටත් පැවසුවේ, “එක්සත් අරාබි එමීර් රාජ්‍යයේ වැඩිහිටි සාප්පු සවාරි යන්නන්ගෙන් 94% ක් ඔවුන්ගේ මෑතදී කල සාප්පු සවාරි අතරතුර අවම වශයෙන් එක් ඩිජිටල් විශේෂාංගයක් ඇතුළත් කර තිබීම වෙළඳපොලේ ශක්තිමත් ඩිජිටල් අනුගතවීම ඉස්මතු කරයි. මෙම වර්ධනය වන ප්‍රවණතාව සමඟ වීසාහි පිරිනැමීම් ප්‍රශස්ත කර තාක්ෂණික දැනුමැති පාරිභෝගිකයින්ගේ විකාශනය වන අවශ්‍යතා සපුරාලීම නොකඩවා කිරීමට UAEහි වෙළඳුන් සමඟ හවුල් වීමට කැපවී සිටී.”
එක්සත් අරාබි එමීර් රාජ්‍යයේ ඩිජිටල් දැනුමැති බුද්ධිමත් සාප්පු සවාරි යන්නන් අන්තර්ජාල සාප්පු සවාරි සඳහා මනාපයක් ද පෙන්නුම් කළහ. එය වඩා හොඳ ගනුදෙනු සහ වැඩිදියුණු කළ අත්දැකීම් ලබා දෙයි යන විශ්වාසය මගින් මෙහෙයවනු ලැබේ.
එපමනක් නොව, වෙනත් රටවල වෙළඳසැල් තුළ සාප්පු සවාරි සඳහා ක්ෂණික ලබා ගැනීම (immediate availability) අත්‍යවශ්‍ය සාධකයක් වූ අතර, එක්සත් අරාබි එමීර් රාජ්‍යයේ සාප්පු හිමියන් එය ඔවුන්ගේ ප්‍රමුඛතා ලැයිස්තුවේ පහළින් ශ්‍රේණිගත කර ඇත.
වෙළෙන්දෙකු තෝරා ගැනීමේදී, එක්සත් අරාබි එමීර් රාජ්‍යයේ සාප්පු සවාරි යන්නන් ත්‍යාග හෝ නොමිලේ නැව්ගත කිරීම් වලට වඩා ගෙවීම් විකල්ප කෙරෙහි වැඩි අවධානයක් යොමු කරයි. කැමති ගෙවීම් ක්‍රම විශේෂයෙන් අගය කරනු ලබන අතර, අනෙකුත් විශේෂාංගවලට වඩා දෙගුණයකට ආසන්න පාරිභෝගිකයින් එයට ප්‍රමුඛත්වය ලබා දෙයි. වෙළෙන්දෙකු තෝරා ගැනීමේදී වැදගත්කම අනුව ත්‍යාග සහ නොමිලේ නැව්ගත කිරීම පිළිවෙලින් දෙවන සහ තුන්වන ස්ථාන ලබා ඇත.
පාරිභෝගිකයින්ගෙන් 28%ක් ඔවුන්ගේ නවතම සිල්ලර මිල දී ගැනීම සිදු කළේ ඔවුන්ගේ ස්මාර් ට්ෆෝන්වලින් වන අතර, සමීක්ෂණයට ලක් කළ සියලුම රටවල් අතර ඉහළම ප්‍රතිශතය ඉන්දියාවට පමණක් දෙවැනි වේ.
එක්සත් අරාබි එමීර් රාජ්‍යයේ පිරිමි සහ ගැහැණු යන දෙඅංශයෙන්ම ඔවුන්ගේ ස්මාර්ට්ෆෝන් සාප්පු සවාරි සඳහා සක්‍රියව භාවිතා කරන අතර කාන්තාවන්ගෙන් 33% ක් සහ පිරිමින්ගෙන් 27 %ක් ඔවුන්ගේ දුරකථනවලින් පමණක් මිලදී ගැනීම් සිදු කරයි. තවද, කාන්තාවන්ට (45%) වඩා පිරිමින් (55%) ඔවුන්ගේ වෙළඳසැල් තුළ කටයුතු කිරීමට ඔවුන්ගේ ස්මාර් ට්ෆෝන් භාවිතා කළහ.
දේශීය වෙළෙන්දන් විසින් පිරිනමනු ලබන සාප්පු සවාරි විශේෂාංග පිළිබඳව පාරිභෝගිකයින්ගේ දැනුවත්භාවයේ කැපී පෙනෙන වර්ධනයක් ද අධ්‍යයනයෙන් අනාවරණය විය. එක්සත් අරාබි එමීර් රාජ්‍යයේ සාප්පු සවාරි යන්නන් 2021ට සාපේක්ෂව 2022 දී කූපන්, ප්‍රවර්ධන කේත හෝ ත්‍යාග පිළිබඳ දැනුවත්භාවය 51% කින් වැඩි වීමත් සමඟ පිරිවැය ඉතිරි කිරීමේ විශේෂාංග ක්‍රියාශීලීව සොයන බව පෙනේ.
