එක්සත් අරාබි එමීර් රාජ්‍යයේ ගෝල්ඩන් වීසා සඳහා ඉල්ලුම් කිරීමට ඇති එක් ප්‍රධාන ක්‍රමයක් වන්නේ දේපල ආයෝජනයක් සඳහා ඩිරාම් මිලියන දෙකක් හෝ ඊට වැඩි මුදලක් ආයෝජනය කිරීමයි. නමුත් එවැනි විශාල මුදලක් නොමැති අවස්ථාවකදී ගෝල්ඩන් වීසා සඳහා ඉල්ලුම් කිරීමට ඇති මීලඟ ක්‍රමය වන්නේ ‘නිපුණ වෘත්තික’ (skilled professional) කාණ්ඩය සඳහා ඉල්ලුම් කිරීමයි.
PRO හවුල්කාර සමූහයේ වාණිජ අධ්‍යක්ෂ ජේම්ස් ස්වලෝ පැවසුවේ ‘මෙම කාණ්ඩය සඳහා අයදුම්කරුවන්ගේ වීසා සාමාන්‍යයෙන් සැකසීමට පහසු” වන බවයි.
“මෙයට ප්‍රධාන වශයෙන් හේතුව වන්නේ එක් එක් පුහුණු වෘත්තිකයාට සාමාන්‍යයෙන් එක්සත් අරාබි එමීර් රාජ්‍යයේ මානව සම්පත් සහ එමරාතීකරණ අමාත්‍යාංශය (MoHRE) සමඟ පවතින කම්කරු ලිපිගොනුවක් තිබීමත් අයදුම්කරුගේ රැකියා විස්තර සහ වැටුප දැනටමත් එහි සඳහන්ව ඇති බැවින් එම තොරතුරු ආගමන කටයුතු සමඟ බෙදා ගත හැකි වීමත් නිසාය.”
දක්ෂ වෘත්තිකයින් සඳහා, අවශ්‍ය අමතර ලියකියවිලි අතර අයදුම්කරුගේ කලින් වීසා බලපත්‍රයේ විස්තර, එමිරේට්ස් හැඳුනුම්පත සහ බැංකු ගිණුම් විවෘත කිරීමේ ක්‍රියාවලීන් සඳහා අවශ්‍ය තොරතුරු, අධ්‍යාපන අමාත්‍යාංශය විසින් සහතික කරන ලද අයදුම්කරුගේ විශ්ව විද්‍යාල සහතිකයේ පිටපතක්, UAE සෞඛ්‍ය රක්ෂණය, වැටුප් සහතිකය සහ වලංගු වැඩ කොන්ත්‍රාත්තුවක්” යනුවෙන් ජේම්ස් ස්වලෝ පැවසීය.
“අවශ්‍ය එකම කැපී පෙනෙන ලියවිල්ල වන්නේ එකම තනතුරේ වසර 5 කට නොඅඩු පළපුරුද්දක් සහිත ලිපියකි.”
සියලුම ගෝල්ඩන් වීසා අයදුම්පත් සඳහා රජයේ ගාස්තු එකම පරාසයක පවතින අතර ඒ සඳහා ඩිරාම් 3,000 පමණ අයකරනු ලබයි.
ආයෝජන වීසා
“ආයෝජන වීසා කාණ්ඩය සඳහා, අයදුම්කරු අයදුම් කරන්නේ කුමන ආයෝජන වීසා බලපත්‍රයක්ද යන්න මත පදනම්ව, ඔබට විවිධ ලියකියවිලි ඉදිරිපත් කිරීමට අවශ්‍ය වනු ඇත.”
“විශේෂයෙන් නිශ්චල දේපල ආයෝජන සඳහා, අදාළ එමිර් ඉඩම් දෙපාර්තමේන්තුවේ දේපලෙහි අයිතිය සඳහන් ලිපියක්, අවම වශයෙන් ඩිරාම් මිලියනයක දෙකක වටිනාකමක් මේ සඳහා අවශ්‍ය වන අතර උකස් මත මිලදී ගත් දේපල සඳහා, දේශීය බැංකුවලින් ලබා දෙන ප්‍රකාශ සහ ලිපි අවශ්‍යවේ”
