ඩුබායි හි Burj Khalifa සිය ජයග්‍රහණ ලැයිස්තුවට තවත් ලෝක වාර්තාවක් එක් කර තිබේ. මෑත අධ්‍යයනයකට අනුව එහි වාර්ෂික නරඹන්නන් සංඛ්‍යාව ලොව වැඩිපුරම පැමිණෙන සන්ධිස්ථානය ලෙස හඳුනාගෙන ඇත.
Switch On Business විසින් සිදු කරන ලද පර්යේෂණවලින් පෙන්නුම් කරන පරිදි, සිත් ඇදගන්නාසුළු ලෙස, ලොව ඇති උසම කුළුණට සෑම වසරකම මිලියන 17ක් නරඹන්නන් පැමිණේ. මෙම අධ්‍යයනයට ලොව පුරා කීර්තිමත් බිම් සලකුණු 150කට වැඩි සංඛ්‍යාවක් යොදාගත් අතර සෙවුම් පරිමාවන් සහ සාමාන්‍ය සංචාරකයන්ගේ සංඛ්‍යාලේඛන විශ්ලේෂණය කිරීම තුලින්, විශාලතම ගෝලීය උනන්දුව ග්‍රහණය කර ගන්නා බිම් සලකුණු හෙළිදරව් කරගැන්ම අරමුණු කර ගෙන ඇත.
පැරිසියේ සුප්‍රසිද්ධ අයිෆල් කුළුණ මෙන් තුන් ගුණයක උසකින් යුත් Burj Khalifa මීටර් 828 ක කැපී පෙනෙන උසකට නැඟුණු ආකර්ෂණීය කුළුණ, ගූගල් සෙවුම් මිලියන 22 කට ආසන්න ප්‍රමාණයක් සහ දළ වශයෙන් වාර්ෂික නරඹන්නන් මිලියන 17 කගේ ආකර්ශනය ලබා ගනී. මෙම සැලකිය යුතු සංචාරකයන්ගේ පැමිණීම, අධ්‍යයනයේ සොයාගැනීම් මගින් දක්වා ඇති පරිදි දළ වශයෙන් ඩොලර් මිලියන 621 ක ඇස්තමේන්තුගත ටිකට් ආදායමකට සමාන වේ.
ආකර්ශනය දිනාගත් දෙවන ස්ථානය ලෙස ඉන්දියාවේ ටජ් මහල්, වාර්ෂික සෙවීම් මිලියන 22 ක් පමණ සමඟ සමාන උනන්දුවක් දක්වන අතර මිලියන 7.5 ක් පමණ සංචාරකයන්ට සත්කාරකත්වය සපයයි. තුන්වන ස්ථානයේ ඇති නයගරා ඇල්ල, වාර්ෂික නරඹන්නන් මිලියන 13 ක් පමණ වන අතර මිලියන 1.2 කට අධික සෙවුම් ජනනය කරයි.
සංචාරක විශේෂඥයින් අවධාරණය කරන්නේ ඩුබායි ගවේෂණය කරන සංචාරකයින් සඳහා Burj Khalifa වෙත සංචාරය කිරීම අනිවාර්ය අංගයක් බවයි.
