මේ වසරේ එක්සත් අරාබි එමීර් රාජ්‍යයේ මාර්ගගත මිලදී ගැනීම් ප්‍රමාණය ඩිරාම් බිලියන 100 සීමාව ඉක්මවා යනු ඇතැයි අපේක්ෂා කෙරෙන අතර 2023 දී ගිණුම්ගත ඊ-වාණිජ්‍ය ගනුදෙනුවලින් 40.8% ක් සඳහා වඩාත්ම කැමති ගෙවීමේ ක්‍රමය ලෙස බැංකු කාඩ්පත් ඉදිරියෙන් සිටිනවා.
GlobalData විසින් 2023 මූල්‍ය සේවා පාරිභෝගික සමීක්ෂණයට අනුව, දෙවන වඩාත් ජනප්‍රිය ගෙවීම් මෙවලම වන්නේ Apple Pay, PayPal සහ Google Pay වැනි විකල්ප ගෙවීම් වන අතර, මෙම වසරේ එවැනි විකල්ප විද්‍යුත්-ගෙවීම් ගනුදෙනුවලින් 27.7%ක් සාමූහිකව සිදු කරනු ඇතැයි අපේක්ෂා කෙරේ.
එක්සත් අරාබි එමීර් රාජ්‍යයේ පාරිභෝගිකයන් විසින් මාර්ගගත මිලදී ගැනීම් සඳහා තුන්වන සහ සිව්වන වඩාත් කැමති ගෙවීම් ක්‍රම වන්නේ පිළිවෙලින් බැංකු මාරු කිරීම් සහ මුදල්ය.
ඊ-වාණිජ්‍යය අංශය එක්සත් අරාබි එමීර් රාජ්‍යයේ සහ අනෙකුත් දියුණු ආර්ථිකයන්හි පශ්චාත් වසංගත කාලපරිච්ඡේදය තුළ දැවැන්ත ජනප්‍රියත්වයක් අත්කර ගෙන ඇති අතර, එහි පහසුව, අඩු මිල ගණන් සහ බොත්තමක් එබීමෙන් ලබා ගත හැකි විවිධ භාණ්ඩ හේතුවෙන් පාරිභෝගිකයින් වැඩි වැඩියෙන් භාණ්ඩ සහ ආහාර අන්තර්ජාලය හරහා මිලදී ගනී. එක්සත් අරාබි එමීර් රාජ්‍යයේ ඊ-වාණිජ්‍යය තුළ Noon, Souq, Namshi, Talabat, Delivero සහ වෙනත් එවැනි නාලිකාවන්ගේ පැමිණීම ද වෙළඳපල ප්‍රමාණය සැලකිය යුතු ලෙස ඉහළ නංවා ඇත.
මීට අමතරව, ඩුබායිහි ඊ-වාණිජ්‍ය සමාගම් සඳහා නිදහස් කලාපයක් ස්ථාපිත කිරීම දේශීය ඊ-වාණිජ්‍යය කර්මාන්තය තවදුරටත් ඉහළ නංවන අතර සෘජු විදේශ ආයෝජන ආකර් ෂණය කර ගනු ඇත.
GlobalData හි 2023 මූල්‍ය සේවා පාරිභෝගික සමීක්ෂණය, 2023 දෙවන කාර්තුවෙහි හි රටවල් 40ක් පුරා වයස අවුරුදු 18ට වැඩි ප්‍රතිචාර දැක්වූවන් 50,000ක් අතර සිදු කරන ලදී.
දත්ත සහ විශ්ලේෂණ සමාගම පැවසුවේ එක්සත් අරාබි එමීර් රාජ්‍යයේ ඊ-වාණිජ්‍ය වෙළඳපොළ 2022 දී 18.5%කින් වර්ධනය වී ඩිරාම් බිලියන 92.4 දක්වා ළඟා වූ බවයි. වැඩි පාරිභෝගිකයින් සංඛ්‍යාවක් මාර්ගගත නොවන (offline) සිට මාර්ගගත (online) මිලදී ගැනීම් වෙත මාරු වන බැවින් එය 2023 දී ඩිරාම් බිලියන 107.6 දක්වා 16.4% කින් වර්ධනය වනු ඇතැයි ගණන් බලා ඇත.
GlobalData හි ප්‍රමුඛ බැංකු සහ ගෙවීම් විශ්ලේෂක රවී ෂර්මා පැවසුවේ, 2023 – 2027 අතර කාලය සැලකීමේදී එක්සත් අරාබි එමීර් රාජ්‍යය 2027 දී ඩිරාම් බිලියන 169.5 වෙත ළඟා වීමට 12% ක සංයුක්ත වාර්ෂික වර්ධන වේගයක් (CAGR) දකිනු ඇති බවයි.
“එක්සත් අරාබි එමීර් රාජ්‍යයේ ඊ-වාණිජ්‍යය, පසුගිය වසර පහ තුළ සෞඛ්‍ය සම්පන්න වර්ධනයක් වාර්තා කර ඇත. මේ සඳහා ප්‍රධාන වශයෙන් අන්තර්ජාලය සහ ස්මාර්ට්ෆෝන් භාවිතය ඉහළ යාම සහ සබැඳි ගනුදෙනු පිළිබඳ පාරිභෝගික විශ්වාසය වැඩි වීම හේතුවී ඇත. තවද, වසංගතය සමය තුල මාර්ගගත නාලිකා වෙත පාරිභෝගික මනාපය මාරු වීම වේගවත් කළේය. “Black Friday” සහ “Cyber Monday” වැනි අන්තර්ජාල සාප්පු සවාරි අවස්ථාවන් ඊ-වාණිජ්‍යයේ වර්ධනයට සහාය වී ඇත.
පාරිභෝගිකයින්ගෙන් 88% ක් මාස 6 ක් තුළ අන්තර් ජාලය හරහා සාප්පු සවාරි යයි
GlobalData හි 2023 මූල්‍ය සේවා පාරිභෝගික සමීක්ෂණයට අනුව, එක්සත් අරාබි එමීර් රාජ්‍යයේ පාරිභෝගිකයින්ගෙන් 88% ක් පසුගිය මාස හය තුළ අන්තර් ජාලය හරහා සාප්පු ගොස් ඇති බව වාර්තා කර ඇති අතර, කිසි විටෙකත් අන්තර් ජාලය හරහා සාප්පු ගොස් නොමැති බව පෙන්නුම් කළේ 5% ක් පමණි.
පොලී රහිත වාරික ගෙවීම්, ප්‍රතිලාභ වැඩසටහන්, මුදල් ආපසු දීම සහ වට්ටම් ඇතුළුව ඔවුන් විසින් පිරිනමනු ලබන අගය එකතු කළ ප්‍රතිලාභ හේතුවෙන් පාරිභෝගිකයින් ගෙවීම් ක්‍රමයක් ලෙස කාඩ්පත් වලට වැඩි කැමැත්තක් දක්වන බව GlobalData හි සමීක්ෂණයෙන් අනාවරණය විය.
