පසුගියදා Apple සමාගම කියා සිටියේ නව iPhone දැඩි ලෙස උණුසුම් වන බවට මෑත කාලීන ප්‍රකාශයන්ට හේතුවී ඇත්තේ මෘදුකාංග සහ යෙදුම් සම්බන්ධ දෝෂ නිසා බවත් එය ඉක්මනින් නිවැරදි කිරීම් සඳහා කටයුතු කරන බවත්ය.
නවතම iOS 17 මෘදුකාංගයේ ඇති දෝෂයක් හේතුවෙන් සහ ඇතැම් තෙවන පාර්ශවීය යෙදුම් පද්ධති අධික ලෙස ස්ථාපනයකොට පැවතීම නිසා පරිශීලකයාගේ දත්ත සැකසීමට සහ ප්‍රතිසාධනය කිරීමට උපාංගය වැඩිකාලයක් ක්‍රියා කරන බැවින් පළමු දින කිහිපය තුළ උපාංගය උණුසුම් විය හැකි බව සමාගම පවසයි.
“පසුබිමේ ක්‍රියාකාරකම් වැඩි වීම නිසා උපාංගය සැකසීමෙන් හෝ ප්‍රතිසාධනය කිරීමෙන් පසු පළමු දින කිහිපය තුළ උපාංගය උණුසුම් විය හැක” යනුවෙන් Apple නිවේදනයක් නිකුත් කරමින් කියා සිටියේය. “අපි iOS 17 හි දෝෂයක් ද සොයාගෙන ඇති අතර එය සමහර පරිශීලකයින්ට බලපාන අතර එය ඉදිරියේදී මෘදුකාංග යාවත්කාලීනයකින් නිවැරැදි කරනු ඇත.”
ඇපල් පැවසුවේ අයිෆෝන් අධික ලෙස රත් වීමට හේතු වන යෙදුම් පිටුපස සංවර්ධකයින් සමඟ කටයුතු කරන බවත් නිවැරදි කිරීම් නිකුත් කිරීමේ ක්‍රියාවලියේ පවතින බවත්ය. Instagram දැනටමත් සැප්තැම්බර් 27 වන දින එහි යෙදුම සමඟ ඇති ගැටළුව අවම කර ඇති බව Apple සමාගම පවසයි.
නවතම අයිෆෝන් සඳහා පළමුව හඳුන්වාදුන් ටයිටේනියම් රාමුවක් මෙන්ම ක්‍රීඩා සඳහා වැඩිදියුණු කළ ග්‍රැෆික් සංරචකයක් සහිත A17 Pro චිපයක් ඇතුළත් වේ. සමහර පර්යේෂකයන් පැවසුවේ එම දෘඪාංග වල වෙනස්කම් ගැටළුවට දායක විය හැකි බවයි.
iPhone 15 Pro line දෘඩාංග හා සම්බන්ධව එම අදහස් ප්‍රතික්ෂේප කළ Apple සමාගම පැවසුවේ, නව සැලසුම මගින් මල නොබැඳෙන වානේ උපාංගවලට සාපේක්ෂව වැඩි දියුණු කළ තාප විසර්ජනයක් සඳහා තුඩු දෙන බවයි. ඉදිරියේදී එන මෘදුකාංග නිවැරදි කිරීම නවතම මාදිලිවල ප්‍රොසෙසරය මන්දගාමී කිරීම සම්බන්ධ නොවන බව ද පැවසීය.
මෙම ගැටළුව ආරක්ෂිත ගැටළුවක් නොවන බැවින් iPhone හි ක්‍රියාකාරිත්වයට දිගු කාලීනව බලපාන්නේ නැති බව Apple පැවසීය. නවතම මාදිලි සමඟ ඇතුළත් කර ඇති නව ප්‍රමිතිය වන USB-C ආරෝපණය ගැටළුවට හේතුවක් නොවන බව වැඩිදුරටත් පැවසීය. කෙසේ වෙතත්, “වොට් 20 ට වැඩි වේගයක් ලබා දෙන” විශාල ආරෝපණ ඇඩැප්ටරයක් භාවිතා කිරීම – iPhone වලට වෙනදාට වඩා තාවකාලිකව උණුසුම් බවක් දැනිය හැකි බවද පැවසීය.
සිය ගණනක් පරිශීලකයින් ඔවුන්ගේ නව iPhone 15 Pro සහ iPhone 15 Pro Max ස්පර්ශයේදී අසාමාන්‍ය ලෙස උණුසුම් වන බවට සමාජ මාධ්‍යවල සහ Apple support වෙත පැමිණිලි කර ඇත. සමහර පරිශීලකයින් ඔවුන්ගේ නවතම iPhoneහි උෂ්ණත්වමාන කියවීම් ඡායාරූප පවා පළ කර ඇති අතර, එය ෆැරන්හයිට් 100˚හෝ සෙන්ටිග්‍රේඩ් 38˚ට වැඩි ප්‍රතිඵල පෙන්වයි.
iOS 17 මෘදුකාංග යාවත්කාලීනය ලබා ගත හැක්කේ කවදාද යන්න හෝ එය රැගෙන යන්නේ කුමන අනුවාදයද යන්න Apple විසින් පවසා නැත. සමාගම පසුගිය සතියේ iOS 17.1 හි පළමු බීටා අනුවාදය යෙදුම් සංවර්ධකයින් වෙත නිකුත් කළේය. එම නිකුතුව ඔක්තෝම්බර් අවසානයේදී සිදු කිරීමට නියමිතය.
