ඩුබායිහි මාර්ග සහ ප්‍රවාහන අධිකාරිය (RTA) මගීන්ගේ ගමනාගමනය පහසු කිරීම සඳහා ඩිරාම් මිලියන 689 ක් වටිනා හෙසා වීදි ප්‍රතිසංවර්ධන ව්‍යාපෘතිය සඳහා නව කොන්ත්‍රාත්තුවක් ලබා දී තිබෙනවා.
එක්සත් අරාබි එමීර් රාජ්‍යයේ උප ජනාධිපති, අග්‍රාමාත්‍ය සහ ඩුබායිහි පාලක අතිගරු ෂෙයික් මොහොමඩ් බින් රෂීඩ් අල් මක්ටූම්ගේ උපදෙස් පරිදි සහ ඩුබායිහි ඔටුන්න හිමි කුමරු ෂෙයික් හම්දාන් බින් මොහොමඩ් බින් රෂීඩ් අල් මක්ටූම්ගේ මඟපෙන්වීම යටතේ මෙම පියවර ගෙන ඇත.
හෙසා වීදිය සහ උම් සුඛෙයිම් වීදිය වැනි ප්‍රධාන මාර්ග සංවර්ධනය කිරීමේ නව සැලසුම් RTA විසින් මීට පෙර අනාවරණය කර තිබුණි.
හෙසා වීදිය වැඩිදියුණු කිරීමේ ව්‍යාපෘතිය, ෂෙයික් සයීඩ් පාර මංසන්ධියේ සිට අල් ඛයිල් පාර මංසන්ධිය දක්වා කිලෝමීටර් 4.5ක දුරක් ආවරණය කරන බව අධිකාරිය පසුගියදා ප්‍රකාශයක් නිකුත්කරමින් කරමින් කියා සිටියා.
මෙම ප්‍රතිසංවර්ධන ව්‍යාපෘතියේ මූලික පරමාර්ථය වන්නේ ෂෙයික් සයීඩ් පාර, පළමු අල් ඛයිල් වීදිය, අල් අසයෙල් වීදිය සහ අල් ඛයිල් පාර ඇතුළු හෙසා වීදියේ ප්‍රධාන මංසන්ධි හතරක් ප්‍රතිසංස්කරණය කිරීමයි.
මෙම ව්‍යාපෘතිය මගින් හෙසා වීදියේ මංතීරු සංඛ්‍යාව දෙගුණයක් වන අතර, සෑම දිශාවකටම පැයකට වාහන 8,000කට ඉඩ සැලසීමට ධාරිතාව 100%කින් වැඩි කෙරේ.
“මෙම ව්‍යාපෘතිය Al Sufouh 2, Al Barsha නේවාසික ප්‍රදේශය සහ Jumeirah Village Circle වැනි නේවාසික සහ සංවර්ධන ප්‍රජාවන් කිහිපයකට සේවය සලසයි. 2030 වන විට ව්‍යාපෘතිය මගින් සේවය සැලසෙන ප්‍රදේශ වල ජනගහනය 640,000 කට වැඩි පිරිසක් වනු ඇතැයි අපේක්ෂා කෙරේ” RTA හි අධ්‍යක්ෂ ජනරාල් සහ විධායක අධ්‍යක්ෂ මණ්ඩලයේ සභාපති Mattar Al Tayer පැවසුවේ මාර්ග ජාලය සහ යටිතල පහසුකම් සංවර්ධනය සඳහා මෙම ව්‍යාපෘතිය අතිශයින් වැදගත් වන බවයි..
“මෙම ව්‍යාපෘතියට ප්‍රධාන මංසන්ධි හතරක් වැඩිදියුණු කිරීම, නගරයේ රථවාහන ප්‍රවාහය සහ සම්බන්ධතාවය වැඩි දියුණු කිරීම ඇතුළත් වේ. එය RTA විසින් සිදු කරන ලද පූර්ව අදියරයන් සම්පූර්ණ කරයි, අවට සංවර්ධනය සිදුකරන ප්‍රදේශ ඇතුළුව සෑම දිශාවකටම සුමට ගමනාගමනයක් සහතික කරයි.
මෙම වැඩිදියුණු කිරීමේ ව්‍යාපෘතියට අමතරව, කිලෝමීටර 13.5ක පාපැදි ධාවන පථයක් ද සමන්විත වන අතර, වැසියන් සහ මගීන් සඳහා වැඩි දියුණු කළ සංචලතා විකල්ප ඉදිරිපත් කරයි.
මෙම ධාවන පථයට බයිසිකල් සහ ඊ-ස්කූටර් සඳහා මීටර් 2.5 ක් සහ පදිකයින් සඳහා මීටර් 2 ක් ඇතුළත් වේ.
එය Al Sufouh සහ හෙසා වීදිය හරහා ඩුබායි හිල්ස් සම්බන්ධ කරන අතර Al Sufouh, Al Barsha සහ Barsha Heights වැනි නේවාසික ප්‍රදේශවලට සේවය සලසයි. ඩුබායි ඉන්ටර්නෙට් සිටි මෙට්‍රෝ ස්ටේෂන් සහ ඒ අවට විවිධ වාණිජ සහ සේවා ගමනාන්ත වෙත සම්බන්ධ කරමින් සැලකිය යුතු ලෙස සම්බන්ධතා වැඩිදියුණු කරයි.
මෙම පාපැදි ධාවන පථය අන් ඒවාට වඩා වෙනස් වන්නේ එහි පාලම් දෙකක් ඒකාබද්ධ කිරීම හේතුවෙන් බව RTA නිවේදනයේ දැක්වේ.
පළමු පාලම ෂෙයික් සයිඩ් පාර හරහා විහිදෙන අතර දෙවැන්න අල් ඛයිල් පාර හරහා ගමන් කරයි. දෙවන පාලමේ පළල මීටර් 5 ක් වන අතර ඉන් බයිසිකල් සහ ඊ-ස්කූටර සඳහා මීටර් 3 ක් ද ඉතිරි මීටර් 2 පදිකයන් සඳහාද වෙන් කර ඇත. අල් ඛයිල් පාර පාලමේ සැලසුම අවට පරිසරයේ අද්විතීය ජ්‍යාමිතික ලක්ෂණ වලින් ආශ්වාදයක් ලබා ගනී.
