එක්සත් අරාබි එමීර් රාජ්‍යයේ බලධාරීන් සමාජ මාධ්‍ය වේදිකාවල නාඳුනන අංක සමඟ ගනුදෙනු කිරීමේදී ප්‍රවේශම් වන ලෙසත් සබැඳි පරිශීලකයින්ට අනතුරු අඟවා ඇති අතර නවතම උපදේශනයක් ඩුබායි ඩිජිටල් අධිකාරිය විසින් නිකුත් කරන ලදී.
WhatsApp ගිණුමක් හැක්කිරීමේ මූලික පියවරක් ලෙස ඔබටත් WhatsApp හි නොදන්නා අංකයකින් විකිණීමට ඇති අයිතම ප්‍රවර්ධනය කිරීමකට හෝ නව WhatsApp කණ්ඩායමකට සම්බන්ධ වන ලෙස ඔබෙන් ඉල්ලා පණිවිඩයක් ලැබිය හැකිය.
ඔබගේ WhatsApp ගිණුම හැක් වුවහොත් ඔබ විසින් කුමක් කළ යුතුදැයි පසුගියදා, විදුලි සංදේශ සහ ඩිජිටල් රාජ්‍ය නියාමන අධිකාරිය (TDRA) සබැඳි පරිශීලකයින්ට අනුගමනය කළ හැකි පියවර හඳුන්වා දුන්නේය.
TDRA විසින් හඳුන්වා දෙනලද, ඔබ අනුගමනය කළ යුතු පියවර මේවාය:
1. support@whatsapp.com හි WhatsApp හි තාක්ෂණික සහාය වෙත විද්‍යුත් තැපෑලක් යවා පහත පාඨය සඳහන් කරන්න: “Lost/Stolen: Please deactivate my account”.
ඔබගේ දුරකථන අංකය පහත ආකෘතියෙන් ලබා දෙන්න: +9715xxxxxxx.
2. දවසේ විවිධ වේලාවන්හිදී උපාංගයේ ඇති WhatsApp ඉවත් කර නැවත ස්ථාපනය (install) කිරීමට උත්සාහ කරන්න.
3. සෑම දිනකම WhatsApp නැවත ස්ථාපනය (install) කිරීමට උත්සාහ කරන්න.
4. අනවසරයෙන් WhatsApp ගිණුමට ඇතුළුවීම පිළිබඳව ඥාතීන් සහ මිතුරන් දැනුවත් කර WhatsApp හි ඔබගේ අංකයෙන් එන කිසිදු පණිවිඩයකට ප්‍රතිචාර නොදක්වන ලෙස ඔවුන්ගෙන් ඉල්ලා සිටින්න.
ඔබගේ WhatsApp ගිණුම ආරක්ෂා කරගන්නා ආකාරය
WhatsAppහි නිල මාර්ගගත උපකාරක මධ්‍යස්ථානයේ – faq.whatsapp.com හි, WhatsApp විසින් ඔබේ ගිණුම හැක් වීමෙන් ආරක්ෂා කර ගැනීමට ක්‍රියාශීලී පියවරයන් ලෙස අනුගමනය කළ හැකි සරල පියවරයන් ද බෙදා ගෙන ඇත. ඒවා නම්:
1. ඔබට SMS මගින් ලැබිය හැකි අංක හයක ලියාපදිංචි කේතය කිසිවිටෙක අන් අය සමඟ බෙදා නොගන්න.
2. Settings වෙත ගොස් දෙපියවර සත්‍යාපන (two-step verification) සක්‍රීය කරන්න. ඒ සඳහා Settings > two-step verification > ඉන්පසු ඔබට භාවිතා කළ හැකි ඉලක්කම් හයක PIN කේතයක් සාදන්න.
3. ඔබගේ profile photo බැලීමට ඔබගේ සම්බන්ධතා වලට පමණක් ඉඩ දෙන්න. Whtsappට අනුව මෙය ඔබගේ දත්ත ආරක්ෂා කිරීමට එක් ක්‍රමයකි. මෙම ආරක්ෂක විශේෂාංගය සක්‍රීය කිරීමට,
Settings > ‘පෞද්ගලිකත්වය’ (Privacy) කොටස වෙත යන්න > profile photo සඳහා විකල්පය දකිනු ඇත. එය ‘everyone’ ලෙස තෝරා තිබිය හැක. විකල්පය මත ක්ලික් කර ‘My contacts’ තෝරන්න. එමගින් ඔබගේ profile photo බැලිය හැක්කේ කාටද කියා අභිරුචිකරණය කරන්න.
4. ඔබෙන් මුදල් ඉල්ලන අයගෙන් පරිස්සම් වන්න.
5. ඔබේ සම්බන්ධිත උපාංග නිතරම පරීක්ෂා කරන්න. ඔබගේ WhatsApp ගිණුමට සම්බන්ධ කර ඇති සියලුම උපාංග සමාලෝචනය කිරීමට WhatsApp Settings > Linked Devices වෙත යන්න. සම්බන්ධිත උපාංගයක් ඉවත් කිරීමට, උපාංගය > ලොග් අවුට් මත තට්ටු කරන්න.
6. ඔබගේ දෙපියවර සත්‍යාපනය (two-step verification) සඳහා PIN හෝ ලියාපදිංචි කිරීමේ කේතය නැවත සැකසීමට ඔබ ඉල්ලූම් නොකළ ඊමේල් ලැබෙන්නේ නම්, කිසිදු සබැඳියක් ක්ලික් නොකරන්න. මෙමගින් හැඟෙන්නේ කවුරුහරි WhatsApp හි ඔබගේ දුරකථන අංකයට ප්‍රවේශ වීමට උත්සාහ කරනවා විය හැකි බවයි.
