ඩුබායි ආගමන කටයුතු නිෂ්කාශනය කිරීම දැන් ඉතාකෙටි වේලාවකින් සිදු කළ හැක. ඩුබායි ජාත්‍යන්තර ගුවන්තොටුපලේ (DXB) 3වන පර්යන්තය වෙත පැමිණෙන සහ පිටවන පදිංචිකරුවන්ට මුහුණ හඳුනාගැනීමේ විශේෂාංග සහිත වැඩිදියුණු කළ ස්මාර්ට් ගේට්ටු භාවිතයෙන් තත්පර කිහිපයකින් විදේශ ගමන් බලපත්‍ර පාලනය හරහා යා හැකිය.
ඩුබායිහි නේවාසික සහ විදේශ කටයුතු පිළිබඳ සාමාන්‍ය අධ්‍යක්ෂ මණ්ඩලයේ (GDRFA) නිලධාරියෙක් Gitex Global ප්‍රදර්ශනය අතරතුර පැවසුවේ, “ඩුබායි ජාත්‍යන්තර ගුවන්තොටුපලේ (DXB) 3වන පර්යන්තයෙහි දැන් යාවත්කාලීන කළ ස්මාර්ට් ගේට්ටු පහක් ඇත, එමඟින් මගීන්ට මුහුණ හඳුනාගැනීමේ තාක්ෂණය භාවිතයෙන් ආගමන ක්‍රියා පටිපාටි බාධාවකින් තොරව ඉටුකිරීමට ඉඩ සලසයි”
කෙසේ වෙතත්, ඩුබායි ගුවන් තොටුපළ පර්යන්තවල ඇති ස්පර්ශ රහිත ස්මාර්ට් ගේට්ටු බහුතරයකට තවමත් පැමිණෙන සහ පිටවන මගීන්ගේ විදේශ ගමන් බලපත්‍ර scan කිරීම අවශ්‍ය වේ.
නව ස්මාර්ට් ගේට්ටු භාවිතා කරනා ආකාරය
පළමුව, වැඩි දියුණු කළ ස්මාර්ට් ගේට්ටු භාවිතා කිරීම සඳහා පදිංචිකරු තම විදේශ ගමන් බලපත්‍රය හෝ එමිරේට්ස් හැඳුනුම්පත භාවිතා කර ඩුබායි ජාත්‍යන්තර ගුවන්තොටුපලේ (DXB) 3වන පර්යන්තයෙහි ලියාපදිංචි විය යුතුය. තවද Gitex Global ප්‍රදර්ශනයෙහි හි GDRFA හට මණ්ඩපයක් ඇති බැවින් එය ඔක්තෝබර් 20 දක්වා ක්‍රියාත්මක වන බැවින්, ගුවන් මගීන්ට මීළඟ ගුවන් ගමන සඳහා නව්‍ය සේවාව ලබා ගැනීමට GDRFA මණ්ඩපයට ගොස් ලියාපදිංචි විය හැක.
ක්‍රියාවලිය ඉක්මන් හා පහසු වන අතර මගීන්ට අවශ්‍ය වන්නේ කොළ එළිය (කැමරාව) දෙස බැලීමෙන් ස්මාර්ට් ගේට්ටුව හරහා ගමන් කිරීම පමණි.
හඳුනාගැනීමේ ලේඛනයක් scan කිරීමට අවශ්‍ය නැත. ඇස් කන්ණාඩි, මුහුණු ආවරණ හෝ හිස්වැසුම් ඇතුළුව ඔබේ මුහුණ ආවරණය කරන ඕනෑම දෙයක් ඉවත් කරන්න. එවිට කැමරාවට ඔබේ මුහුණ පැහැදිලිව scan කළ හැක. කෙසේ වෙතත්, ඔබගේ විදේශ ගමන් බලපත්‍රය හෝ බෝඩිං අවසර පත්‍රය අවශ්‍ය නම් ඒවා සූදානම්ව තබා ගන්න.
අනාගත සැලැස්ම
GDRFA පැවසුවේ මුහුණු හඳුනාගැනීම දැනට ඩුබායි ජාත්‍යන්තර ගුවන්තොටුපලේ (DXB) 3වන පර්යන්තයෙහි ස්මාර්ට් ගේට්ටු පහකින් ලබා ගත හැකි නමුත් ඉක්මනින් පර්යන්ත 1 සහ 2 හරහා ක්‍රියාත්මක කරන බවයි.
