එක්සත් අරාබි එමීර් රාජ්‍යයේ මානව සම්පත් සහ එමරාතීකරණ අමාත්‍යාංශය (MoHRE) සේවා ඉල්ලීම් වේගයෙන් ක්‍රියාවට නංවන නව ප්‍රමුඛතා සේවයක් දියත් කර තිබෙනවා.
පද්ධතියට අනුව, පාරිභෝගිකයින් Diamond, Gold, සහ Silver යන කාණ්ඩ තුනකට වර්ග කර ඇත. පළමු අදියරේදී MoHRE විසින් Diamond කාණ්ඩයේ පාරිභෝගික සේවාව හඳුන්වා දෙනු ඇත. Gold සහ Silver කාණ්ඩ 2024 ජනවාරි මාසයේදී දියත් කිරීමට බලාපොරොත්තු වේ.
නව ක්‍රමය මඟින් පාරිභෝගිකයින්ට ඔවුන්ගේ අයදුම්පත්‍රවලට ප්‍රමුඛත්වය දෙමින් ඔවුන්ගේ ඉල්ලීම් ඉක්මනින් ඉටුකරගැන්මට ඉඩ සලසයි. කැපවූ ගිණුම් කළමනාකරුවෙකු ඔවුන්ගේ අවශ්‍යතා සපුරාලීම, විමසීම්වලට පිළිතුරු සැපයීම සහ ක්ෂණික සහාය සහ ඉක්මන් තාක්ෂණික විසඳුම් ලබා දීමට කටයුතු කරණු ඇත. අමාත්‍යාංශය විසින් අධීක්‍ෂණය කරනු ලබන, එමරාතීකරණ ඉලක්ක සපුරාලීම පිළිබඳ විශේෂ සැසිවාර වැනි කැප වූ පුහුණු වැඩසටහන්ද මෙයට ඇතුළත් වේ.
MoHRE වර්ගීකරණ පද්ධතියේ පළමු කාණ්ඩයේ ආයතන ලෙස, සේවකයන් 1,000ක් හෝ ඊට වැඩි සංඛ්‍යාවක් සිටින සමාගම් ස්වයංක්‍රීයව Diamond කාණ්ඩය ලෙස ශ්‍රේණිගත කෙරෙන අතර, ආයතන 100ක් හෝ වැඩි ගණනක් ඇති හිමිකරුවන්, ගෘහ සේවිකාවන්ගේ අභාධිත සේවා යෝජකයන්, ගෘහ සේවිකාවන් 50ක් හෝ වැඩි ගණනක් සිටින සේවා යෝජකයන්, ජ්‍යෙෂ්ඨ පුරවැසියන් සහ වයස අවුරුදු 60 හෝ ඊට වැඩි අය මෙම කාණ්ඩයට ඇතුලත්වේ.
Gold කාණ්ඩයට කම්කරුවන් 500 සිට 999 දක්වා සේවය කරන ආයතන සහ ආයතන 51 සිට 99 දක්වා හිමිකරුවන් අයත්වේ.
සේවකයන් 50 සිට 499 දක්වා සේවය කරන ආයතන Silver කාණ්ඩය ආවරණය කරයි. ආයතන 10 සිට 50 දක්වා හිමිකරුවන් සහ සේවකයන් 50 සිට 499 දක්වා සේවය කරන ආයතන මෙම කාණ්ඩයට අයත්වේ.
MoHRE හි පාරිභෝගික සබඳතා දෙපාර්තමේන්තුවේ අධ්‍යක්ෂ හුසේන් අල් අලිලි පැවසුවේ, “නව පද්ධතිය, සේවාදායකයින්ගේ අවශ්‍යතා සපුරාලීම සහ උසස් සහය, උපකාර සේවා, විමසීම් සහ පැමිණිලිවලට ඉක්මන් ප්‍රතිචාරයක් සමග පහසු සහ බාධාවකින් තොර පරිශීලක අත්දැකීමක් ලබා දීමට මෙම සේවය ඉඩ සලසයි”
“එමෙන්ම ගිවිසුම් ගත සබඳතාව පාලනය කරන නීති සමඟ පුද්ගලික අංශයේ ආයතන අතර අනුකූලතාව ප්‍රවර්ධනය කිරීම ද මෙහි අරමුණයි. මෙම ක්‍රියාවලිය මෙහෙයුම්වල කාර්යක්ෂමතාව වැඩි දියුණු කිරීමටත්, ගනුදෙනු සම්පූර්ණ කිරීමට අවශ්‍ය කාලය සහ ශ්‍රමය අඩු කිරීමටත්, ප්‍රතිචාර, නිරීක්ෂණ, යෝජනා සහ පැමිණිලි මත පදනම්ව යාවත්කාලීන කරන ලද විස්තීරණ සහ විධිමත් ක්‍රියා පටිපාටි සහතික කිරීමටත්, සේවාදායක සන්නිවේදනයන් හරහා එකතු කරගත් යෝජනා, පසු තීරණ ගැනීම්වලට ඇතුළත් කිරීමටත් උපකාරී වේ”
