WhatsApp විසින් පෙරළිකාර voice chat විශේෂාංගයක් හඳුන්වා දෙනු ලබන අතර එය විශාල කණ්ඩායම් ඇමතුම් වලදී පරිශීලක අත්දැකීම විප්ලවීය වෙනසක් කිරීමට සූදානම් වේ. සාම්ප්‍රදායික group voice call සැකසීමෙන් බැහැරව, මෙම නව විශේෂාංගය බාධාවකින් තොරව පරිශීලකයින් 32 දෙනෙකු දක්වා සංවාදවලට සම්බන්ධ කරගැනීමට හැකියාව ලබා දෙයි.
කතාබහට සම්බන්ධ වීමේට ස්වයංක්‍රීය නාදයකින් ඇරයුම් කරනවා වෙනුවට, කණ්ඩායමේ සහභාගිවන්නන්ට push notification එකක් ලැබෙනු ඇත. වඩාත් පරිශීලක-හිතකාමී ආරම්භක ක්‍රියාවලියක් පිරිනමමින්, කතාබහට සම්බන්ධ වීමට ඔවුන්ට වෙහෙසකින් තොරව chat bubble මත තට්ටු කළ හැකිය.
කතාබහකට ඇතුලත්වූ පසු, සහභාගිවන්නන්ට කතාබස් අතුරුමුහුණතේ ඉහලින් ඇමතුම් පාලනය වෙත පහසුවෙන් ප්‍රවේශ විය හැක. මෙහිදී සමූහ කතාබහ සිදුවන අතරතුර එකවර කෙටි පණිවිඩ යැවීමට සහ ලැබීමට ඇති හැකියාවට බාධා නොකර ඔවුන්ගේ ඇමතුම් කළමනාකරණය කළ හැකි බව සහතික කරයි.
එපමනක් නොව, පරිශීලකයන්ගේ පුද්ගලිකත්වය සඳහා WhatsApp හි කැපවීමට අනුකූලව, මෙම කතාබස් දෙඅන්ත සංකේතනයෙන් (end-to-end encrypted) සුරක්ෂිත කර ඇති අතර, සහභාගිවන්නන් 32 දෙනා සඳහා ආරක්ෂිත සන්නිවේදන පරිසරයක් ලබාදෙයි.
iOS සහ Android යන වේදිකා දෙක සඳහාම, මෙම විශේෂාංගයේ එළිදැක්වීම ඉක්මනින් පැමිණෙනු ඇත. WhatsApp භාවිතා කරන්නන් සඳහා ප්‍රශස්ත සහ විනෝදජනක කණ්ඩායම් සන්නිවේදන පරිසරයක් මෙම විශේෂාංගය තුලින් ලබා දෙයි. සමූහ සන්නිවේදනයේ සමස්ත ගුණාත්මක භාවය වැඩි දියුණු කරමින්, එය ගෝලීය පරිශීලක ප්‍රජාව සඳහා වඩාත් ප්‍රවේශ විය හැකි, පරිශීලක-හිතකාමී සහ ආරක්ෂිත පරිසරයක් බිහිකරයි.
Meta හි ප්‍රධාන විධායක නිලධාරී Mark Zuckerberg, WhatsApp හි කැපී පෙනෙන වර්ධනයක් වාර්තා කල අතර වසරින් වසර සැලකිය යුතු 53% ක වර්ධනයක් සනිටුහන් කරමින් තුන්වන කාර්තුව සඳහා ආදායම ඩොලර් මිලියන 293 දක්වා ළඟාවී ඇති බව හෙලිකලේය
WhatsApp සඳහා, ලොව පුරා මාසිකව සක්‍රීය පරිශීලකයින් බිලියන 2 කට අධික සංඛ්‍යාවක් සිටින අතර, වඩාත් බහුලව භාවිතා වන ජංගම පණිවිඩකරණ වේදිකා අතර එහි ස්ථානය සුරක්ෂිත කරයි.
