ආරක්ෂක අමාත්‍යාංශයේ ඒකාබද්ධ මෙහෙයුම් විධානය ‘Gallant Knight 3’ මානුෂීය මෙහෙයුමේ කොටසක් ලෙස ගාසා තීරයේ රෆාහි ලවණ ඉවත් කිරීමේ බලාගාර තුනක් ඉදිකිරීමට බලාපොරොත්තු වන බව නිවේදනය කොට තිබෙනවා.
එක්සත් අරාබි එමීර් රාජ්‍යයේ ජනාධිපති අතිගරු ෂෙයික් මොහොමඩ් බින් සයීඩ් අල් නයාන්ගේ උපදෙස් අනුගමනය කරමින්, ‘Gallant Knight 3’ මානුෂීය මෙහෙයුම මගින් පලස්තීන ජනතාවට සහයෝගය ලබා දීම මෙහි අරමුණ වෙනවා.
සෑම බලාගාරයකම නිෂ්පාදන ධාරිතාව දිනකට ගැලුම් 200,000 ක් වන අතර බලාගාර 3 මගින් ගැලුම් 600,000 ක් නිපදවෙන අතර දිනකට පුද්ගලයින් 300,000 ට ප්‍රතිලාභ ලැබෙනු ඇති.
මෙම මුලපිරීම මගින් සංකේතවත් කරන්නේ එක්සත් අරාබි එමීර් රාජ්‍යයේ ස්ථාවරය වන පලස්තීනයේ සහෝදර ජනතාවට විශේෂයෙන් ඔවුන් මුහුණ දෙන අභියෝගාත්මක තත්ත්වයන් වලදී සහයෝගය සහ සහයෝගීතාවය දැක්වීමයි.
ගාසා තීරයේ පලස්තීන ජනතාවට මානුෂීය ආධාර සැපයීම සඳහා එමිරේට්ස් රෙඩ් ක්‍රෙසන්ට් සමග කලීෆා බින් සයිඩ් අල් නයාන් පදනම, සයිඩ් මානුෂීය පුණ්‍යායතන පදනම සහ අනෙකුත් එක්සත් අරාබි එමීර් රාජ්‍යයේ ආයතන වල සහයෝගයෙන් සහ සම්බන්ධීකරණයෙන් ආරක්ෂක අමාත්‍යාංශයේ ඒකාබද්ධ මෙහෙයුම් විධානයේ නායකත්වය යටතේ ‘Gallant Knight 3’ මානුෂීය මෙහෙයුම නොවැම්බර් 05 වන දින දියත් කරන ලදි.
මෙම මුලපිරීම මගින් සෞඛ්‍ය හා නිවාරණ අමාත්‍යාංශයේ සහ අබුඩාබි සෞඛ්‍ය දෙපාර්තමේන්තුවේ ලියාපදිංචි වෛද්‍යවරුන්ට සහ එමිරේට්ස් රෙඩ් ක්‍රෙසන්ට් සහ එක්සත් අරාබි එමීර් රාජ්‍යයේ අනෙකුත් මානුෂීය සහ පුණ්‍ය ආයතනවල ලියාපදිංචි වූ ස්වේච්ඡා සේවකයන් සඳහා ස්වේච්ඡා සේවාවන් සැපයීමට අවස්ථාව ලබා දෙනවා.
