එක්සත් අරාබි එමීර් රාජ්‍යයේ සුරතලුන්ගේ කුලී රථ සඳහා ඇති ඉල්ලුම වර්ධනය වෙමින් පවතින අතර, කලාපයේ වැඩිවන ජනගහන වර්ධනය මෙන්ම සුරතල් සත්ව ප්‍රජාවේ ව්‍යාප්තියත් සතුන්ගේ හිමිකාරිත්වය සහ ඒ හා සම්භන්ධ ආයතන වැඩි වීමත් සිදුවී ඇති බව, සුරතලුන්ගේ කුලී රථ ආරම්භක Chauf-fur හි සම-නිර්මාතෘ නාදර් මුර්සි මාධ්‍ය වෙත පැවසීය.
මුර්සි පවසන පරිදි, පශු වෛද්‍යවරුන් වෙත සහ දිවා සුරැකුම් මධ්‍යස්ථාන වෙත යාමට මෙන්ම වෙනත් විනෝදාත්මක සංචාර වැනි අවශ්‍යතා සපුරාලන සුරතලුන්ගේ කුලී රථ, ශීත ඍතුවේදී එහි ඉල්ලුම ඉහළ යනු ඇත.
“එක්සත් අරාබි එමීර් රාජ්‍යයේ සුරතලුන්ගේ කුලී රථ සඳහා ඇති ඉල්ලුම සම්බන්ධයෙන් ගත් කල, සවාරි ප්‍රධාන කාණ්ඩ දෙකක් ඇත. පළමුවැන්න යටතේ පශු වෛද්‍යවරුන් වෙත යාම, ගුවන් තොටුපළ වෙත යාම සහ දිවා සුරැකුම් මධ්‍යස්ථාන වෙත ගෙන යාම සහ ගෙනඒම වැනි කෙටිකාලීන හදිසි අවශ්‍යතා ඇතුළත්වෙන අතර දෙවන වර්ගය යටතේ විනෝදාත්මක සංචාර ඇතුලත් වන බව එක්සත් අරාබි එමීර් රාජ්‍යයේ වර්ධනය වන සුරතල්-හිතකාමී භූ දර්ශනය පිළිබිඹු කරයි. නොවැම්බර් සිට මාර්තු දක්වා ශීත මාසවලදී, විනෝදාත්මක සංචාරවල වැඩිවීමක් හේතුවෙන් සුරතලුන්ගේ කුලී රථ සඳහා ඇති ඉල්ලුමේ කැපී පෙනෙන ඉහළ යාමක් පවතී.”
කෙසේ වෙතත් ගිම්හානයේදී, විනෝදාත්මක සංචාර අඩු විය හැකි නමුත්, ඉල්ලුම සාපේක්ෂ වශයෙන් ස්ථාවරව පවතින බව මුර්සි පැවසීය.
Globalpetindustry.com හි වාර්තාවකට අනුව, COVID-19 වසංගතය තුළ එක්සත් අරාබි එමීර් රාජ්‍යයේ සුරතලුන්ගේ හිමිකාරිත්වය 30% කින් වැඩි වී ඇති අතර එහි වටිනාකම දැනට ඩොලර් මිලියන 300 ක් වන අතර එය 2025 වන විට ඩොලර් බිලියන 2 දක්වා ළඟා වනු ඇතැයි අපේක්ෂා කෙරේ.
වාර්තාවේ දත්ත පෙන්වා දුන්නේ එක්සත් අරාබි එමීර් රාජ්‍යයේ සුරතල් සත්ව හිමිකාරිත්වය මිලියන 1.5ක් සහ සුරතල් සතුන්, ප්‍රධාන වශයෙන් බල්ලන් සහ බළලුන්, මිලියන 2කට අධික ප්‍රමාණයක් සිටින බවයි. තරුණ අවිවාහකයන් සහ ජ්‍යෙෂ්ඨයන් අතර සුරතල් සත්ව හිමිකාරිත්වය වැඩි වීමත් සමඟ සුරතල් සත්කාර කර්මාන්තයේ වර්ධනය වේගවත් කරයි.
මෙම දත්ත අනුව, මුර්සි පැහැදිලි කළේ, බොහෝ දෙනෙක් දිවා සුරැකුම් ස්ථාන මධ්‍යස්ථාන වෙත යාම සඳහා සමාගමේ සේවාවන් මත රඳා පවතින බැවින් උපරිම ඉල්ලුම, පාසල් වේලාවන් සහ රාජකාරි වේලාවන් සමග සමපාත වන බවයි.
එක්සත් අරාබි එමීර් රාජ්‍යය පුරා සුරතල් ප්‍රවාහන සේවා සඳහා වැඩිම ඉල්ලුමක් ඇත්තේ ඩුබායි සහ අබුඩාබි වෙතයි. සැලකිය යුතු සුරතල් හිතකාමී ස්ථාන ඇති ඩුබායි තුළ ඉල්ලුම ඉහළම මට්ටමක පවතී. ඩුබායිහි, විවිධ ප්‍රදේශවලින් ඉල්ලුම පැන නගින නමුත් ග්‍රීන්ස්, ජුමෙයිරා ලේක්ස් ටවර්ස්, ස්ප්‍රින්ග්ස් සහ Dubai Production City වැනි ස්ථානවල වසර පුරා ඉල්ලුම අඛණ්ඩව ඉහළ මට්ටමක පවතී.
එක්සත් අරාබි එමීර් රාජ්‍යයේ සුරතල් සතුන් නැවත ස්ථානගත කිරීමේ අංශය වේගයෙන් වර්ධනය වේ. එක්සත් අරාබි එමීර් රාජ්‍යයේ සුරතල් සත්ව වෙළඳපොලේ වේගයෙන්ම වර්ධනය වන අංශයක් වන්නේ සුරතල් සතුන් නැවත ස්ථානගත කිරීමේ කර්මාන්තය බව Chauf-fur හි හසන් පැහැදිලි කළේය.
ඔහුට අනුව, රට තුළට සුනඛයන් සහ බළලුන් ආනයනය කිරීම අඛණ්ඩව ඉහළ ගොස් ඇති අතර විශේෂයෙන් ඩුබායි සහ අබුඩාබි වැනි ප්‍රධාන විදේශ ගමනාන්තයන්හි එය ප්‍රමුඛව දැකිය හැකියි.
“සුරතලුන්ගේ කුලී රථ සමාගමක් ලෙස, අපි ගුවන් තොටුපළ සවාරි සඳහා ඉහළ ඉල්ලුමක් නිරීක්ෂණය කළ අතර, ගනුදෙනුකරුවන් නිතරම විශ්වාසනීය නැවත ස්ථානගත කිරීමේ සමාගම් සඳහා අපගේ නිර්දේශ ලබා ගත්හ. විශේෂයෙන්, අබුඩාබි හි ජාතික ගුවන් සේවය වන Etihad, එහි ප්‍රතිපත්ති සංශෝධනය කර බල්ලන්ට මැදිරිය තුළ ගමන් කිරීමට ඉඩ දීම ආරම්භ කළේය” මෙම පිළිගැනීමට ලක්වූ ප්‍රතිපත්ති මාරුව, සුරතල් සත්ව ප්‍රවාහනයේ වෙනස්වන භූ දර්ශනය පිළිබිඹු කරන අතර සුරතල් හිමියන්ගේ අවශ්‍යතා සපුරාලීමේ වැඩෙන වැදගත්කම ඉස්මතු කරයි,” ඔහු පැවසීය.
