Flying Whales, අධික බර ප්‍රවාහනය සඳහා දෘඩ ගුවන් යානා තාක්ෂණය පිළිබඳ විශේෂඥතාවයක් ඇති ප්‍රංශ සමාගමක් වන අතර ඔවුන් එක්සත් අරාබි එමීර් රාජ්‍යයේ නිෂ්පාදන මධ්‍යස්ථානයක් පිහිටුවීමට සැලසුම් කොට තිබෙනවා. මෙම උපායමාර්ගික පියවර මගින් එහි හවුල්කරුවන් සමග සහයෝගයෙන් රැකියා අවස්ථා දහසක් පමණ නිර්මාණය කිරීමට අපේක්ෂා කරනවා.
Whales (තල්මසුන්) ලෙස හඳුන්වන මෙම ගුවන් යානාව සම්පූර්ණයෙන්ම විදුලියෙක් ක්‍රියාත්මක වන අතර පරිසරයට කාබන් විමෝචනයක් සිදුනොවීම විශේෂත්වයක් වන අතර යුරෝපා සංගමයේ ගුවන් සේවා ආරක්ෂණ ඒජන්සිය (EASA) සහ එක්සත් ජනපද ෆෙඩරල් ගුවන් සේවා අධිකාරිය (FAA) විසින් සහතික කිරීමට නියමිතය. හෙලිකොප්ටර් යානාවලට සමානව ක්‍රියාත්මක වන මෙම ගුවන් යානාවලට ජංගම රෝහල් වැනි අධික බරක් දුරස්ථ ස්ථාන වෙත ප්‍රවාහනය කිරීමේ හැකියාව ඇත.
අබුඩාබිහි නිෂ්පාදන පහසුකම්:
Flying Whales හි සභාපති සහ ප්‍රධාන විධායක නිලධාරී Sébastien Bougon, අබුඩාබිහි අවසාන එකලස් කිරීමේ අංගනයක් පිහිටුවීමට සමාගමේ කැමැත්ත ප්‍රකාශ කළේය. මෙම පහසුකම නැගෙනහිර අප්‍රිකාව, මැදපෙරදිග සහ ඉන්දියාව දක්වා විහිදෙන කලාප සඳහා ගුවන් යානා නිෂ්පාදනය කිරීම අරමුණු කරයි. මේ පිළිබඳව සාකච්ඡා ආරම්භ කර ඇති අතර, පහසුකම ස්ථාපිත කිරීමෙන් අනතුරුව, සෘජු රැකියා 300 ක් උත්පාදනය කරමින් 2027 දී සිය නිෂ්පාදන ආරම්භ කිරීමට අපේක්ෂා කෙරේ. මීට අමතරව, මෙයට සම්බන්ධ අනෙකුත් සමාගම්ද රැකියා උත්පාදනය සඳහා දායක වනු ඇති අතර, නව රැකියා අවස්ථා දහසක් පමණ උත්පාදනය කරනු ඇත.
LCA60T ලෙසින්ද නම් කර ඇති මෙම ගුවන් යානය තල්මසෙකුගේ හැඩයෙන් නිර්මාණය කර ඇති අතර සුළං ටර්බයින සඳහා පෙති, අධි බලැති විදුලු කුළුණු, කාර්මික කොටස්, රෝහල් සහ තවත් බොහෝ දේ රැගෙන යා හැකිය. මීටර 200ක් දිග, මීටර් 50ක විෂ්කම්භයක් සහ මීටර් 96ක් දිග භාණ්ඩ ප්‍රවාහනය කළ හැකි අතර, එය ඓතිහාසික සන්ධිස්ථානයක් සනිටුහන් කරමින් සැරිසරන ගුවන් ගමනේදී විශාල බර ටොන් 60ක් දක්වා පැටවීමට සහ බෑමට හැකිය.
Flying Whales හි අවසාන එකලස් කිරීමේ අංගන, කැනඩාව, ප්‍රංශය, UAE සහ ඔස්ට්‍රේලියාව යන ගෝලීය ස්ථාන හතරක පිහිටවනු ඇත.
Bougon කියා සිටින්නේ මෙම ගුවන් යානා වර්ගය සඳහා යන පිරිවැය වාහන සඳහා යන පිරිවැයට වඩා බෙහෙවින් අඩු වන අතර ගුවන් යානා සහ හෙලිකොප්ටර් වලට වඩා විසි ගුණයකින් පමණ අඩුය. ගොඩබිමට ගොඩබෑමේ අවශ්‍යතාවයක් නැති අතර විප්ලවීය සැලසුම් මගින් භාණ්ඩ පැටවීම සහ බෑම සිදු කරයි.
ප්‍රවාහනයේදී කාබන්ඩයොක්සයිඩ් අවම කිරීම සම්භන්ධයෙන්, ප්‍රංශ නවෝත්පාදන යටතේ, COP28 හි Flying Whales ප්‍රදර්ශනය කෙරේ.
එක්සත් ජනපදයේ සහ යුරෝපයේ නියාමන බලධාරීන් සමඟ සමීපව කටයුතු කරමින්, Flying Whales එහි ගුවන් යානා වල ආරක්ෂාව සහතික කරයි. විවිධ ගමනාන්ත වෙත ගුවන් යානා යොදවා එක්සත් අරාබි එමීර් රාජ්‍යයේ ස්ථාන 30කට සේවය කිරීමට සමාගම සැලසුම් කරයි. ශක්තිමත් හවුල්කරුවෙකු වන එමිරේට්ස්, කලාපය තුළ සිය බලපෑම ශක්තිමත් කරමින් ඉන්දියාව, අප්‍රිකාව සහ තුර්කිය යන රටවල ප්‍රවාහන මාධ්‍ය කළමනාකරණය කිරීමේදී තීරණාත්මක කාර්යභාරයක් ඉටු කරනු ඇත.
