සාජා මහ නගර සභාව පදිංචිකරුවන්ට අනතුරු ඇඟවීමක් නිකුත් කර ඇති අතර, නීතිවිරෝධී වීදි වෙළෙන්දන්ගෙන් භාණ්ඩ මිලදී නොගන්නා ලෙස ඉල්ලා සිටිමින්, මෙම නියාමනය නොකළ වෙලඳපොලවල් හා සම්බන්ධ විය හැකි සෞඛ්‍ය සහ ආරක්ෂක අවදානම් අවධාරණය කර ඇත.
නගර සභාවට අනුව, මෙම වෙළෙන්දන් බොහෝ විට ඉතා අඩු මිලට නිෂ්පාදන අලෙවි කරයි. නමුත් ඒවා බොහෝ විට ව්‍යාජ, කල් ඉකුත් වූ හෝ වෙනත් ආකාරයකින් අනාරක්ෂිත වේ. “ඔබේ ආරක්ෂාව සහ ඔබේ පවුලේ යහපැවැත්ම වෙනුවෙන් අඩු මිල ගණන්වලට පෙළඹෙන්න එපා,” යන තේමා පාඨය සහිතව නගර සභාව බ්‍රහස්පතින්දා (ඔක්තෝබර් 24) නිවේදනයක් නිකුත් කලේය. එවැනි වෙළෙන්දන්ගෙන් මිලදී ගැනීම නීතිවිරෝධී බවත්, ගැණුම්කරුට සහ විකුණුම්කරුට දඩ හෝ දඬුවම් ලැබිය හැකි බවත් නගර සභාව අවධාරණය කළේය.
සාජා බලධාරීන් නීතිවිරෝධී වීදි වෙළෙන්දන් සක්‍රීයව මර්දනය කරමින් සිටින අතර, පසුගිය වසරේ සිට ප්‍රාදේශීය වෙලඳපොලවල් 4,000 කට අධික පරීක්ෂණ පවත්වමින් සිටී. එහි ප්‍රතිඵලයක් වශයෙන්, උල්ලංඝනය කිරීම් 620 ක් වාර්තා කර ඇති අතර, ව්‍යාජ භාණ්ඩ සිය ගණනක් අත්අඩංගුවට ගෙන ඇත. වැරදිකරුවන් අත්අඩංගුවට ගෙන, භාණ්ඩ රාජසන්තක කරන ලදී.
සාජා මහ නගර සභාවේ ප්‍රකාශකයෙකු පැවසුවේ මහජන සෞඛ්‍යය ආරක්ෂා කිරීම සහ වෙළඳපල ආරක්ෂණ ප්‍රමිතීන් පවත්වා ගැනීම මෙම පරීක්ෂණවල අවධානය යොමු වී ඇති බවයි. “මෙම අයිතමයන් බොහෝ විට නිසි ආරක්ෂණ සහතික නොමැති අතර ආහාර විෂ වීමෙන් ව්‍යාජ නිෂ්පාදනවල හානිකර රසායනික නිරාවරණය දක්වා පාරිභෝගිකයින්ට බරපතල අවදානම් ඇති කළ හැකිය” යනුවෙන් නගර සභාව අනතුරු ඇඟවීය.
නිෂ්පාදන සුරක්ෂිතතාව සහ ගුණාත්මක බව සහතික කිරීම සඳහා නීත්‍යානුකූල සිල්ලර වෙළෙන්දන්ගෙන් භාණ්ඩ මිලට ගැනීමට දිරිමත් කරමින් නීති විරෝධී වීදි වෙළෙන්දන් ගැන වාර්තා කරන ලෙස මහ නගර සභාව මහජනතාවගෙන් ඉල්ලා ඇත. ආහාර, රූපලාවන්‍ය ද්‍රව්‍ය සහ ඉලෙක්ට්‍රොනික උපකරණ වැනි ද්‍රව්‍යවල අසාමාන්‍ය ලෙස අඩු මිලකට මුහුණ දීමේදී ප්‍රවේශම් වන ලෙස පාරිභෝගිකයින්ට උපදෙස් දෙනු ලැබේ.
