තැප්‍රෝබේන් events මූලිකත්වයෙන්, නිර්මාණ Cargo සමාදර අනුග්‍රහකත්වය සමඟ සාඩම්බරයෙන් ඉදිරිපත් කරන “අපේ ගම ” නොවැම්බර් 10 වන දා, ඩුබායි Zabeel Park ක්‍රීඩාංගනයේදී පැවැත් වේ. උදෑසන 10.00 සිට මධ්‍යම රැය දක්වා පැවැත්වෙන “අපේ ගම” ශ්‍රී ලාංකේය උරුමයන් සහ කලාවන් ජාත්‍යන්තරයට රැගෙන යන සුවිශේෂි ඉසව්වකි. අපේ දේශීය ආහාර පාන සමඟ ලාංකේය උරුමයන් දෙස් විදෙස් ජනතාව සමඟ බෙදා ගැනීමට විවිධ ක්‍රියාකාරකම් රැසක් සමඟ කදිම අවස්ථාවක් මෙදින හිමි වේ.
විවිධ කලා අංග රැසක් සමඟ දිවයිනේ ජනප්‍රිය ගී තරු රැසක්ද එදින සවස 6.00 සිට ඔබ වෙනුවෙන් ගීතවත් වීමට නියමිතය. චාමර වීරසිංහ, දිනේශ් ගමගේ, කයිසර් කයිස්, සරිත් සහ සුරිත්, ශෙහානි කහඳවල සමඟ News සංගීත කණ්ඩායම ගීතයෙන් ඔබ කුල්මත් කරන්නට සූදානම් ය.
සවස 3.00 සිට DJ Arixx සමඟ “බයිස්කෝප් හැන්දෑවෙන්” ඔබ ප්‍රිය කරන සිනමා ගී රස විඳීමට අවස්ථාව උදා කර ඇත. දිවයිනේ ජනප්‍රියතම ප්‍රසංග වේදිකා සම්ප්‍රවේශක මෝක්ෂ ප්‍රසාද් එදින රාත්‍රිය නිවේදනයෙන් හැඩ ගැන්වීමට එක් වෙයි. ශ්‍රී ලාංකේය ආහාර දවස පුරා රස විඳින්න අවස්ථාව සමඟ ළමුන් වෙනුවෙන්ම නිර්මාණය වූ ක්‍රීඩා කලාප, ඇස් පරික්ෂා කිරීමේ කඳවුරු ඇතුළු වෙනත් මාර්ගෝපදේශ සේවා සමඟ අලෙවි කුටි රැසක් ඔබ වෙනුවෙන් විවෘත වනු ඇත.
සාමාන්‍ය ප්‍රවේශපත් මිල – ඩිරාම් 80,
VIP ප්‍රවේශපත් මිල – ඩිරාම් 150
වැඩිදුර තොරතුරු සඳහා විමසීම්
සුමේධ – 054 – 3343364
