ජාත්‍යන්තර මුල්‍ය අරමුදල සමග වන එකතාවන් මත ජාත්‍යන්තර ණය හිමියන් සමග නැවත ණය තිරසර විශ්ලේෂණයකට (DSA) නොයන බව ජනාධිපති අනුර දිසානායක මහතා සඳහන් කරයි.
එසේ ගියහොත් අවුරුදු එක හමාරක් පමණ කාලයක් ගතවනු ඇති බවත් පවතින තත්ත්වය යටතේ එය දරා ගැනීමට නොහැකි වනු ඇති බවත් හෙතෙම කියා සිටියේය.
එසේ කටයුතු කර දෙසැම්බර් මාසය පමණ විට මෙරට ණය ප්‍රතිව්‍යුහගත කිරීමේ ක්‍රියාවලිය අවසන් කිරීමට බලාපොරොත්තු වන බවත් පැවසූ ඔහු ඉන් අනතුරුව ජාත්‍යන්තර ස්වෛරී බැඳුම්කර හිමියන්ට නැවත බැඳුම්කර නිකුත් කිරීමට හැකි බව බවත් සඳහන් කරයි.
ණය තිරසාර විශ්ලේෂණය යනු මධ්‍ය කාලීන හා දිගු කාලීනව තම ණය වගකීම් කළමනාකරණය කිරීමට රටකට ඇති හැකියාව තක්සේරු කිරීමට භාවිතා කරන රාමුවකි.
ජාත්‍යන්තර මූල්‍ය අරමුදල මෙම විශ්ලේෂණ සිදු කරනුයේ ණය ගැනීම පිළිබඳව දැනුවත් තීරණ ගැනීමට සහ ඔවුන්ගේ ආර්ථික ස්ථාවරත්වයට ඇති විය හැකි අවදානම් හඳුනා ගැනීමට උපකාර කිරීම සඳහා ය.
