අත්‍යවශ්‍ය භාණ්ඩ කිහිපයක මිල මේ සතිය තුළ අඩු කිරීමට රජය තීරණය කළ බවත් ඒ සඳහා ආනයනකරුවන් සහ නිෂ්පාදකයන් ගෙන්වා ඊයේ (දෙසැ. 24) සාකච්ඡා කළ බව ද වෙළෙඳ, වාණිජ, ආහාර සුරක්ෂිතතා අමාත්‍ය වසන්ත සමරසිංහ පැවසීය.
ඒ අනුව, ටින් මාළු සඳහා මේ සතියේ පාලන මිලක් නියම කිරීමට සූදානම් බව ද ඔහු කියා සිටියේය.
මේ වන විටද වෙළෙඳපළෙහි ටින් මාළු ග්‍රෑම් 425 රුපියල් 490ක මිල පැවැතියත් එය රුපියල් තුන්සිය ගණනකට විකිණීමට දේශීය නිෂ්පාදකයන් කටයුතු කරන බව පෙන්වා දුන් අමාත්‍යවරයා සඳහන් කළේ ආනයනික ටින් මාළු ග්‍රෑම් 425 රුපියල් 370ක තොග මිලට අලෙවි වන විට දේශීය ටින් මාළු නිෂ්පාදකයන් ග්‍රෑම් 425 රුපියල් 370ක සිල්ලරට මිලට අලෙවි කරමින් සිටින බව ය.
ඒ අනුව, මේ සතිය තුළ ටින් මාළු සඳහා පාලන මිලක් නියම කරන බව ත් සහල් ආනයනයට ලබන 10 වන දා තෙක් අවසර දී ඇති බව ඔහු සඳහන් කළේය.
