සංචාරක ශ්‍රී ලංකා කණ්ඩායම සහ නවසීලන්ත කණ්ඩායම අතර තරග 3කින් සමන්විත විස්සයි20 ක්‍රිකට් තරගාවලියේ පළමු තරගය අද (28) පැවැත් වේ.
මෙම තරගය ශ්‍රී ලංකා වේලාවෙන් පෙ.ව. 11.45ට නවසීලන්තයේ මවුන්ට් මවුන්ගනුයි හි බේ ඕවල් ක්‍රීඩාංගනයේදී ආරම්භවීමට නියමිතය.
ශ්‍රී ලංකාව සහ නවසීලන්තය අතර මේ වනවිට විස්සයි විස්ස තරග 25ක් ක්‍රීඩා කර ඇති අතර ඉන් 14ක්ම ජය ලබාගෙන ඇත්තේ නවසීලන්ත කණ්ඩායමයි.
මේ අතර අද තරගයට අදාළ සියලු ප්‍රවේශපත් අලෙවී අවසන් බව නවසීලන්ත ක්‍රිකට් ආයතනය පවසයි.
