රථවාහන රාජකාරියේ යෙදෙන ඇතැම් නිලධාරීන්ට විවිධ පුද්ගලයන් විසින් චෝදනා එල්ල කරන බවත් නිළධාරීන්ගේ නිල ඇඳුම්වල කැමරා පැළඳ සිටීමෙන් එම චෝදනාවල සත්‍ය අසත්‍යතාව තහවුරු කරගත හැකි බවත් රථ වාහන පොලීසිය පවසයි.
පොලිස් නිල ඇඳුමට සවි කිරීමට නියමිත එක් කැමරාවක් සඳහා රුපියල් ලක්ෂ එකහමාරක පමණ මුදලක් වැය වන බව සඳහන් වේ.
මෙම කැමරා 5,000 චීනයෙන් ඇණවුම් කිරීමට බලාපොරොත්තු වන බව රථවාහන පාලනය හා මාර්ග ආරක්ෂාව භාර නියෝජ්‍ය පොලිස්පති ඉන්දික හපුගොඩ සඳහන් සඳහන් කළේය.
මාර්ග ආරක්ෂාව වැඩිදියුණු කිරීම සහ අනතුරු අවම කිරීම සඳහා තවත් ලේසර් කිරණ සහිත අධිවේග මාපක සංඛ්‍යාවක් ඉදිරියේදී ඇමරිකා එක්සත් ජනපදයෙන් ඇණවුම් කිරීමටද ශ්‍රී ලංකා පොලීසිය බලාපොරොත්තු වන බව වාර්තා වේ.
