Dubai Fountain Show 2025 වසරෙන් වැඩි කාලයක් වසා දැමීමට නියමිත බව Emaar සමාගම නිවේදනය කර ඇත.
ලොව විශාලතම විනෝදාත්මක වතුර මල වන මෙය එහි අවසන් ප්‍රදර්ශනය අප්‍රේල් 19 වන සෙනසුරාදා පැවැත්වීමට සූදානම් වේ. මීට පෙර සැලසුම් කර තිබුනේ Dubai Fountain Show මැයි මාසයේදී අවසන් කිරීමටය.
මෙම අවසාන ප්‍රදර්ශනයෙන් පසු Dubai Fountain පුළුල් සංවර්ධනයකට භාජනය වන අතර, ඒ සඳහා වසරේ වැඩි කාලයක් ගතවනු ඇත.
Emaar හි හිමිකරුවන් විසින් කලින් නිකුත් කරන ලද නිවේදනයකින් පවසා ඇත්තේ ප්‍රතිසංස්කරණය කිරීමට මාස පහක් ගතවනු ඇති බවය. නමුත් මෙසේ කලින් වසා දැමීමෙන් ඒ සඳහා තවත් වැඩි කාලයක් සංවර්ධන කටයුතු සඳහා ගතවනවාද යන්න නිශ්චිත නොවේ.
Dubai Foundation Show සෑම මිනිත්තු 30 කට වරක්ම දිනපතා සවස බර්ජ් කලීෆා ඉදිරිපිට පැවැත්වෙන අතර එය ඩුබායි shopping mall සිට දැක ගත හැකිය. වසර ගණනාවක් පුරා Dubai Fountain, එහි ජල රිද්මයන්, සංගීතය සහ විවිධ ප්‍රසංගවලින් මිලියන සංඛ්‍යාත නරඹන්නන් ආකර්ෂණය කරගනිමින්, Down town Dubai වෙත විශේෂ වටිනාකමක් ගෙන එයි.
ප්‍රකාශයක් නිකුත් කරමින්, Emaar සහතික කළේ ඔවුන් සුවිශේෂී අත්දැකීම් ලබා දීමට කැපවී සිටින බවත්, එය නැවත පැමිණීමෙන් පසු ඊටත් වඩා දර්ශනීය සංදර්ශනයක් එළිදැක්වීමට සූදානම් වන බවත්ය.
