සාජා නගරයේ මිල අඩු තට්ටු නිවාස සඳහා ඇති ඉල්ලුම ඉහළ ගොස් ඇති බැවින් නව කුලී නිවැසියන්ට වැඩි කුලී ගෙවීමට සිදුවී තිබෙනවා.
මෙම වසර මුලදී වසරක් සදහා ඩිරාම්18,000 සිට ඩිරාම් 20,000 දක්වා පිරිනැමූ එක් නිදන කාමරයක් සහිත නිවාස ඒකක දැන් ඩිරාම් 22,000 සිට ඩිරාම් 24,000 දක්වා ඉහල ගොස් තිබෙනවා.
දේපල වෙළදාම් ආයතනයක් වන අන්සාර් රියල් එස්ටේට් වාර්තා කලේ නිවාස ඒකක 700කට අධික සංඛ්‍යාවකින් සමන්විත කුළුණු හතරක, වසර ආරම්භ වන විට මහල් නිවාස 70කට ආසන්න ප්‍රමාණයක් හිස්ව තිබූ බවත් – නමුත් ඒවා පසුගිය සති කිහිපය තුළ ඉක්මනින් වෙන් කරවා ගෙන ඇති බවයි.
දේපල වෙළදාම් නියෝජිතයින්ට අනුව, වඩාත් දැරිය හැකි මහල් නිවාස වෙත යාමට බහුතරයක් පදිංචිකරුවන් අපේක්ෂා කරන අතර, සාජාහි වසරේ පළමු භාගයට සාපේක්ෂව මේ වන විට අවම වශයෙන් 15% කින් මිල ඉහලගොස් තිබෙනවා.
ඩුබායි නගරයට ආසන්න ම නගර වන අල් නාදා, මුවෙයිලා, අල් තාවූන් වැනි ප්‍රදේශයන්හි තට්ටු නිවාස සඳහා ඇති ඉල්ලුම ඉතා විශාල ලෙස ඉහළ ගොස් ඇති බව වාර්තා වෙනවා.
පළමු කාර්තුවේදී ඩිරාම් 24,000 කට ලබා ගත හැකිව තිබූ අල් නාදා හි නිදන කාමර දෙකක මහල් නිවාසයක් දැන් ඩිරාම් 30,000 දක්වා ඉහලගොස් තිබෙනවා.
දේපල වෙළදාම් නියෝජිතයින් පවසන්නේ “කොවිඩ් වසංගතයෙන් පසු, බොහෝ නිවැසියන්ගේ වැටුප්වලින් සියයට 20කට ආසන්න ප්‍රමාණයක් කප්පාදුවකට ලක් ව ඇති බවත් බහුතරයක් සාජා වෙත යාමට මෙය එක් හේතුවක් විය හැකි බවත්” ය.
අන්සාර් හෝල්ඩිංග්ස් හි නියෝජ්‍ය සාමාන්‍යාධිකාරී හමීඩ් අල් මන්සූරි තවදුරටත් මෙසේ පැවසීය: “මිනිසුන් සාජා වෙත නැවත පදිංචි වීමට සලකා බැලීමට ප්‍රධාන හේතු වන්නේ දැරිය හැකි මිල, හොඳ ජීවන තත්ත්වය, සාප්පු සංකීර්ණ සහ සාප්පු සංකීර්ණ වෙත පහසුවෙන් ප්‍රවේශවීම, අවට පාසල් සහ තවත් බොහෝ දේ ය.”
