National Bonds (ජාතික බැඳුම්කර) එක්සත් අරාබි එමීර් රාජ්‍යය පදනම් කරගත් ෂරියා-අනුකූල ඉතුරුම් සහ ආයෝජන සමාගම හඳුන්වා දෙන ස්වර්ණමය විශ්‍රාම වැටුප් සැලැස්මට ඩුබායිහි මාර්ග සහ ප්‍රවාහන අධිකාරියේ ඩුබායි ටැක්සි කෝපරේෂන් (DTC) සම්බන්ධ වූ පළමු සංවිධානය බව නිවේදනය කලා.
පසුගිය වසරේ ඔක්තෝම්බර් මාසයේදී ප්‍රථම වරට ප්‍රකාශයට පත් කරන ලද මෙම මුලපිරීම සේවකයින්ට ඔවුන්ගේ විශ්‍රාම ඉතුරුම් ආරම්භ කිරීමට උපකාරී වනු ඇති.
මෙම හවුල්කාරිත්වය සමඟින්, රියදුරන් 9,000කට වැඩි පිරිසකට ජාතික බැඳුම්කර වේදිකාව හරහා මුදල් ඉතිරි කරගැනීමට සහ සුවිශේෂී ප්‍රතිලාභ රැසක් භුක්ති විඳීමට හැකියි. ස්වර්ණමය විශ්‍රාම වැටුප් සැලැස්ම දියත් කරන ලද්දේ ජාතිකයන් සහ පදිංචිකරුවන් සඳහා මූල්‍ය සැලසුම් විසඳුම් මාලාවක් ඉහළ නැංවීම සඳහාය.
සේවකයින්ට මාසික පදනමින් ඩිරාම්100 වැනි මුදලක් දායක කර, ඉතිරි කර ඇති මුදලින් ලාභයක් උපයා ගැනීමට අවස්ථාව උදාවෙනවා. එය ඔවුන්ගේ සංවිධානය විසින් ලබා දෙන පාරිතෝෂිතයට අමතරව ලබා ගත හැකියි. මෙම යෝජනා ක්‍රමය අරමුණු කරන්නේ ආයතනවලට ඔවුන්ගේ සේවකයන් රඳවා ගැනීමේ ප්‍රයත්නයන් සඳහා සහාය වීම මෙන්ම සේවා අවසනදී ලබාගත හැකි මූල්‍ය ප්‍රතිලාභ සඳහා ඉදිරි සැලසුම් කිරීමට ඔවුන්ට උපකාර කිරීමයි.
ජාතික බැඳුම්කර ජංගම යෙදුම හරහා සේවකයින්ට ඔවුන්ගේ විශ්‍රාම වැටුප් කළඹ පරීක්ෂා කළ හැකි අතර ඔවුන්ගේ ඉතුරුම් වර්ධනය දැක ගත හැකි වෙනවා. එපමනක් නොව, ඔවුන් ජාතික බැඳුම්කරවල ඩිරාම් මිලියන 35 ක rich rewards ත්‍යාග වැඩසටහනේ කොටස් කරුවන් වන අතර දේශීය Takaful ක්‍රියාකරුවන් විසින් සපයන තකාෆුල් ජීවිත ආවරණය සඳහා ද සුදුසුකම් ලබනවා.
සේවා යෝජකයින් සහ සේවකයින්ගෙන් වැඩිවන ඉල්ලුමට අනුකූලව සංවර්ධනය කරන ලද මෙම සුවිශේෂී මුලපිරීම ජාතික බැඳුම්කරවල ලියාපදිංචි වී ඇති ආයතනවලට ඔවුන්ගේ සේවකයින්ගේ මූල්‍ය ඉලක්ක සඳහා උපකාර කිරීම අරමුණු කරයි.
ලියාපදිංචි ආයතනවල සේවකයින්ට ඔවුන්ගේ විශ්‍රාම සැලසුම්වල කොටසක් ලෙස ඔවුන්ගේ සේවා අවසන් ප්‍රතිලාභ වර්ධනය කර ගැනීමට සහ මෙම වැඩසටහන යටතේ ජාතික බැඳුම්කර මගින් පිරිනමනු ලබන ඉහළ තරඟකාරී ප්‍රතිලාභ හරහා ඔවුන්ගේ මූල්‍ය ඔරොත්තු දීමේ හැකියාව ශක්තිමත් කිරීමට මෙම යෝජනා ක්‍රමය උපකාරී වේ.
ස්වර්ණමය විශ්‍රාම වැටුප් සැලැස්ම පිළිබඳව අදහස් දක්වමින් ජාතික බැඳුම්කර සමූහයේ ප්‍රධාන විධායක නිලධාරී මොහොමඩ් කාසිම් අල් අලි පැවසුවේ “පුද්ගලයින්ගේ ස්ථාවරත්වය සහ මූල්‍ය ස්වාධීනත්වය සහතික කිරීම සඳහා විශ්‍රාම සැලසුම් කිරීම ඉතා වැදගත් වෙන බවයි. එක්සත් අරාබි එමීර් රාජ්‍යයේ දැන් මිලියන 9 ක පමණ ජනගහනයක් සිටී. අපි බලාපොරොත්තු වෙනවා. මෙම ස්මාර්ට් පළමු වර්ගයේ කාර්ය මණ්ඩල රඳවා ගැනීමේ වැඩසටහන හරහා ව්‍යාපාරවලට සහාය වන අතරම නිවැසියන්ට ඔවුන්ගේ අනාගතය සඳහා ආයෝජනය කිරීමට හැකියාව ලබා දෙන්නට.”
“එක්සත් අරාබි එමීර් රාජ්‍යය වඩාත් කැමති රැකියා සපයන රට බවට පත්කිරීමේ නායකත්වයේ දැක්මට අනුකූලව, මෙම යෝජනා ක්‍රමයෙන් සමාගම්වලට තම සේවකයන්ගේ සේවා අවසන් අරමුදල් ආයෝජනය කිරීමට හැකියාව ලබා දෙන අතර එමඟින් ඔවුන්ගේ පාරිතෝෂිත දීමනා මත අමතර ප්‍රතිලාභවලින් ඉහල ප්‍රතිලාභ ලබා ගත හැකියි – බොහෝ සමාගම් එසේ නොකරයි. මෙය සමුච්චිත අරමුදල් ලෙස ආයෝජනය නොකිරීම නිසා අවසානයේ සේවකයන්ට මෙම ප්‍රතිලාභ අහිමි වේ. මේ රටේ දූරදර්ශී නායකත්වය සෑම විටම මිනිසුන් ආරක්ෂා කිරීමට සහ හැකියාව ලබා දීමට තම උපරිමය ලබා දී ඇත. අපේ අරමුණ වන්නේ ජාතියක් ගොඩනැගීමේදී ඔවුන්ගේ දැක්මට දායක වීමයි. අනාගතයේදී, සියලුම පුරවැසියන් සහ පදිංචිකරුවන් මූල්‍යමය වශයෙන් සවිබල ගැන්වෙනු ඇත.
DTC හි ප්‍රධාන විධායක නිලධාරී මන්සූර් රහ්මා අල් ෆලාසි මෙසේ පැවසුවා “රන් විශ්‍රාම වැටුප් සැලැස්මට සම්බන්ධ වූ පළමු සංවිධානය වීම ගැන අපි ආඩම්බර වෙමු. මෙම වැඩසටහන හරහා සංස්ථාව තම රියදුරන්ට ගුණාත්මක සේවාවක් ලබා දීමට උත්සාහ කරන අතර එය අපගේ ජනතාවගේ සතුටේ උපායමාර්ගික අරමුණු සාක්ෂාත් කර ගැනීමට දායක වෙනවා.”
