බලපත්‍රයකින් තොරව පරිත්‍යාග එකතු කිරීම ප්‍රවර්ධනය කිරීම සඳහා වෙබ් අඩවියක් සහ වෙනත් තොරතුරු තාක්ෂණ හෝ විද්‍යුත් මාධ්‍යයක් කළමනාකරණය කරන බව සොයා ගන්නා ඕනෑම අයෙකු දඬුවම්වලට මුහුණ දිය යුතුය.
නිසි බලපත්‍රයක් නොමැතිව අරමුදල් රැස් කිරීම සහ පරිත්‍යාග ලබා ගැනීම එක්සත් අරාබි එමීර් රාජ්‍යයේ නීති විරෝධීය. පුණ්‍ය ආයතන, ෆෙඩරල් සහ පළාත් පාලන ආයතන සහ ලාභ නොලබන සංගම්වලට අරමුදල් රැස්කළ හැක්කේ ප්‍රජාසංවර්ධන අමාත්‍යාංශයෙන් අවසර ලබාගැනීමෙන් පසුව පමණි.
මේ සම්භන්ධව සමාජ මාධ්‍ය ඔස්සේ නීති බලධාරීන් අනතුරු අඟවා තිබුනේ, එක්සත් අරාබි එමීර් රාජ්‍යයේ වෙසෙන පුද්ගලයින්ට බලපත්‍රයක් නොමැතිව අරමුදල් රැස් කිරීම වෙනුවෙන් පෙනී සිටීමෙන් හෝ ප්‍රවර්ධනය කිරීමෙන් වළකින ලෙසයි. වරදකරු බව ඔප්පු වුවහොත්, විත්තිකරුව සිරගත කළ හැකි අතර ඩිරාම් 200,000 ට නොඅඩු ඩිරාම් 500,000 නොඉක්මවන දඩයක් හෝ දඬුවම් දෙකෙන් එකකට මුහුණ දිය යුතුයක.
අදාළ ආයතනවලින් අවසරයකින් තොරව පරිත්‍යාග එකතු කිරීම ප්‍රවර්ධනය කිරීම සඳහා වෙබ් අඩවියක් සහ වෙනත් තොරතුරු තාක්ෂණ හෝ විද්‍යුත් ක්‍රම කළමනාකරණය කිරීම සම්බන්ධයෙන් වරදකරු වූ ඕනෑම අයෙකුට දඩ සහ/හෝ සිරගත කළ හැකියි.
කටකතා හෝ සයිබර් අපරාධවලට එරෙහිව සටන් කිරීම පිළිබඳ 2021 අංක 34 දරන ෆෙඩරල් ආඥා පනතේ 46 වැනි වගන්තියට අනුව නම් කරන ලද බලධාරීන්ගේ අනුමැතියකින් තොරව අරමුදල් රැස් කිරීම සඳහා කිසිදු ආකාරය හෝ වෙළඳ දැන්වීම් පළ කිරීමට, විකාශනය කිරීමට හෝ ප්‍රවර්ධනය කිරීමට බලපත්‍රලාභී ආයතනවලට අවසර නැත.
