ඩුබායි හි පදිංචිය සහ විදේශික කටයුතු පිළිබඳ සාමාන්‍ය අධ්‍යක්ෂ මණ්ඩලය (GDRFA) විසින් ජනතාවට ඔවුන්ගේ වීසා සම්බන්ධ ගැටළු සඳහා උපකාර කිරීමේ ප්‍රචාරක ව්‍යාපාරයේ පළමු අදියර අවසන් කොට තිබෙනවා.
ප්‍රචාරක ව්‍යාපාරයේ පළමු අදියර අවසන් කිරීමත් සමග සෙනසුරාදා උදෑසන සිටි සෙන්ටර් ඩෙයිරා හි විවෘත කරන ලද GDRFA කුටිය දැන් වසා ඇති අතර දෙවන අදියර ක්‍රියාත්මක කරන දිනය හා ස්ථානය ඉදිරියේදී දැනුම් දීමට නියමිතයි.
මෙය දැනුවත් කිරීමේ ව්‍යාපාරයක් පමණි පොදු සමාවක් නොවේ
වීසා සම්බන්ධ ගැටළු සඳහා උපකාර ලබාදීමට GDRFA විසින් සිටි සෙන්ටර් ඩෙයිරා හි ස්ථාපනය කල කුටිය වෙත ජනතාව විශාල වශයෙන් පැමිණ සිටියා. ඇතැමෙක් උදේ 7ටත් පෙර සිටම පැමිණ සිටියේ ඔවුන් කාලය ඉක්මවා රැඳී සිටීමේ තත්ත්වය හෝ කල් ඉකුත් වූ ලේඛන යාවත්කාලීන කරන්නේ කෙසේද යන්න පිළිබඳ මග පෙන්වීමක් ලබා ගැනීමයි.
මෙම ව්‍යාපාරය පොදු සමාවක් නොවන බවත්, වීසා සම්බන්ධ ගැටළු වලදී ඔවුන්ට අනුගමනය කළ හැකි නීතිමය විකල්ප මොනවාද යන්න පිළිබඳව ජනතාව දැනුවත් කිරීම සඳහා වන සාමාන්‍ය දැනුවත් කිරීමේ මෙහෙයුමක් බවත් ඔවුන් වැඩිදුරටත් නිවේදනය කොට තිබුණා.
Pinas Travel හි අධ්‍යක්ෂක පිලිපීන ජාතික ජෙෆ්රි සලාටන් පැවසූයේ “මෙම ව්‍යාපාරය වීසා නොමැතිව රැඳී සිටින විදේශිකයන් දැනුවත් කිරීම සඳහා පවත්වන්නක් පමණක් නොව, වීසා ගැටලුවලට මුහුණ දෙන අයගේ චිත්ත ධෛර්ය ඉහළ නැංවිය හැකි මානුෂීය ක්‍රියාවක් ද වෙනවා. එවැනි ව්‍යාපාරයක් ක්‍රියාත්මක කිරීම රජය විසින් කරන ලද විශිෂ්ට මුලපිරීමක්” වන බවයි.
සෙනසුරාදා සිටි සෙන්ටර් ඩෙයිරා හි පිහිටි GDRFA වෙත ගිය ඉන්දියානු ජාතික කාන්තාවක් පැවසුවේ ඇය සහ ඇගේ ජාතිකයන් මෙහි පැමිණියේ “ඔවුන් මුහුණදී සිටින තත්වය පිළිබඳව වඩා හොඳ අවබෝධයක් ලබා ගැනීමට මෙන්ම ඔවුන්ගේ කනස්සල්ල විසඳීමට ගත යුතු ඊළඟ පියවර පිළිබඳව පැහැදිලි කිරීම් සහ මග පෙන්වීමක් ලබා ගැනීමට” බවයි.
‘අපි ඉන්නේ උදව් කරන්න’
කලින් සමාජ මාධ්‍ය සටහනක, GDRFA පැවසුවේ දැනුවත් කිරීමේ මෙහෙයුම “ඇතුල්වීම් සහ පදිංචිය පිළිබඳ නීතිවලට අනුකූල සංස්කෘතියක්” දිරිමත් කිරීම අරමුණු කරගත් බවයි. GDRFA හි පාරිභෝගික සතුට පිළිබඳ දෙපාර්තමේන්තුවේ අධ්‍යක්ෂ ලුතිනන් කර්නල් Salem bin Ali, බියෙන් සැකෙන් තොරව ඔවුන් වෙත පැමිණෙන ලෙස ජනතාවට උපදෙස් දුන්නා. “ඔබ වසර 10 ක් පුරා අනවසරයෙන් රැඳී සිටියත්, අපගේ කාර්ය මණ්ඩලය ඔබ වෙනුවෙන් විසඳුමක් සොයනු ඇත,” ඔහු Instagram පණිවුඩයක පවසා තිබුණා.
