සාජා ගුවන් තොටුපළ මගීන්ට මුහුණු හඳුනාගැනීමේ හැකියාව ලබා දෙන ජෛවමිතික තාක්ෂණයේ අවසන් අදියරේ කටයුතු කරමින් සිටිනවා. මගීන්ට වඩාත් පහසු, බාධාවකින් තොර ගමනක් නිර්මාණය කිරීම සඳහා රට පුරා නව තාක්ෂණයන් හඳුන්වා දෙනු ලබනවා.
“අපි මුහුණු හඳුනාගැනීමේ ව්‍යාපෘතියෙන් 50 %ක් සම්පූර්ණ කර ඇති අතර එය ආගමන හා ගුවන් සේවා පද්ධති සමඟ ඒකාබද්ධ කිරීමේ අවසන් අදියරේ පවතිනවා. 2023 සිව්වන කාර්තුවේදී මුහුණු හඳුනාගැනීම ආරම්භ කිරීමට අපි බලාපොරොත්තු වෙනවා” සාජා ගුවන්තොටුපල අධිකාරියේ අධ්‍යක්ෂ ෂෙයික් ෆයිසාල් බින් සවුද් අල් කසිමි පැවසූවා.
එක්සත් අරාබි එමීර් රාජ්‍යයේ ගුවන් තොටුපළවල් ඔවුන්ගේ පද්ධති යාවත්කාලීන කිරීමට සහ ගමන වඩාත් සුමට, බාධාවකින් තොරව සහ ස්පර්ශයකින් තොරව සිදු කරන තාක්ෂණයන් හඳුන්වා දීමට ප්‍රධාන ආයෝජන සිදු කර ඇත.
2022 නොවැම්බරයේදී, අබුඩාබි ගුවන් තොටුපළ නිවේදනය කළේ මගීන්ගේ මුහුණේ ලක්ෂණ විදේශ ගමන් බලපත්‍ර ලෙස භාවිතා කරන නව තාක්‍ෂණය දියත් කිරීමට සූදානම් වන බවයි. මෙම තාක්‍ෂණය ක්‍රමක්‍රමයෙන් දියත් කෙරෙනු ඇති අතර, එහි පළමු අදියර අබුඩාබි ජාත්‍යන්තර ගුවන් තොටුපළේ එක්සත් ජනපද රේගු සහ දේශසීමා ආරක්ෂණ (CBP) අංශයේදී පරීක්‍ෂා කරමින් පවතී.
2022 දී සාජා ගුවන් තොටුපළේ මගී ගමනාගමනය 84.73 %කින් වර්ධනය වූවා. 2022 දී මිලියන 13 කට අධික මගීන් සංඛ්‍යාවක් දක්වා වර්ධනය වී 2019 දී මිලියන 13.6 ක පූර්ව වසංගත මට්ටමට ළඟා විය. මේ අතර, ගුවන් යානා ගමනාගමනය 51.69 % කින් ද ගුවන් ගමන් 2021 අවසන් වන විට 57,679 ට සාපේක්ෂව 87,4952 ක් දක්වා වර්ධනය වී තිබෙනවා.
සාජා ගුවන් තොටුපළ අධිකාරියේ සභාපති අලි සලීම් අල් මිඩ්ෆා පැවසුවේ “මෙම වසර අවසන් වන විට මගී ගමනාගමනයේ තවත් 5 % වැඩිවීමක් අපි අපේක්ෂා කරනවා.”
