‘Voltage Edition’ ලෙස දියත් කරන ලද ඊ-සයිකල් නිෂ්පාදනය කරනු ලබන්නේ රටේ විශාලතම සයිකල් නිෂ්පාදකයා වන ලුමාලා විසින් වන අතර ඒවා බෙදා හැරීම් කටයුතු සඳහා විශේෂයෙන් නිර්මාණය කර තිබෙනවා. එයට කිලෝමීටර 100 ක් දක්වා පරාසයක් ඇති අතර උපරිම වේගය පැයට කිලෝමීටර් 30 ක් දක්වා වේ. Uber Eats යනු පසුගිය වසරේ ශ්‍රී ලංකාවේ සයිකල් බෙදාහැරීම් හඳුන්වා දුන් පළමු ක්‍රමවේදය වෙනවා.
ඊ-සයිකල් සාමාන්‍ය බයිසිකල්වලට වඩා වැඩි දුරක් ආවරණය කළ හැකි අතර සම්ප්‍රදායික යතුරුපැදිවලට වඩා නඩත්තු කිරීමට පහසුය.
සයිකල් බැටරිය පැය 4කින් චාර්ජ් කලහැකි වෙනවා. මෙය බෙදාහැරීමේ අක්‍රිය කාලය අවම කරන අතර ඉන්ධන පිරිවැයට සාපේක්ෂව වියදම් අඩු කරයි. අඩු උත්සාහයකින් විශාල බෙදාහැරීමේ දුර සීමාවක් ආවරණය කිරීම පහසු කිරීමෙන්, බෙදාහැරීමේ හවුල්කරුවන්ට වැඩි බෙදාහැරීම් සිදු කිරීම හරහා වැඩිපුර උපයා ගැනීමට හැකි වනු ඇත. මෙම මුලපිරීම Uber Eats හි ගෝලීය දැක්ම වන 2040 වන විට සියලු චාරිකා තිරසාර සංචලනය වෙත ගෙන යාමේ ඉදිරි පියවරකි.
සමාගම විසින් Lumala e-cycles මිලදී ගැනීමේදී 30% ක වට්ටමක් සහ එහි Uber Eats බෙදාහැරීමේ හවුල්කරුවන් සඳහා අමතර කොටස් සඳහා 15% වට්ටමක් ද ලබා දෙනු ඇත.
මෙම අවස්ථාවට ප්‍රධාන ආරාධිත අමුත්තා ලෙස සහභාගී වූ විදුලිබල හා බලශක්ති අමාත්‍ය කංචන විජේසේකර මහතා Uber Eats හි තිරසාරත්වය කෙරෙහි අවධානය යොමු කරමින් සුභාශිංසන පළ කළ අතර තෝරාගත් බෙදාහැරීමේ හවුල්කරුවන් සඳහා e-cycles ප්‍රදානය කළේය.
Uber මහජන ප්‍රතිපත්ති සහ රාජ්‍ය සබඳතා, ආසියා පැසිෆික් කලාපයේ ජ්‍යෙෂ්ඨ අධ්‍යක්ෂ Mike Orgill සහ Uber Eats ශ්‍රී ලංකා අන්තර්වාර සාමාන්‍යාධිකාරී පිවිතුරු කොඩිකාර ඇතුළු ශ්‍රී ලංකාවේ එක්සත් ජනපද තානාපතිනි Julie J. Cheng ගෞරවනීය ආරාධිත අමුත්තන් ඔහු සමඟ එක් විය.
මෙම අවස්ථාවට අදහස් දක්වමින් අමාත්‍ය විජේසේකර මහතා මෙසේ පැවසීය: “තාක්‍ෂණය මූලික කරගත් ක්‍රමවේදයන්, මිනිසුන් ගමන් කරන ආකාරය හා අන්තර්ජාලය හරහා ආහාර ඇණවුම් කරන ආකාරයේ වෙනසක් ඇති කළේය. දැන්, ඔවුන් හරිත සංචලනය ප්‍රවර්ධනය කිරීමෙන් තවත් විශාල වෙනසක් කෙරෙහි අවධානය යොමු කළ යුතුය. අපි ඉන්ධන මත යැපීම අඩු කර අපගේ කාබන් විමෝචනය අඩු කළ යුතුයි. ආයෝජනය කිරීම සහ හරිත ආර්ථිකයක් ගොඩනැගීම අද අපගේ ප්‍රමුඛතම අවශ්‍යතාවයකි. Uber Eats විසින් e-cycles ඇතුළත් කිරීමට ගත් තීරණය අපි සාදරයෙන් පිළිගනිමු සහ සමාගම ශ්‍රී ලංකාව තුළ තිරසාර සංචලනය ඉදිරියට ගෙන යනු ඇතැයි විශ්වාස කරමු.
ආර්ථික අර්බුදය තුළ බෙදාහැරීමේ හවුල්කරුවන් සඳහා ඉන්ධන යැපීම අවම කිරීම සඳහා Uber Eats පසුගිය වසරේ සයිකල් බෙදාහැරීම් හඳුන්වා දුන්නේය. අද වන විට, Uber Eats සඳහා ශ්‍රී ලංකාවේ මුළු බෙදාහැරීම්වලින් 10%ක් පාපැදි බෙදාහැරීම් වේ. e-cycles සමඟින්, Uber Eats තිරසාර සංචලනය කරා මීළඟ පියවර ගන්නා අතර අනාගතයේදී එහි ක්‍රමවේදයේ e-bikes සහ e-scooters සඳහා මග පාදයි.
Uber මහජන ප්‍රතිපත්ති සහ රාජ්‍ය සබඳතා, ආසියා පැසිෆික් කලාපයේ ජ්‍යෙෂ්ඨ අධ්‍යක්ෂ Mike Orgill මෙසේ පැවසීය. “අපි ශ්‍රී ලංකාව වෙනුවෙන් කැපවී සිටින අතර Uber Eats විසින් රටට පිරිනැමිය යුතු හොඳම දේ අඛණ්ඩව ගෙන එමින් සිටිමු. සයිකල් බෙදාහැරීම් හඳුන්වාදීමේ පළමු ක්‍රමවේදය බවට පත්වීමෙන් පසු, 2040 වන විට තිරසාර සංචලනය වෙත ගමන් කිරීම සඳහා අපගේ ගෝලීය දැක්මට අනුකූලව අපි අද අභිරුචිකරණය කළ e-cycles වෙත පිවිසෙන්නෙමු.
Voltage edition e-cycles විදුළි ස්කූටර, යතුරුපැදි සමඟ තරඟ කිරීමට අභිරුචි ලෙස නිර්මාණය කර ඇත. ඔවුන්ට එක් වරක් චාර්ජ් කිරීමෙන් පැඩල් ආධාරයෙන් කිලෝමීටර් 100 කට වඩා වැඩි දුරක් ආවරණය කළ හැකි අතර සම්පූර්ණ විදුලියෙන් ගමන් කිරීමෙන් කිලෝමීටර 60 කට වැඩි දුරක් ගමන් කළ හැකිය. සෑම විටම ආරක්ෂිත බෙදාහැරීම් සහතික කිරීම සඳහා, ඒවා දිවා කාලයේ ධාවන පහන් සහ රාත්‍රී කාලයේ දෘශ්‍යතාව සඳහා LED ප්‍රොජෙක්ටරය සහ LED ටේල් ලයිට් වලින් සමන්විත වෙනවා. e-cycles හි බෙදාහැරීමේ බෑග් සඳහා පිටුපස වෙනම ගබඩා මැදිරියක් සවි කර ඇති අතර ප්‍රායෝගිකව මාර්ගවල ශබ්දය අඩු කරයි.
