සාජා හි මාර්ග සහ ප්‍රවාහන අධිකාරිය (SRTA) එමිරේට්ස් හි නගර අතර බස් රථවල නොමිලේ අන්තර්ජාල සේවාව දියත් කරන බව නිවේදනය කළේය. මෙම පියවර අධිකාරියේ විස්තීර්ණ සංවර්ධන සැලැස්මේ කොටසක් වන අතර එය පොදු ප්‍රවාහන භාවිතා කරන්නන්ට සපයනු ලබන සේවාවන්හි ගුණාත්මක බව ඉහළ නැංවීම අරමුණු කර ගෙන ඇත.
සාජා බස් නැවතුම්පොළේ සිටින මගීන්ට නොමිලේ WiFi භුක්ති විඳිය හැකිය. ඔවුන්ගේ බස් රථ එනතුරු බලා සිටින පදිංචිකරුවන්ට විවෘත WiFi ජාලයට සම්බන්ධ වීමෙන් සේවාව ලබා ගත හැක. මගීන්ට පරිශීලක නාම හෝ මුරපද සෑදීමට හෝ ඔවුන්ගේ විද්‍යුත් තැපෑල සහ ජංගම දුරකථන අංක පවා ලබා දීමට අවශ්‍ය වන්නේ නැත.
එමිරේට්ස් හි නගරාන්තර බස් රථ ප්‍රධාන මාර්ග 15 ක දෛනික චාරිකා ක්‍රියාත්මක කරයි. සාජාහි ප්‍රධාන වශයෙන් SRTA විසින් Mowasalat බස් රථ මගින් පවත්වාගෙන යනු ලබන ඒකාබද්ධ පොදු ප්‍රවාහන පද්ධතියක් ඇත. ඩුබායි හි NOL පෙරගෙවුම් කාඩ්පතට සමානව, සාජා හි මගීන් පහසු ගෙවීමේ විකල්ප සඳහා Sayer සහ Mowasalat කාඩ්පත් භාවිතා කරයි.
මේ අතර ඩුබායි සිට සාජා සහ අබුඩාබි දක්වා නගරාන්තර බස්රථවල ද නොමිලේ අන්තර්ජාල සේවාව ලබා ගත හැකිය. මෙම සේවාව මගින් නගරාන්තර බස් මගීන්ට ඔවුන්ගේ අතේ ගෙන යා හැකි උපාංග වන, ටැබ්ලට් හෝ ස්මාර්ට්ෆෝන් හරහා අන්තර්ජාලයේ සැරිසැරීමට අවස්ථාව ලැබේ. ගමනාගමනයේදී කාර්යයන් කිහිපයක් එක්වර ක්‍රියාවට නැංවීම තුලින් කාලය ඉතිරි කර ගැනීමේ අභ්‍යාසයක් ද වනවා.
ඩු ටෙලිකොම් හරහා සපයන සියලුම මගීන් සඳහා අබුඩාබි හි පොදු බස් රථ ද නොමිලේ WiFi වලින් සමන්විත වේ. අබුඩාබියේ සියලුම ප්‍රධාන බස් නැවතුම් පොළවල්වල මෙන්ම නගරයේ සියලුම වායුසමනය කළ බස් නැවතුම් පොළවලද නොමිලේ මෙම සේවාව ලබා ගත හැකිය.
