නව වාර්තාවකට අනුව ආහාර සුරක්ෂිතතාව සහ සැපයුම් දාම හැසිරවීට ඇති හැකියාව සම්බන්ධයෙන් එක්සත් අරාබි එමීර් රාජ්‍යය මැද පෙරදිග සහ අප්‍රිකානු කලාපයේ හොඳම ස්ථානයට පත්වී තිබෙනවා.
2022 සිව්වන කාර්තුවේදී සැපයුම් දාම කඩාකප්පල් වීම, උද්ධමනය, ආහාර අනාරක්ෂිතභාවය සහ ණය වැඩිවීම වැනි ගැටළු වලින් මැදපෙරදිග සහ අප්‍රිකානු කලාපයේ රටවල් 56 ක් අතරින් අඩුම අවදානම එක්සත් අරාබි එමීර් රාජ්‍යය සතු වූ අතර, ඉන් පසුව ඊශ්‍රායලය, සෞදි අරාබිය, කටාර් සහ කුවේට් පත් වී ඇත. දත්ත සහ විශ්ලේෂණ සමාගමක් වන GlobalData විසින් මෙම වාර්තාව ඉදිරිපත් කොට ඇත.
GlobalData Country Risk Index (GCRI) නවතම සර්ව ආර්ථික තත්වයන්, දේශපාලන, සමාජීය, තාක්ෂණික, පාරිසරික සහ නීතිමය දත්ත ආශ්‍රයෙන් මෙම වාර්තාව ගොඩනගා ඇත.
වාර්තාවට අනුව, ස්විට්සර්ලන්තය දර්ශකයේ ඉහළින්ම සිටින අතර, ඩෙන්මාර්කය සහ සිංගප්පූරුව ඉන් පසුවයි. මැදපෙරදිග සහ අප්‍රිකානු කලාපයේ අවදානම් ලකුණු 100න් 54 සිට 54.3 දක්වා සිව්වන කාර්තුවේදී ඉහළ ගොස් ඇති බව වාර්තාවේ දැක්වේ.
“මැදපෙරදිග සහ අප්‍රිකානු කලාපයේ බොහෝ රටවල් ආහාර ආනයනය මත දැඩි ලෙස රඳා පවතින අතර යුක්රේනයේ සහ සිරියාවේ ගැටුම්, අප්‍රිකානු රටවල සහ කෙන්යාවේ නියඟය වැනි සාධක හේතුවෙන් ආහාර සැපයුම් දාමයට බාධා කිරීම් ආහාර සුරක්ෂිතතාව සඳහා සැලකිය යුතු අභියෝග නිර්මාණය කරයි” GlobalData හි ආර්ථික පර්යේෂණ විශ්ලේෂක Bindi Patel, පවසයි.
විශේෂයෙන් රුසියාව-යුක්රේන ගැටුමෙන් පසුව සහ සැපයුම් දාම කඩාකප්පල් වීමෙන් පසුව ආහාර සැපයුම් දාමයන් විධිමත් කිරීම ආහාර සුරක්ෂිතතාව සහතික කිරීම සඳහා ඉතා වැදගත් වේ. මෙය ලොව පුරා වර්ධනය වන ප්‍රමුඛතාවයක්.
එක්සත් අරාබි එමීර් රාජ්‍යය AgriTech අංශය නංවාලීම සඳහා තාක්ෂණය භාවිතා කිරීම ප්‍රවර්ධනය කරන අතර ගෝලීය ආහාර අර්බුදය සම්බන්ධයෙන් පියවර ගැනීමට ද ප්‍රතිඥා දී ඇත.
එක්සත් අරාබි එමීර් රාජ්‍යයේ ගෝලීය පරිමාණයේ ආහාර නිෂ්පාදනය සහ බෙදා හැරීමේ ධාරිතාවය වර්ධනය කිරීමේ සාර්ථකත්වය පිටුපස ඇත්තේ රටේ “ජාතික ආහාර උපායමාර්ගය 2051” වන අතර එය ප්‍රථම වරට ප්‍රකාශයට පත් කරන ලද්දේ 2018 නොවැම්බර් මාසයේදී ආහාර සුරක්ෂිතතාව පිළිබඳ රාජ්‍ය අමාත්‍ය සහ දේශගුණික විපර්යාස සහ පරිසර අමාත්‍ය මාරියම් අල් මෙයිරි විසිනි. දකුණු ඇමරිකාවේ සිට දකුණු ආසියාව දක්වා කෘෂිකාර්මික හා ආහාර නිෂ්පාදන වත්කම් එක්සත් අරාබි එමීර් රාජ්‍යයට අත්පත් කර ගැනීම සඳහා සැලැස්ම දන්වා ඇත.
උපාය මාර්ගයේ කොටසක් ලෙස, එක්සත් අරාබි එමීර් රාජ්‍යය ලොවෙහි වසර පුරා ආරක්ෂිත, පෝෂ්‍යදායී සහ ප්‍රමාණවත් ආහාර සඳහා ප්‍රවේශය සහතික කිරීමෙන් කුසගින්න ශුන්‍ය කර ගැනීම අරමුණු කරයි. එහි අරමුණ වන්නේ ඵලදායිතාව සහ නිෂ්පාදනය වැඩි කරන ඔරොත්තු දෙන කෘෂිකාර්මික පිළිවෙත් හඳුන්වා දීම, එමගින් පරිසර පද්ධති නඩත්තු කිරීමට උපකාරී වීමයි.
මැදපෙරදිග සහ අප්‍රිකානු කලාපය සැපයුම් දාම කඩාකප්පල් වීම සහ එහි ප්‍රතිඵලයක් ලෙස ආහාර සහ ඉන්ධන වැනි අත්‍යවශ්‍ය භාණ්ඩවල මිල ඉහළ යාම හේතුවෙන් දැඩි ලෙස පීඩාවට පත්ව ඇති බව GCRI වාර්තාව පවසයි.
මෙයට හේතුව ලෙස ප්‍රධාන ආහාර ද්‍රව්‍ය ආනයනය සඳහා කලාපය රුසියාව සහ යුක්රේනය මත දැඩි ලෙස රඳා පැවතීමයි. පර් යේෂණයට අනුව, කලාපය සමාජ නොසන්සුන්තාව, ආහාර අනාරක්ෂිතභාවය සහ ණය වැඩි වීම වැනි නිරන්තර අභියෝග සමඟ පොරබදමින් සිටී.
“දැඩි මූල්‍ය ප්‍රතිපත්ති ක්‍රියාවට නංවා තිබියදීත්, මැදපෙරදිග සහ අප්‍රිකානු කලාපයේ උද්ධමන මට්ටම අනතුරුදායක ලෙස ඉහළ මට්ටමක පවතිනු ඇතැයි අපේක්ෂා කරන අතර, ප්‍රක්ෂේපණය කර ඇත්තේ සුළු අඩුවීමක් පමණි,” පටෙල් මහත්මිය පැවසුවාය.
“කලාපයේ උද්ධමන අනුපාතය 2023 හි 18.7% ක් ලෙස ඇස්තමේන්තු කර ඇති අතර, විශේෂයෙන් ඉහළ අනුපාත ඊජිප්තුව – 23.3%, ඉරානය – 40.7%, තුර්කිය- 43.7% සහ නයිජීරියාවේ – 19.3% අපේක්ෂා කෙරේ”
ගෝලීය ආර්ථිකයේ තවදුරටත් මන්දගාමිත්වය, දැඩි මූල්‍ය තත්වයන් වැඩිවීම, සමස්ත භූදේශපාලන ආතතීන් සහ දරිද්‍රතාවය සහ ආහාර අනාරක්ෂිත භාවය ඉහළ යාම නිසා මැදපෙරදිග සහ අප්‍රිකානු කලාපයේ රටවල සමස්ත අවදානම තවමත් ඉහළට ගමන් කරමින් පවතින බව ඇය පවසයි.
